EFESUS 4:15 - Susula Malalaok Hehelu Palak Ma Hehelu Beuk

¹⁵ Ta! Dede'a nasafali na, ita muse tatu'du ka'da dede'a ndo sa, ninik ita dale susue-lalai katematua na, fo daenga nai basa dede'ak lala'ena dalek, ita boetai tatetu-tandaa sama na leo Kristus, fo Ana da'di malangan soaneu ita.

EFESUS 4:15 Referans Kwoze

1 YOHANIS 3:18

Ana ngala lemin! Ita boso sue-lai hataholi, ninik ka'da ita bafa lou na, do ninik ka'da hala-kokolak mesa kana. Te ela leo been-na, ita sue-lai tinik susue-lalai matetu ka, fo ita tatu'dun nai ita tatao-nono'in dalek.

EFESUS 4:25

Hu ndia, tolano-tolanoo ngala lemin! Boso masapepeko-masandandali bai. Esa tao ndoos no esa, nana ita basa-basa tala nde bee na, Kristu sao paa na, lima ein no'u-no'u.

ZAKHARIA 8:16

Emi muse tao tunga paleta-la nde ia nae: Metema emi kokolak soona, kokolak ndos neu emi nonoo hataholim-ma. Ho'i nakeketuk tunga ndoos ma matetuk, ma neni mole-dame.

1 PETRUS 1:22

Hu ka nde emi tao tunga Manetualain nanoli nala, de emi tao balisi emi ao ina mala, ma emi sue-lai hataholi fo emi namahehelek esa, no dale ndoos. Hu ndia de, ela leo bee na emi masue-malai ao no dale katema tuak.

2 PETRUS 3:18

Ela leo bee na, Lamatuak Yesus Kristus, ma ita Mane Mana Soi-Tefa na, Ana fe baba'e-babatin neu emi, fo ela emi boetai malela kana. Koa-kion, neme besak ia, losa dodoo na! Amin. Ha'da-holomata neme ami, Petrus

EFESUS 2:21

Ndia nde pe'da-fua uma ndia, da'di Manetualain Uma hehelin soaneu Lamatua ka.

EFESUS 1:22

Manetualai tao basa sila lala'ena lakatele nai Kristus koasa na dae, ma soaneu hataholi kamahehele kala malole na de, Manetualain tao Kristus da'di malangan neu basa hata lala'ena.

1 PETRUS 2:2

Te ela leo bee na, emi da'di ni'iana nanabongi beuk, fo ana maa ma'da neu su'u oe matetu ka tataas esa. No enok ndia, neukose emi moli-da'di ma nanasoi tefak.

ROMA 12:9

Sue-lai no matetu na. Makamu-makadau tatao-nono'i mangalau ka, ma ho'u mahele tatao-nono'i malole a.

YOHANIS 1:47

Yesus nita Natanael mai boema, nafa'dan nae, “Mete mitak hataholi Israel matetu ka nde ndia. Ta nanasese'do-babalik fa.”

EFESUS 5:23

Nanahu saotou ka nde bee na, malangan soaneu saoina ka, sama leo Kristus boeo, Ana da'di malangan neu hataholi kamahehele kala, ma Ndia boeo, nde da'di Mane Mana Fe So'dak neu hataholi kamahehele kala fo ala da'di Kristu sao paa na.

2 KORINTUS 4:2

Ami ta pake eno-dala makahatuk fo nini bibii-mamaek fa. Ami ta nau maue-male'di no tipu-daik do puputa-papaik Manetualain dede'a-kokolan fa. Ami malalau-maoono Manetualain no dale neuisik tunga hihii-nanaun. Hu ndia de, ami mamahena basa hataholi la tai-dodoo ami no malole, nandaa no dale bobongoana nala.

MAZMUR 32:2

Maua-manalek ba'eneu hataholi fo, tatao-nono'i mangalaun-na, Manetualain ta leke fan, ma hataholi fo, ana ta nau tipu-dai fa.

HAKIM-HAKIM 16:15

Basa boema, Delila nafa'dan nae, “Ah, o mafa'da mae, o hii au, te se'kona, o dalem-ma dook-ka neme au mai! O makamiminak au la'i 3 ia so, te losa besak ia boeo, o ta nau mafa'da, tao le'e de, o balakaim-ma seli.”

2 KORINTUS 8:8

Au ta paleta emi fo emi tao dede'ak ia fa. Tehu ka nde natu'du nae, hataholi fe'e kala manggate lanseli tulu-fali nonoo hataholi nala de au boeo nau bubuluk, emi susue-lalaim losa nai bee so.

MALEAKHI 4:2

Tehu ba'eneu emi fo manatunga Au-a, Au koasang fo manasoi-tefak-ka, neukose ana tii mai, sama leo le'do-a, de haan-na neni nakahahaik. Neukose emi matapo'i ma mamahoko, sama leo sapiana fo besak-ka ana kalua neme lalae dale mai.

1 KORINTUS 11:3

Tehu au hii emi bubuluk dede'ak esa seluk fo nde, nae fo manda'di malangan neu tou kala esa-esak nde bee na Kristus; fo manda'di malangan neu saoina ka nde bee na saotou ka, ma fo manda'di malangan neu Kristu sa nde bee na Manetualain.

EFESUS 1:4

Lelek fo daebafak ia beita nananakada'dik fa te, Manetualain hele basa ita tunga Kristus no dudu'ak, fo ela ita da'di Ndia nuu hehelin, ma sala-singok tak nai mata na. Hu ka nde, Manetualain susue-lalain