ESTER 2:15 - Susula Malalaok Hehelu Palak Ma Hehelu Beuk

¹⁵ Boema Ester baba'en-na losa, fo neu nataa manek-ka. – Ester nde been-na, Abihail fo Mordekhai tolanoo daen-na, anan ndia. Mordekhai, fo nde manatao Ester da'di leo ndia ana bongin-na; Basa hataholi manamete nita Ester-ra, lasamanan beno'u. Lelek fo neu nataa manek-ka, Ester pake-nggao tunga Hegai, fo malangan nai uma manek inak-ka natutu'dun, ma nanoli-nafa'dan-na.

ESTER 2:15 Referans Kwoze

KIDUNG AGUNG 6:9

tehu au manupui kaluang ka'da esa mesak-kana, au susueng-nga, inan ana kisa susuen-na. Anafe'oanak-kala lita ma ala koa-kion, basa ina manek-kala ma saoina makahatuk-kala lasamanan.

ESTER 2:3

Ela leo been-na, Ama Manek so'u hataholi mana'a ngga'di nai basa propensi manai nusak ia, fo ala sanga anafe'oana mata makeek-kala, fo loo basa-basas leo uma mane inak-ka, nai Susan ia. Hegai da'di manamanea nai uma manek inak-ka, de neukose ana painote lole-napun-nala.

HATAHOLI 7:10

de ana soi nan neme basa toto'a-tatan dalek mai. Manetualain ba'e fen dale malole, ma ndolu malelak nai lelek neu nataa mane Masi ra fo Firon, nalosa ana so'un da'di Gobelnol nai nusa Masi ra, ma ana paleta koasa mane Firo na uma mane na.

ESTER 9:29

Boema Ina Manek Ester, fo Abihail anan-na, ana sulak susulak, sama-sama no Mordekhai susulan-na boe; Ester susula ka duan ndia, ana tao natea-nahele Mordekhai susulan-na isin fo la'eneu, Purim ndia.

KIDUNG AGUNG 8:10

Au ia papala nanadamak esa, ma au su'ung-nga uma puni mademan-na. Au touana susueng-nga bubuluk nae au o ndia soona, au aua-anale.

ESTER 2:14

Le'odae soona, loon leo uma manek-ka neu, fo balahaa soona, loon leo uma mane fe'ek neu, fo Saasgas balias-sana. Saasgas ia, manapaleta hehelik esa, fo ana ito-ato manek-ka sao fe'en-nala. Anafe'oanak esa, ta neu nataa manek-ka so'on, ta'da fe'e metema manek-ka nahiik-kana, fo naloon nenik nafa'da na'den-na.

ESTER 2:16

Leondiak Ahasyweros paleta nai teu ka hitun-na, nai hataholi Yahudi-la bula ka 10-na, fo nde bula Tebet-ta, loo Ester neu nataa Mane Ahasyweros-sa, nai uma manek-ka.

ESTER 8:1

Nai faik ndia, Mane Ahasyweros-sa, ana fe basa Haman, fo hataholi Yahudi-la musu matuainan ndia, hata-heton lala'en-na leo Ina Manek Ester-ra neu. Ester nafa'da manek-ka nae Mordekhai nde been-na, ndia tolanoo daen ndia, boema mulai faik ndia, Mordekhai hapu hak, fo leomae beita naloo fan-o, bole neu nataa manek-ka.

AMSAL 15:33

Bibii-namata'uk neu Manetualain nde been-na, netes ba'eneu nanoli malole-a; ma dale taidaek-ka, nakahuluk neme ha'da-holomata mai.