EFESUS 6:10 - Susula Malalaok Hehelu Palak Ma Hehelu Beuk

¹⁰ Mate'e na, ela leo bee na emi da'di balakaik, minik be'i-balakaik fo emi hapun neme Lamatua ka mai, nana emi da'di esa moon.

EFESUS 6:10 Referans Kwoze

FILIPI 4:13

Hu ka nde Kristus fe au koasa de, au hapu be'i-balakaik soaneu au asasale matak o basa manda'dik lala'ena.

YESAYA 40:31

Tehu hataholi fo, namahena neu Manetualain-na, neukose ana hapu be'i-balakai beuk. Sila sama leo manupui kaka'ka fo ana laa dema-na seli, nenik li'da mabe'i-balakain-na. Ala lalaik, te ala ta sota-mangu fa, ala la'o, te ala ta sota-mangu fa.

YOSUA 1:9

Mafandendelek, te Au paleta basa o, fo ela te'e-te'e o mamahele, ma mapalani! O boso bii-mamata'u, do pela-bale, nana Au, fo o Manetualaim-ma, nai o boboam-ma, nai lelek o muu leo su'di bee muu.”

1 KORINTUS 16:13

Ela leo bee na manea matalolole ma matea-mahele nai emi maso'da ma dalek, da'dileo hataholi kamahehelek. Da'di palani ma balakaik, ma da'di mabe'i-balakaik.

1 PETRUS 5:10

Tehu emi doidoso basa hatematak esa soona, neukose Manetualain tao na emi da'di matetu-mandaak. Neukose Ana fe emi mapadeik metetu, ma natetea-nahehele emi. Nanahu Ndia nde bee na, Manetualain fo dale susue na, ba'u na seli. Fo nalo basa emi, soaneu emi mame'da mita matua-mademan fo, mana ketu basa ta ka, tunga Kristus.

KOLOSE 1:11

Ela leo bee na Manetualain koasa matua-madema na, ana tao natea-nahele emi, nalosa emi lu'a-lepa mabe'i doi doso ka, nai basa dede'ak lala'e na dalek, no namahokok ma dudu'a naluk,

EFESUS 1:19

ma Manetualain tao-no'i no mahelek nanseli, henuk no koasa, nai ita hataholi kamahehele kala dalek. Manetualain koasan ndia, sama na leo Manetualain koasa matua ina na,

EFESUS 3:16

Au hule-haladoi fo ela leo bee na, Manetualain fo mandela-masa'a ka, Ana nau natetea-nahehele emi dale ma ninik Dula Dale na.

2 TIMOTIUS 4:17

Tehu Lamatua ka no nahele au, nai au boboa nga. Ana fe au be'i balakaik, de nalosa au apalani tui-benga la'i esak Hala Malole ndia, fo ela basa hataholi ta Yahudi la, lamanene beno'u. Ma au ala soe mamate sa deak.

YESAYA 40:28

Masa bole, o ta bubuluk, ma ta mamanene fa? Amak-ka nde, Manetualain fo, manaketu-basa taak-ka, fo mana makadada'dik daebafak-ka lala'en-na. Ana ta sota-mangu nita fa; hataholi daebafak, ta hapu neuk nala dudu'a-aafin fa.

2 TIMOTIUS 2:1

Timotius, fo au ana nga! Ela leo bee na, o matea-mahele neme susue-lalaik fo Ana fen neu ita, nana ita da'di esa too Kristus Yesus.

2TAWARIKH 15:7

Tehu emi muse matetea-mahehele dalem-mala ma mapalani. Emi ue-osam neukose neni buna-boak.”

HAGAI 2:4

Tehu, boso ketu namahehena mala, hai emi basa-basam-mala lemin! Tao-no'i makandoo bela-ba'uk ndia, nana neukose Au tulu-fali ahele emi.

MAZMUR 138:3

Lelek, au aloo bou-bou neu O, O mataa O matetea-mahehele au daleng-nga, nalosa au apalani.

FILIPI 4:8

Mate'e na, tolanoo kala tao mahenu dudu'a-aafi mala ninik dede'a kabelik, fo nandaa nanakoa-kiok, fo nde dede'a ndoos, ha'da-holomata, tunga ka'da ndo na, matetuk, manini suse-lalaik ma malole.

