EFESUS 4:26 - Susula Malalaok Hehelu Palak Ma Hehelu Beuk

²⁶ Metema emi mamanasa soona, boso po'ilotak nasak ndia, nini fe emi sala-singok. Boso mamanasa losa le'do tenak,

EFESUS 4:26 Referans Kwoze

YAKOBIS 1:19

Tolano-tolanoo ngala lemin! Taoafik matalolole dede'a ka nde ia: Hataholi a, muse namanene no lai-laik, tehu kokolak koe-koe, ma boso hae lai mamanasa.

MAZMUR 4:4

Bubuluk leona, te Manetualain hele basa, ba'eneu aoinan-na, hataholi esa fo, Ana sue-lain so. Manetualain namanene metema, au aloo bou-bou neun.

MAZMUR 37:8

Boso mamanasa, do dalem-ma namahana, te ndia ka'da neni soe.

PENGKHOTBAH 7:9

Boso haelai mamanasa; ka'da hataholi nggoak kande nape'da dalek.

AMSAL 14:29

Hataholi manatee-tenok-ka, ta namanasa lai-laik fa; tehu hataholi nggoak-ka, ta hapu nakatataka-na, aoinan-na fa.

AMSAL 19:11

Hataholi manatee-tenok-ka, bisa nakatatakak-na, nasa-melun, ma nanakoa-nanakiok, nanahu ana fe ampon neu hataholi manatao salak soaneun.

MATEOS 5:22

Tehu besak ia, Au afa'da neu emi te, ba'eneu see fo namanasa hataholi fe'ek soona, neukose ana hapu huhukuk nai Mana Maketu Mala'di Agama Matua matan. Ma ba'eneu see naseo hataholi nae, ‘Nggoak’ soona, hataholi ndia nandaa tapan leo tasi ha'ik dale neu.

MARKUS 3:5

Yesus mete leo boboa-kaisun neu no nasak, tehu Ana dale he'di boe, nanahu ala langabatu lanseli. Boema nafa'da hataholi lima mate seselik ndia nae, “Lok o lima ma.” Hataholi ndia lok lima na boema, lima na hai.

BILANGAN 20:24

“Neukose Harun ta masok leo nusak fo, Au helu basa, fen neu leoina Israel-la fa; neukose maten, nanahu emi dua la'ban basa Au paletang-nga, neme deka no oemata Meriba so.

MARKUS 10:14

Yesus nita boema, namanasa de nafa'da ana mana tunga nala nae, “Neme na fo ni'iana sila la ala mai leo Au mai! Boso kena-ka'is, nana hataholi leoia kala nde da'di lima eik neme Manetualain hataholi kamahehele nala mai.

AMSAL 25:23

Tao leo bee-o, ani kiis-sa neni u'dan, leondiak boe, kokolak namakukutuk-ka, nakadada'dik nasa-meluk.

KELUARAN 11:8

Mate'en-na, Musa nafa'da nae, “Basa au Ama Maneng-nga, manapaletan-nala, neukose ala mai, fo ala sene-do'ok leu au matang-nga, ma loke fo ela au ma au leoinang-nga la'oela nusak ia. Basa ndia soona, neukose au la'o.” Boema Musa la'o ela manek-ka no namanasa nanseli.

ULANGAN 24:15

Tunga faik, fo le'do beita temak fa te, emi muse bae ngga'din faik ndia dalen-na; ana namahena doik ndia, nanahu ana paluun. Metema, emi ta bae ngga'din-na fa soona, neukose ana naloo bou-bou neu Manetualain fo, noke tutulu-fafalik soaneu emi, fo emi da'di hataholi masala-masingok.

YAKOBIS 1:20

Nana hataholi mana mamanasa ka, ana ta hapu tao tatao-nono'i malole fo nandaa no Manetualain dale na fa.

SEMUEL SUSULAK-KA ESAN-NA 20:34

Yonatan namanasa nanseli, de ana la'oela mei nana'ak-ka, de nai Feta Bula Beuk ndia, fai ka duan-na, ta na'a-ninu hata esa boen. Dalen-na he'dis nanseli, nanahu ana dudu'a-dodoo ka'da neu Dauk, fo aman Saul nakamumulu-nakamamaek-kana ndia.