ESTER 10:1 - Susula Malalaok Hehelu Palak Ma Hehelu Beuk

¹ Mane Ahasyweros-sa, nakaseti laun-na tao bela nusak, de ta la'e ka'da laun manai tasi su'uk fo nai nusan-na fa, te laun manai letek-kala boe.

ESTER 10:1 Referans Kwoze

YESAYA 24:15

ma hataholi manai dulu-la, neukose ala koa-kio Manetualain. Laun manai tasi su'uk-ka, neukose namatutua-namadedema Israel Aman Manetualain.

MAZMUR 72:10

Mane-manek Tarsis-sala ma pulu-pulu-la leni tunu-hotuk soaneun Mane-manek Arab ma Etiopia-la ala mai fo leni bea.

LUKAS 2:1

Nai lelek ndia, Kesel Agustu sa ana po'i paleta fo ela basa nusa Roma lau nala sulak na'dek fo leke dede'u nala.

DANIAL 11:18

Basa ndia boema, neukose neu sapu-na leoina manai tasi su'uk-kala, de ana sengi ba'uk-ka. Tehu mauli-malanga nusa fe'ek esa, neukose ana tao nakamate nakamumulu-nakamamaek fo ana taon ndia, nakalenak neukose ana balas-sana nenik nakamumulu-nakamamaek ndia seluk.

YESAYA 11:11

Nai faik ndia, neukose Manetualain pake la'i seluk koasan-na, fo no falik bei ela anan manai Asyur ma Masir-ra, nai nusa Patros, Sudan, ma Elam, nai Babel, Hamat, ma manai nusa dook-kala.

ESTER 8:9

Nai faik ndia boe, fo nai hataholi Yahudi-la bula ka telun-na, fo nde bula Siwan-na, fain 23 boema, Mordekhai naloo basa manek-ka hataholi manasulak susulan-nala, de ana paletas, fo ala sulak susulak fe basa Gobelnol-la, basa bupati-la, ma propensi ka 127-kala hataholi matua-mademan-nala, neme India losa Sudan. Sulak susulak sila-la, tunga propensi-la esa-esak dede'an-na, ma susula de'en-nala. Ana haitua susulak ndia leo hataholi Yahudi-la, nai hataholi Yahudi-la dede'an-na, ma susula de'en-na boe.

ESTER 1:1

Nai Susan, fo Persia kotan-na polon-na, Ahasyweros paleta da'di manek. Nusan-na nanaba'ek neu propensi 127, fo mulai neme India losa Sudan.

KEJADIAN 10:5

Leoina fo manaleo ndolo-ndolo tasi su'uk-kala, ma nai pulu-pulu-la, bei-ba'i kain-nala nde hataholi sila-la. Fo Yafet tititi-nonosin nde basa hataholi sila-la. Leoina esa no leo anan-nala, ala leo nai esa-esak nusan-na, ma esa-esak dede'an.