ZAKHARIA 8:13

Hai laun Yehuda ma Israel-la lemin! Nai fai maneuk-ka, metema hataholi nusa dea-la, esa soo-supa esa soona, lafa'da lae, ‘Sa'di leo been-na, susa-soe manala'e Yehuda ma Israel-la, la'e o boe!’ Tehu neukose Au soi-tefa-ala emi, nalosa hataholi nusa dea sila-la, neukose lakokolaok lae, ‘Sa'di leo been-na, baba'e-papalak fo ana kona neu Yehuda ma Israel-la, ana kona neu o lain boe!’ Hu ndia de, matetea emi dalem-ma, ma boso bii-mamata'u!”

1 TAWARIKH 28:10

Mafandendelek matalolole mae Manetualain hele basa o soaneu mapadedeik uma hehelik ba'eneun. Nah, besak ia taon no hihii-nanauk matea-mahelek leona.”

SEMUEL SUSULAK-KA ESAN-NA 23:16

Yonatan neu natongo non nai mamanak ndia, fo natetea-nahele namahehelen-na nae, neukose Manetualain nasulu-nahapan.

ZAKHARIA 8:9

Manetualain, nafa'da anan-nala nae, “Matetea emi dalem-ma. Besak ia, emi boeo mamanene hala-kokolak fo nabi la kokolak-kana, nai lelek ala pe'da batu makasososak fo lafofo'a falik Au Umang-nga.

ULANGAN 31:23

Basa boema, Manetualain nafa'da Yesua, fo Nun anan-na nae, “Yesua, ela leo been-na, matetea-mahehele o dalem-ma, ma mapalani! Te neukose, o mauli-malanga leoina Israel-la, masok leo nusak fo, Au helu basa, fen leo sila neu, fo neukose Au tulu-falis.”

1 TAWARIKH 28:20

Basa boema Dauk nafa'da seluk anamanen Salomo nae, “O muse mamahele ma mapalani. Mulai ho'u tatao-nono'ik ndia leona, ma boso bii neu hata esa boen. Manetualain fo au sene-do'ok-ka, neukose tulu-fali o. Neukose Ana ta la'oela o fa. Neukose nai o boboam-ma losa basa tatao-nono'ik ndia lala'en-na.

2 KORINTUS 13:11

Mate'e na tolano-tolanoo kala ela leo bee na emi mamahoko, ma sanga enok leona fo da'di matetu-mandaak. Sipo ma basa au nanoli-nafa'dang lala'ena. Ela leo bee na emi dalek esa ma maso'da no mole-dame. Manetualain fo Mana Sue-lai Matuaina, ma manini mole-dame ndia, neukose no emi.

1 PETRUS 3:8

Dede'a keke'u na nae: ela leo bee na emi teik esa-dalek esa ma dudu'a-aafik esa. Ela leo bee na emi masue-malai ao, sama leo tolanoo ka, boema esa tao malole neu esa, ma esa nakaloe-nakadae ao na neu esa.

FILIPI 3:1

Tolano-tolanoo ngala lemin! Mate'e na, ela leo bee na emi mamahoko nanahu emi da'di esa mo Lamatua ka so. Au ta ame'da belak soaneu kokolak asafali seluk hata fo makahulu na au sulak basan, de au fen neu emi a so; ninik dede'ak sila la, malole soaneu emi maso'da ma.

1 PETRUS 4:11

Hataholi mana manduku-malosak hala ka, muse nanduku-nalosak halak maneme Manetualai na mai; hataholi mana malalau-maoono hataholi fe'e ka, muse nalalau-naoono ninik be'i balakaik maneme Manetualai na mai, fo ela nai basa dede'ak lala'e na dalek, Manetualain nananamatutua-namadedemak tunga Yesus Kristus. Ndia nde mana koasa ma nandaa nana namatutua-namadedemak losa dodoo na. Amin.

1 YOHANIS 2:14

Ana ngala lemin! Au sulak fe emi susulak ia, nana emi malelak Amak Manetualain so. Ama ngala lemin! Au sulak fe emi susulak ia, nana emi malelak Hala Kokolak fo ana da'di neme makasososan eli mai a so. Ana muli-solu ngala lemin! Au sulak fe emi susulak ia, nana emi mabe'i-balakaik. Manetualain dede'a-kokolan nai emi dalem dale, de emi sengi Hataholi Mangalau ka so.