EFESUS 5:25 - Susula Malalaok Hehelu Palak Ma Hehelu Beuk

²⁵ Saotou ka sue-lai saoina na, sama leo Kristus sue-lai hataholi kamahehele kala, boema Ana fe heni ao ina na, soaneu hataholi kamahehelek sila la.

EFESUS 5:25 Referans Kwoze

1 PETRUS 3:7

Ma ba'eneu emi, fo saotou kala lemin! Ela leo bee na, maso'da no dudu'a-aafi neuk mo emi saoina mala, ma emi muse bubuluk, sila be'i-balakain ta ba'u emi be'i-balakaim fa. Taos no ha'da-holomata, nanahu emi mo sila hapu maso'da matetu ka neme Manetualain mai. Tao tungan leondiak, fo ela boso hapu hata napanggengge emi huhule-haladoim.

KOLOSE 3:19

Tolano-tolanoo saotou kala lemin! Sue-lai emi saoina mala. Boso tao balakaik neus.

EFESUS 5:28

Leondiak boe, saotou ka muse sue-lai saoina na sama leo ana sue-lai ndia ao paa na. Hataholi mana sue-lai saoina na, sosoa na nae, ana sue-lai ao ina na. (

KEJADIAN 2:24

Hu ndia de, touk-ka la'oela ina-aman, fo ana da'di esa no saoinan-na, boema duas da'di esa.

EFESUS 5:33

Tehu lalanek nananafa'dak ndia boeo, nanauu tututi-nanatok no emi boe: Ela leo bee na, saotou kala esa-esak sue-lai saoina na, sama leo ana sue-lai ao ina na, ma ela leo bee na, saoina kala esa-esak sanga enok fo fe ha'da-holomata neu saotou na.

EFESUS 5:2

Ela leo bee na, susu'e ka koasa emi so'da ma, sama leo Kristus boeo, Ana sue-lai emi. Ana fe heni ao ina na soaneu ita, da'dileo tutunu-hohotu kaboominik esa fo ana tao namahoko Manetualain dale na.

GALATIA 1:4

Nana hu ka nde Kristus Ana tunga ita Aman Manetualain hihii-nanaun, de Ana fe heni ao ina na, da'di neu tutunu-hohotuk soaneu ita sala-singo nala, fo ela Ana soi-po'i na ita teme ha'da-ndandaa daebafa mangalau ka mai.

NINITAK 1:5

ma neme Yesus Kristus, sakasii fo manalilineka ka. Ndia nde makasososa naso'da falik neme mamate sa mai, ma Ndia nde manakoasa neu mane-mane daebafa kala. Yesus sue-lai ita, ma no mamate na de Ana soi-po'i ita teme ita sala-singon mai,

GALATIA 2:20

Besak ia, au ta nde aso'da fa, te Kristus nde naso'da nai au dale ka. So'dak fo au ame'dan nai besak ia, nde bee na maso'dak fo au hapun neme namahehelek neu Manetualain Anan fo mana sue-lai au a, ma Ana tunu-hotu basa ao ina na soaneu au so.

NINITAK 5:9

Lakamee nakamee beuk esa nae: “O mandaa ho'i susulak ndia fo siiheni segen nala. Nana O nanataonisak so, ma no O mamate ma de, hataholi daebafa ka neme basa leoanak lala'ena, dede'a kala, nusaina la ma leoina lala'ena, O asa basan soaneu Manetualain so.

KEJADIAN 24:67

Basa ndia boema, Isak no Ribka leo nai uma ofu, fo inan Sara leo hai neme dalek so, de ana tao Ribka da'di ndia saoinan. Isak sue Ribka; boema Isak dale manasusan, hu kande inan mamaten-na, da'di namahokok.

MATEOS 20:28

Sama na leo Ana Hataholik ndia boe. Ana mai fo ta soaneu hataholi la lalalau-laoono fan, te Ana mai soaneu nalalau-naoono ma Ana fe heni so'da na, soaneu Ana soi-po'i hataholi ba'u ka.”

HATAHOLI 20:28

Ela leo bee na emi manea emi aoina mala, ma manea basa hataholi salanik fo Manetualain Dula Dale na ana fes neu emi, fo emi maneas; nana emi nanaso'u basak da'di mana manea hataholi salanik so. Ela leo bee na emi manea Manetualain hataholi salanin sila la, sama leo manafoo a nanea bi'ilopo nala, hu ka nde Manetualain nakadada'dik basa hataholi salanik sila la da'di neu Ndia nuun, tunga Ana na mamate na so.

YOHANIS 6:51

Au nde loti manakona neme nusa so'da ka mai, fo loti manafe maso'da ka. Hataholi see na'a loti ndia soona, naso'da losa dodoo na. Nana loti fo Au sanga fen neu hataholi daebafa ka ndia, nde bee na Au ao paa nga nde ndia.”

2 SEMUEL 12:3

tehu tou nuu-taa hata-taak-ka, nanuu bi'ilopoana ka'da esa, fo ana asan-na bi'ilopoana ndia boe. Nakaboboi bi'ilopoana ndia, losa namatua sama-sama no touk ia anan-nala nai uman dale. Ana fe bi'ilopoana ndia, na'a neme ndia nana'an-na mai, nakalenak bai, ninu neme ndia mango teen-na mai, ma ana sungu nai ifan lain; ho'ike'uk, ana taon da'di ndia anainan.

1 TIMOTIUS 2:6

Yesus Kristus ia, hataholi daebafak esa, fo Ana fe heni ao ina na, soaneu Ana soi tefa na basa hataholi lala'ena, leme sala-singo nala mai. No enok ndia, Manetualain naketu la'e fai na nae, Ana nau basa hataholi lala'ena, hapu so'dak.

EFESUS 5:24

Sama leo hataholi kamahehele kala boeo lakatele neu Kristus, leondiak boe, nai basa dede'ak lala'ena dalek, saoina ka muse nakatele neu saotou ka.

KIDUNG AGUNG 1:11

Ami tao fe o lilo-henu lilopilas, nenik lilofulak de'elutu.