EFESUS 6:6 - Susula Malalaok Hehelu Palak Ma Hehelu Beuk

⁶ Emi boso tao leondiak, ka'da nai lelek fo lanea emi a, fo daenga emi hapu kokoa-kikiok neme hataholi daebafa ka mai. Tehu ela leo bee na, emi tao no'i basa sila la, sama leo Kristu satan, fo ana tunga Manetualain hihii-nanaun no dale katema tuak.

EFESUS 6:6 Referans Kwoze

1 TESALONIKA 2:4

Ta! Ami ta kokolak soaneu tao mamahoko hataholi dalen fa te, soaneu tao mamahoko Manetualain dale na, fo mana so'ba ami dale'ma. Nana Manetualain nafa'da nae, ami mandaa tui-benga Hala Malole ndia.

GALATIA 1:10

Ade no enok ndia fo meten soona, nonoo ka bai de, au amahena hataholi daebafa ka, manaku au do? Ta leondiak fa! Au amahena ka'da Manetualain nde manaku au a. Ade au bei sanga enok fo, au ho'i hataholi daebafa ka dale na, fo ela ala manaku au do? Metema au bei tao leondiak soona, Kristu satan ta au fa.

EFESUS 5:17

Boso mamanggoa, fo palisak matalolole hata fo Lamatua ka nahii kana.

1 PETRUS 4:2

Hu ndia de, emi bei maso'da nai daebafa ka, de ela leo bee na emi maso'da tunga Manetualain hihii-nanaun, te ta tunga hataholi daebafa ka hihii-nanaun fa.

FILIPI 2:12

Hu ndia, tolano susue-lalai ngala lemin, sama na leo emi tunga mahele au, nai lelek fo au be'i o emi a, lena-lenak besak ia, nai lelek ita komododoon, ela leo bee na emi tunga mahele au. Manetualain soi-tefa nala emi so, hu ndia de sanga enok makandoo fo ela emi so'da ma, natetu-nandaa. Tao-no'i basa dede'ak sila la no ha'da-holomata, ma tunga neu Manetualain,

MATEOS 12:50

Hataholi mana tao tunga Au Amang manai nusa so'da ka hihii-nanau na, hataholi ndia nde da'di Au tolanoo toung, Au tolanoo inang, ma Au ina nga.”

IBRANI 13:21

Sa'di tao leo bee na Manetualain, fo oe mata mole-dame ndia, tao natetu-nandaa emi, ninik basa hata malole fo emi paluun soaneu tao-no'i hihii-nanaun. Sa'di leo bee na, no Yesus Kristus hehela-nonolen, de Manetualain tao-no'i nai ita dalek, hata fo nahii kana. Ela leo bee na, Kristus nanakoa-kiok losa dodoo na! Amin.

IBRANI 10:36

Paluu emi boso haelai mamanasa, fo ela emi hapu tao-no'i Manetualain hihii-nanaun, ma no enok ndia, emi sipo hata fo Ana helu ka.

KOLOSE 1:9

Hu ndia de ami mamanene dede'ak ndia boema, ami hule-haladoi fe emi tataas esa. Ami moke Manetualain, fo daenga Manetualain Dula dale na fe emi dudu'a matane ma malelak, nalosa emi bubuluk matalolole Manetualain hihii-nanaun.

MATEOS 7:21

“Ta basa hataholi fo lalo Au lae, ‘Lamatuak, Lamatuak,’ soona ala da'di lima eik neme Manetualain hataholi kamahehele nala mai. Ka'da hataholi fo mana tao tunga Au Amang manai nusa so'da ka hihii-nanaun.

1 YOHANIS 2:17

Hataholi daebafa ka nahiik daebafa ka no basa oe isin lala'ena, tehu besak ia, neukose ana sapu-lalo. Tehu hataholi mana tunga Manetualain hihii-nanau na, naso'da nahele losa dodoo na.

ROMA 6:17

Tehu moke makasi neu Manetualain! Nana makahulu na, emi da'di sala-singo ka atan, tehu besak ia emi tunga nanoli ndoos fo lanoli emi no dale katematuak.

KOLOSE 4:12

Nate'ak neme Epafras. Emi hataholin ndia boe. Kristus Yesus atan ndia fo ana manggate hule-haladoi tataas esa fe emi. Ana noke te'e-te'e neu Manetualain fo ela emi namahehele ma da'di natea-nahele, ma emi mamahele te'e-te'e, fo daenga emi tunga Manetualain hihii-nanaun lala'ena, no matetu-mandaak.

YEREMIA 24:7

Neukose Au fes dudu'a maneu soaneu lalelak lae, Au ia Manetualain. Soona neukose sila da'di Au anang-ngala, ma Au da'di sila Manetualain-na, nanahu ala fali lo Au-a mai no dale katematuak.

1 PETRUS 2:15

Nanahu Manetualain nau, fo ela no emi tatao-nono'i malolem ndia, de emi ko'o ketu hataholi mana kokolak dede'a nggoa kala, bafa na.

YEREMIA 3:10

Yehuda fo ta mana lilinekak ndia, ana tao basa sila-la boema, ana fali ma'in leo Au mai, tehu ta no dale katema tuan-na, nanahu dalen-na ta ndoos fa. Au, fo Manetualain nde manakokolak-ka.”

1 TESALONIKA 4:3

Manetualain hihii-nanaun nde ia: Manetualain nau, fo ela emi so'da ma da'di Ndia nuu hehelin, malalaok ma madook ao ma neme basa tatao-nono'i sosoa-piaok lala'ena mai.

MARKUS 3:35

Hataholi fo manatao-no'i Manetualain hihii-nanau na, ndia nde Au tolanoo toung, tolanoo inang, ma Au inang.”

1 KORINTUS 7:22

Nana ata esa namahele basa neu Lamatua ka soona, ata ndia hataholi Lamatuak fo ao loak. Ma hataholi ao loak esa, namahele basa neu Lamatua ka soona, ata ndia nde bee na Kristus atan so.