EFESUS 5:5 - Susula Malalaok Hehelu Palak Ma Hehelu Beuk

⁵ Taoafik matalolole hataholi mana sosoa-piao ka, do matetu-mandaa ta ka, do mana tene peta ka ha'da-tatao matak leo sila kala, sama no sosongo-tatango ka, hataholi ndia, ta hapu da'di lima eik hataholi kamahehelek fo Kristus ma Manetualain paleta fan.

EFESUS 5:5 Referans Kwoze

GALATIA 5:21

boema nape'da dale ka, mana mafuk, feta-dote, ma bei nggelok seluk bai. Hu ka nde basa dede'ak sila la de, besak ia au fe emi nasanene'dak sama na leo makahulu na boeo, au fe emi nasanene'dak ae, basa hataholi mana tao-no'i tatao-nono'i leondia ka, neukose ana ta da'di lima-eik nai Manetualain hataholi kamahehele nala dalek fa.

NINITAK 22:15

Tehu hataholi fo manatao dede'a manggenggeo kala, manapake malela makahatu kala, hataholi manatao tatao-nono'i sosoa-piao kala, hataholi kanisa kala, manasongo-tango kala, ma hataholi masapepeko-masandandalik, nau ninik dede'a-kokolak, do ninik tatao-nono'ik boe, basa hataholi sila la mamana nala nai kota ndia deak.

KOLOSE 3:5

Hu ndia de, tao makamate emi hihii-nanau daebafam fo ana tao nakalulutuk emi maso'da ma fo nde, sosoa-piao ka, dede'a ta kandaa kala fa, nasa sasao ana masuu ka, hihii-nanau mangalau ka, ma tene peta ka, nana tene peta ka sama no sosongo-tatango ka.

EFESUS 5:3

Emi nde bee na, Manetualain hataholi kamahehelen. Hu ndia de, tatao-nono'i sosoa-piao ka, ma matetu-mandaa ta ka, do tene peta ka, ta nandaa emi tao-no'i fas. Boso nalosak hataholi fe'e kala hapu ne'ek soaneu lafa'da lae, emi tao-no'i tatao-nono'ik leo sila kala.

NINITAK 21:8

Tehu hataholi manabii-mamata'u ka, hataholi kamahehele tak, hataholi mangalauk, kanisa ka, hataholi manasosoa-piao ka, hataholi manapake malela suangi la, manasongo-tango ka, ma basa mana masapepeko-masandandali kala, neukose nanatapak leo tasi ha'i ma belerang manapila lo'a-lo'a ka dalek leu. Ia nde mamate kala'i dua.”

GALATIA 5:19

Hataholi daebafa ka hihii-nanaun ma ha'da-tataon, nananitak nai tatao-nono'in fo nde, sosoa-piao ka, manggenggeo ka, ma ta kandaa ka dalek;

IBRANI 13:4

Basa hataholi lala'ena, muse latu'du heo-hilu ha'da-holomata soaneu uma lo a, hu ndia de ela leo bee na saotou saoinak, esa lilineka nahele no esa. Hataholi mana sosoa-piao ka ma manahohonge ka, neukose Manetualain naketu-nala'dis.

1 TIMOTIUS 6:10

Nana neme dale he'di doi ka mai de, basa tatao-nono'i mangalau mata-mata kala, ala da'di. Hapu hataholi nggelok, ala usi ka'da doi ka de, ala ta nau tunga hataholi Salani ka nanoli nala so'on. Hu ndia de, doidoso ka tao nakalulutuk dale nala.

1 TIMOTIUS 6:17

Ba'eneu hataholi kamasu'ik manai daebafak ia la, ela leo been-na, mafa'das fo ala boso koao ma boso lamahena neu hata-heto mana sapu-lalok sama leo su'i-bete sa. Sila muse lamahena neu ka'da Manetualain fo mana po'a-ngganga basa hata lala'ena fe ita, fo ta'a pake.

KELUARAN 20:17

Boso dale he'di hataholi fe'ek hata-heton; uman-na, saoinan-na, atan-nala, bana-manun, keledein-na, do su'di beek fo hataholi fe'ek nuun.”

YOSUA 7:21

Nai ita kalo teni bua-lo'as-sala dalek, au ita ba'du manalu esa, mana'ahiik, fo Babilonia limaleen ndia, boema lilofulak fafa'kama kilo dua, ma lilopila bibiak esa, kilo seselik esa lenak. Au ahiik anseli no bua-lo'as sila-la, boema au ho'i-alas de au afunis nai dae dale, nai au mamana ofung-nga; au tao lilofulak-ka nai bui mate'en-na.”

HATAHOLI 8:21

O ta manuu hak soaneu tunga ami nai ami lau-onom dalek fa, nana o dale ma ta ndos soaneu Manetualain fa.

HATAHOLI 20:32

Besak ia au fe emi leo Manetualain neu, fo ela nakaboboi ma fo ela emi ho'u mahele neu halak la'eneu Manetualai susue-lalain. Manetualain nanuu koasa soaneu natetea-nahehele emi, ma Ana fe emi baba'e-papalak fo Ana sadia basan soaneu hataholi kamahehele nala.

KOLOSE 1:13

Ana soi nala ita teme koasa makahatu ka mai, boema no ita leo Manetualain Ana susue na, nusan dale neu.