EFESUS 5:2 - Susula Malalaok Hehelu Palak Ma Hehelu Beuk

² Ela leo bee na, susu'e ka koasa emi so'da ma, sama leo Kristus boeo, Ana sue-lai emi. Ana fe heni ao ina na soaneu ita, da'dileo tutunu-hohotu kaboominik esa fo ana tao namahoko Manetualain dale na.

EFESUS 5:2 Referans Kwoze

YOHANIS 13:34

Au fe emi paleta beuk esa nae leo ia: Masue-malai ao leona. Sama na leo Au sue-lai emi basa-basa mala. Leondiak boe, emi muse masue-malai ao.

GALATIA 2:20

Besak ia, au ta nde aso'da fa, te Kristus nde naso'da nai au dale ka. So'dak fo au ame'dan nai besak ia, nde bee na maso'dak fo au hapun neme namahehelek neu Manetualain Anan fo mana sue-lai au a, ma Ana tunu-hotu basa ao ina na soaneu au so.

KOLOSE 3:14

Tehu nanapaluuk nanseli a, nde: Emi muse masue-malai ao, nana susue-lalaik ndia nde pa'a nakabubua emi basa-basa mala, nalosa emi da'di matetu-mandaak.

2 KORINTUS 2:15

Nana ami nde bee na, sama leo kaboomini ka boo na, fo naboomini fo Kristus nde tunu-hotun soaneu Manetualai na. Ba'eneu hataholi fo nasasale matak no momopo-mamate sa, ami ia sama leo mamate ka'boo ka, fo boo na nanisa. Tehu ba'eneu hataholi fo bei hapu nanasoi-tefak, soona ami sama leo kaboominik fo boo mini na ninis leo maso'da ka neu. Naa, see ka nde tao natetu bela ba'uk ia?

TITUS 2:14

Ana tunu-hotu basa ao ina na soaneu ita, ma Ana se'i-po'i ita teme mangalauk lala'ena mai, fo Ana tao ita da'di Ndia hataholi kamahehele malalao-malalafuk ma mana manggate tao tatao-nono'i malole.

1 KORINTUS 16:14

Basa hata fo emi tao-no'i nana, tao-no'in no susue-lalaik.

MATEOS 20:28

Sama na leo Ana Hataholik ndia boe. Ana mai fo ta soaneu hataholi la lalalau-laoono fan, te Ana mai soaneu nalalau-naoono ma Ana fe heni so'da na, soaneu Ana soi-po'i hataholi ba'u ka.”

1 PETRUS 4:8

Lenak neme basa sila lala'ena, ela leo bee na emi masue-malai ao te'e-te'e, nanahu no nasue-nalai ao ka, fo besa ka emi esa fe do'o do ampon neu esa.

2 KORINTUS 8:9

Nana emi bubuluk tete'e ka, Yesus Kristus fo ita Lamatua na sue-lai na ita ba'u na seli. Yesus kamasu'ik, tehu Ana tao aoina na da'di nuu ta-hata tak, soaneu emi paluu ma, fo ela no nuu ta-hata tan ndia, emi da'di kamasu'ik.

1 YOHANIS 3:16

No enok ndia de, besak ia ita bubuluk eno nasue-nalai ao ka nde: Kristus fe heni so'da na soaneu ita. Hu ndia de, ita muse fe heni ita so'da na soaneu ita tolano nala boe.

KEJADIAN 8:21

Tutunu-hohotuk ndia, boomenin-na tao namahoko Manetualain dalen-na, boema Ana dodoo nai dalen dalen-nae, “Neukose Au ta soo-supa seluk daebafak ia so'on, hu kande hataholi daebafak-ka tatao-nono'in; Au bubuluk, hataholi daebafak-ka dudu'a-aafin ndia, mangalauk neme bei muli-solun-na mai. Neukose, Au ta tao amopo-amate basa mahahae maso'dak, fo bei kaso'dak-kala so'on, sama leo besak-ka Au taok ia.

NINITAK 1:5

ma neme Yesus Kristus, sakasii fo manalilineka ka. Ndia nde makasososa naso'da falik neme mamate sa mai, ma Ndia nde manakoasa neu mane-mane daebafa kala. Yesus sue-lai ita, ma no mamate na de Ana soi-po'i ita teme ita sala-singon mai,

IBRANI 9:26

Hu ka nde metema leondiak soona, dede'ak ndia sosoa na nae, Kristus doidoso fali-fali, mulai neme daebafak ia da'di makasososa na mai so. Tehu besak ia, ita bubuluk, nai fai makabuin ia, Ana mai ka'da la'iesa, de Ana loseheni ita sala-singon, ninik Ana tunu-hotu aoina na.

