EFESUS 1:21 - Susula Malalaok Hehelu Palak Ma Hehelu Beuk

²¹ Kristus nangatutuun ndia, dema lenaheni basa mana paleta lala'e na, basa mana koasa lala'ena, basa mauli-malangan lala'ena, basa malangan lala'e na, ma su'di see fo, ana hapu nangatutuu madema lala'e na; nau mana maso'dak nai le'do fai besak ia, do nai le'do fai mana mai ka boe.

EFESUS 1:21 Referans Kwoze

KOLOSE 2:10

Ma hu ka nde emi da'di esa mo Kristus de, emi hapu so'da matetu ka. Nanahu Kristus nde bee na, malangan neu basa dula dale mana koasa ma mana paletak lala'e na.

1 PETRUS 3:22

Ana kae falik leo nusa so'da ka neu so. Besak ia, Ana koasa sama-sama no Manetualain, ma Ana paleta basa ata nusa so'da kala, basa mana koasa lala'ena, boema basa be'i balakaik lala'ena.

IBRANI 1:4

Anak ndia, hapu nangatutuu madema ina nanseli neme ata nusa so'da kala mai, ma na'dek fo Manetualain fe neun boeo, matua-mademan lenaheni na'dek fo nanafek neu ata nusa so'da kala.

HATAHOLI 4:12

Ka'da tunga Yesus mesa kana de hataholi a hapu so'dak. Hu ndia de nai daebafak ia lala'ena, fo nai basa hataholi daebafa ka tala'da, ta hapu hataholi fe'ek esa boen, ana hapu koasa neme Manetualain mai, fo ana fe so'dak neu ita.”

KOLOSE 2:15

Nai ai nggangek lain, Kristus tao nala dula dalek fo ala paleta ma ala koasa, basa-basas male henis. Ana tao na basa daebafa ka lita, Ana hela nos, sama leo hataholi nanatahan ala, nai lelek fo Ana tao feta fai sesengi na, nono'ka bai hataholi nanahuku kala, fo Ana taos da'di natutu'duk esa nai lea matan.

DANIAL 7:27

Basa nusak manai daebafak-ka lala'en-na koasan ma matua-mademan, neukose nanafek leo Manetualain Fo Mademaina anan-nala neu. Neukose sila koasan soaneu paleta, ta nate'e fa, ma basa manakoasa manai daebafak-ka neukose lamaheles ma ala tungas.”

EFESUS 3:10

Manetualain dudu'a na nde bee na, fo ela besak ia, tunga hataholi kamahehele kala, de basa mana ho'u koasa manai lalai ma daebafa ka, ala bubuluk Manetualain manatee teno na, nai basa hata mata-matak lala'e na dalek.

EFESUS 6:12

Nanahu ita ta ulepo'de soaneu laban hataholi daebafak fa, tehu ita laban be'ibalakaik maneme basa nitu mana koasa nai le'do fai mangalauk ia lala'ena. Ita la'ban dula dale manga lauk fo mana koasa nai lalai ma daebafa ka, be'ibalakain.

IBRANI 4:14

Hu ndia de, ita muse ho'u tahehele neu ita manaku namahele ka. Nanahu ita tanuu Imam Matua ina esa, ba'u na seli, fo Ana masok basa losa leo Manetualain mata na neu so. Ndia nde Yesus, fo Manetualain Ana na.

MATEOS 12:32

Metema hataholi a, ana kokolak dede'ak esa, fo ana lena-la'ban Ana Hataholi ka soona, ana hapu do'o do ampon, tehu metema nakamumulu-nakamamaek Manetualain Dula Dale na soona, ana ta hapu do'o do ampon fa, nau nai besak ia do nai fai mate'e ka boe!”

IBRANI 2:5

Ata nusa so'da kala ta hapu koasa neme Manetualain soaneu ala paleta daebafa beuk fo neukose ana mai, fo nde daebafak fo besa ka ita kokola kana ia.

EFESUS 2:2

Nai lelek ndia, emi tunga ha'da-tatao daebafak ia; fo dede'ak ndia sosoa na nae, emi tunga mana koasa lalai a no daebafa maloa, fo nde dula dalek fo besak ia, ala koasa la hataholi fo ta lamahele neu Manetualai na, dale nala.