IBRANI 9:14

Naa, metema bi'i daa no sapi daa, ala hapu tao balisi hataholi a neme sala-singon mai soona, muda hata no Kristus daa na bai! Tunga Dula Dale mana ketu basa ta ka, de Kristus tunu-hotu aoina na da'dileo tutunu-hohotu matetu-mandaak soaneu Manetualain. Kristus daa na, ana tao nalalao ita dale na, neme agama ito ato mana da'di taan ndia mai, fo ita hapu talalau-taoono Manetualain fo maso'dak dia.

1 TIMOTIUS 2:6

Yesus Kristus ia, hataholi daebafak esa, fo Ana fe heni ao ina na, soaneu Ana soi tefa na basa hataholi lala'ena, leme sala-singo nala mai. No enok ndia, Manetualain naketu la'e fai na nae, Ana nau basa hataholi lala'ena, hapu so'dak.

EFESUS 4:15

Ta! Dede'a nasafali na, ita muse tatu'du ka'da dede'a ndo sa, ninik ita dale susue-lalai katematua na, fo daenga nai basa dede'ak lala'ena dalek, ita boetai tatetu-tandaa sama na leo Kristus, fo Ana da'di malangan soaneu ita.

1 YOHANIS 3:23

Ana paleta ita tao dede'a ka nde ia: Ita muse tamahele Anan, fo Yesus Kristus, ma ita muse tasue-talai ao sama na leo Kristus paleta basan neu ita so.

1 TIMOTIUS 4:12

Boso fe hataholi nakadadaek o, hu ka nde o bei muli soluk. Te ela leo been-na, o da'di natutu'duk esa ba'eneu hataholi kamahehele kala, nai o dede'a-kokolam ma o ha'da tataom dalek, nai o susue-lalaim neu o nonoo hataholi ma dalek, nai o namahehelem neu Kristus Yesu sa dalek, ma nai o so'da malalao-malalafu ma dalek.

1 TESALONIKA 4:9

Hu ka nde Manetualain nanoli basa emi de, emi masue-malai ao so, de ta paluu ami fe seluk emi susulak, fo ami manoli emi so'on.

EFESUS 4:2

Ela leo bee na, makaloe-makadae ao mala tataas esa, dale mangana'uk, ma boso haelai mamanasa. Matu'du emi susue-lalaim, ninik esa tulu-fali esa.

EFESUS 3:17

Ela leo bee na, hu ka nde emi mamahele Kristus de, Kristus leo nai emi dalem dale, ma emi so'da ma, susue ka koasa nan.

GALATIA 1:4

Nana hu ka nde Kristus Ana tunga ita Aman Manetualain hihii-nanaun, de Ana fe heni ao ina na, da'di neu tutunu-hohotuk soaneu ita sala-singo nala, fo ela Ana soi-po'i na ita teme ha'da-ndandaa daebafa mangalau ka mai.

IMAMAT 1:17

Basa soona, muse siin neu manupui ndia li'da huun-na, tehu ta bole ketu heni li'dan-na fa. Soona, muse tunu manupui ndia, nai mei tunu-hotuk lain. Tutunu-hohotuk nanatunuk ndia boon-na, nandaa no Manetualain dalen-na.

IMAMAT 1:13

Boema hataholi ndia muse safe bana ndia tei-aten ma sakibolon-na. Basa soona, imam-ma muse tunu-hotu la'iesak paa ndia nai mei tunu-hotuk lain soaneu Manetualain. Tutunu-hohotuk ndia boon-na, nandaa no Manetualain dalen-na.

NINITAK 5:9

Lakamee nakamee beuk esa nae: “O mandaa ho'i susulak ndia fo siiheni segen nala. Nana O nanataonisak so, ma no O mamate ma de, hataholi daebafa ka neme basa leoanak lala'ena, dede'a kala, nusaina la ma leoina lala'ena, O asa basan soaneu Manetualain so.

IBRANI 9:23

Leondiak boe, ba'eneu hata fo nana'de hata nusa so'dak soona, paluu nanatao nalalaok. Tehu hata sila la, paluu tutunu-hohotu malole lena seluk ndia bai.

EFESUS 3:19

fo ta hapu nalelak matalololen ninik hataholi daebafa ka dudu'a-aafin fa. Ela leo bee na emi malelak Kristus susue-lalain ndia, fo no enok ndia, neukose emi te'e-te'e da'di sama leo Manetualain.

ROMA 8:3

Hata fo agama hoholo-lalanen ta hapu tao nala fan, hu ka nde ita hataholi daebafa ka tapandoe na, Manetualain tao basan so. Manetualain sengi sala-singo ka koasa na nai hataholi daebafa ka ha'da-tatao na dalek, ninik Ana haitua Ana na mai no heheo-hihilun sama na leo hataholi daebafa masala-masingo ka, fo Ana kokaheni sala-singo ka.

AMOS 5:21

Manetualain nafa'da nae, “Au ta hii, ma malua mete emi agama-ma fai malolen-nala!

IMAMAT 1:9

Boema, hataholi ndia muse safe sapi ndia tei-aten, ma sakibolon-na, fo imam malalau-maoono-la, muse tunu la'iesak-kana. Tutunu-hohotuk ndia boon-na, nandaa no Manetualain dalen-na.

EFESUS 5:25

Saotou ka sue-lai saoina na, sama leo Kristus sue-lai hataholi kamahehele kala, boema Ana fe heni ao ina na, soaneu hataholi kamahehelek sila la.

1 KORINTUS 5:7

Tu'u-tapaheni makahuluk lalutei palaak ndia, fo nde lalutei sala-singo ka, fo ela emi dadi ha'de sopu nanakame beuk fo balisi neme lalutei sala-singo palaa ka mai, fo daenga au bubuluk ae, memak emi leondiak. Nana ita feta Paskah na nanasadia basak, hu ka nde Kristus nde da'dileo ita bi'ilopo Paskah na, fo nanatunu-hotu basak so.

ROMA 4:25

Yesus ndia nanafe henik soaneu nanataonisak nanahu ita sala-singo nala; boema Manetualain tao naso'da fali kana, soaneu Ana soi enok fe ita malole falik to Manetualain.

YOHANIS 6:51

Au nde loti manakona neme nusa so'da ka mai, fo loti manafe maso'da ka. Hataholi see na'a loti ndia soona, naso'da losa dodoo na. Nana loti fo Au sanga fen neu hataholi daebafa ka ndia, nde bee na Au ao paa nga nde ndia.”

ROMA 8:37

Ta! Nakalenak nai basa dede'ak sila la dalek, ita hapu sesengi matetu-mandaa ka neme Ndia fo manasue-lai ita!

IMAMAT 3:16

Imam malalau-maoonok-ka, muse tunu basa paa sila-la nai mei tunu-hotuk lain. Tutunu-hohotu nana'ak ndia boon-na, nandaa no Manetualain dalen-na. Bana ndia minan-na lala'en-na, soaneu Manetualain.

KELUARAN 29:18

Tunu-hotu bi'ilopo mane ndia paan-na lala'en-na neu mei tunu-hotuk lain, soaneu da'di tutunu-hohotu nanatunuk. Tutunu-hohotuk ndia boon-na nandaa no Au daleng-nga.

KELUARAN 29:25

Boema ho'i-ma loti ndia neme sila liman dale mai, fo tunun nai mei tunu-hotuk lain, fo nai tutunu-hohotu nanatunuk ndia lain. Tutunu-hohotuk ndia boon-na nandaa no An daleng-nga.

ROMA 15:16

Ana tao au da'di Kristus malalau-maoonon fo nadenu au u leo leoina ta Yahudi la u. Ma au alalau-aoono da'dileo imam fo tui-benga Manetualain Hala Malole na neu hataholi ta Yahudi la fo ala da'di tutunu-hohotuk neu Manetualain fo Ana sipo kasa. Ela leo bee na, Manetualain Dula Dale na tao nalalao-nalalafus fo ala da'di tutunu-hohotu malalaok soaneu Manetualain.

2 KORINTUS 2:14

Tehu makasi neu Manetualain! Ana hela-nole ami tataas esa, fo ami la'ok nai Kristus eno sesengi na, hu ka nde ami maso'da da'di esa mon. Manetualain pake ami, fo ela halak la'eneu Kristu sa namaloa sama leo kaboominik fo nabomini leo basa mamanak lala'ena neu.

EFESUS 1:4

Lelek fo daebafak ia beita nananakada'dik fa te, Manetualain hele basa ita tunga Kristus no dudu'ak, fo ela ita da'di Ndia nuu hehelin, ma sala-singok tak nai mata na. Hu ka nde, Manetualain susue-lalain

EFESUS 5:15

Hu ndia de, taoafik matalolole, o so'da ma eno-dalan. Boso maso'da sama leo hataholi nggoa kala; te maso'da sama leo hataholi malela kala.

FILIPI 4:18

Au sipoalas te see ko na dai ma lena! Emi haitua fe au basa tutulu fafali kala, au sipo alas neme Epafroditus mai so. Besak ia, au hapu basa hata fo au paluu ka so. Emi fe feem sila la, sama leo tutunu-hohotu kaboo minik esa, fo ala fen leo Manetualai na neu de, Manetualain sipo nan no namahokok.

IBRANI 8:3

Basa Imam Matua Ina la, nanaso'uk soaneu ana fe tutunu-hohotuk neu Manetualain. Leondiak boe, ita Imam Matua Ina; ana muse nanuu hata esa, soaneu Ana tunu-hotu.

ULANGAN 27:6

nana emi mapadedeik fe emi Manetualaim-ma, mei tunu-hotuk-ka, muse nanataok neme batu katemak mai. Emi muse tunu-hotu, tutunu-hohotu nanatunuk nai mai tutunu-hohotuk ndia lain.