DANIAL 9:27 - Susula Malalaok Hehelu Palak Ma Hehelu Beuk

²⁷ Neukose manek ndia tao hehelu-balataa matea-mahelek no hataholi makadotok nai teuk 7 dalen-na. Nai tepo-lelek ndia tala'da, neukose ana tao nate'e tutunu-hohotuk ma tunu-hotuk. Basa soona, hata esa nakatata'u fo loken soona lae, Mangalauk fo manatao nakalulutuk, neukose nanape'dak nai Manetualain Uman-na, neukose nahele neme ndia, losa hataholi manape'dan neu mamanak ndia, momopo-mamates tuni-nalan; fo nde momopo-mamates fo Manetualain naketu basa soaneun so.”

DANIAL 9:27 Referans Kwoze

MATEOS 24:15

“Neukose emi mita ‘Mangalauk fo mana tao makalulutu ka’, nangatuuk nai mamana malalao ka, sama leo nabi Danial-la nafa'da ka. Basa hataholi fo mana lee ia, so'ba malela kana leona.

LUKAS 21:20

Yesus kokolak nakandoo nae, “Metema emi mita solda'du la lapadei okofeo la Yerusalem soona, neukose emi bubuluk mae kota ndia ta doo ka so'on te neukose nanatao nakalulutuk.

DANIAL 12:11

Mulai neme hahae tutunu-hohotu fai-faik-ka, ma hata esa fo neni bibii namata'u matuaina, fo loken lae Mangalauk fo manatao nakalulutuk ndia, napadeik natetu soona, neukose seli faik 1.290.

MARKUS 13:14

“Nai faik esa te neukose emi mita, ‘Nitu Mangalauk fo Mana Tao Nakalulutu ka’ napadeik nai mamanak fo nanapa'dak ba'eneun. (See lees ia soona, so'ba malela kana leona!) Metema lelek ndia emi nai Yudea soona, emi muse malai leo lete lepa kala meu.

DANIAL 11:36

Neukose manek nusak kii-a, ana tao tunga ka'da dale hihiin-na. Neukose no koao-ndaeaok, nafa'da nae, ndia ba'ulena lamatua daebafak lala'en-na, nakalenak ndia boeo, ba'ulena Manetualain Fo Mademaina. Neukose ana bisa tao leondiak, losa Manetualain nasa-melun nate'e. Nana hata fo Manetualain naketu basan, muse nakahuluk nanatao natetuk dei.

DANIAL 8:13

Basa boema, au amanene ata nusa so'dak-kala, esa nafa'da esa nae, “Basa hata fo nananitak nai ninitak ndia dalek-ka, neukose ana da'di losa faihi'da? Sala-singo matuaina ndia, ana nggati tutunu-hohotu su'di faik-ka losa faihi'da? Ana heheta-aa'i solda'du nusa so'dak-kala ma uma mamasok ndia losa faihi'da?”

YESAYA 55:3

Mamanene leon, hai leoinak-kala lemin, mai leo Au mai, te neukose Au fe emi so'da matetuk-ka. No susue-lalaik ma lilinekak, fo Au helun neu Dauk-ka, Au pa'a hehelu-balataak, fo manaketu basa taak-ka no emi.

ROMA 5:15

Tehu duas ta sama fa; nana Manetualain baba'e-babatin ba'ulena nanseli, metema nakasasama kana no Adam la'olena na. Hu ka nde hataholi esa la'olena na de mate basa hataholi ba'u. Manetualain fe hiik baba'e-babatin ma so'da molen, ba'ulena seluk neu hataholi makadotok, tunga hataholi esa, fo nde Yesus Kristus.

MATEOS 27:51

Boema temak nanalonak nai Manetualain Uman dale a, ta'ti ba'en neu biak dua neme lain losa dae. Boema daebafa ka nanggengo, ma lete batu la hea ba'es.

MATEOS 26:28

Nana Au daang ia daak hehelu-balataak, daak fo nanapo'a henik soaneu fe do'o do ampon neu hataholi ba'u sala-singon.

YESAYA 53:11

Hu ndia de, Manetualain nafa'da nae, “Name'da basa doidosok-ka soona, neukose naua-nanale, ma dalen-na, name'da namahokok. Au atang ndia, nde nandaa no Au daleng-nga, ana lu'a-lepa basa, hataholi makadotok huhukun-na so; hu no hataholi ndia de, neukose Au fe do'o do ampon neus.

YESAYA 42:6

“Au, Manetualain, fo naloo ma fe o bela-ba'uk soaneu makalala'ok ndoos ma matetuk-ka. Au hela-nole, ma Au akaboboi o, fo o da'di hehelu-balataak, ba'eneu hataholi daebafak-ka, ma mangale'dok ba'eneu basa leoinak-kala.

YESAYA 28:22

Au amanene basa Manetualain Fo Mademaina ma Manakoasa, nakeketun-na, soaneu Ana tao namate-namopo nusak-ka lala'en-na. Boso makamuu-makadau hala-kokola nasanene'dak fo, au anduku-alosak-kana ia. Mahani te, neukose ta mu'dak ba'eneu emi, fo maladeak fa.

IBRANI 9:28

Leondiak boe Kristus nanatunu-hotuk ka'da la'iesa, soaneu Ana loseheni hataholi ba'u sala-singon. Neukose Ana mai seluk nai kala'i dua na, tehu Ana ta mai naketu-nala'di dede'a sala-singok fa, te Ana mai soi-tefa hataholi mana mahani mamai na.

ROMA 11:26

No enok ndia, basa hataholi Yahudi la neukose laso'da. Nana nai Susula Malalaok dale nanasulak nae leo ia, “Neukose, mane Manasoi-Tefa ka, Ana mai neme Sion mai; Neukose Ana kokaheni basa Yakob tititi-nonosin sala-singo nala.

ROMA 5:19

Boema hu ka nde hataholi kamahehele tak esa de, hataholi makadotok lasala-lasingo, leondiak boe, hu ka nde hataholi kamahehelek esa de, hataholi makadotok malole falik lo Manetualain.

LUKAS 21:24

Hapu nggelok neukose nanataonisak ninik tafaina, hapu nggelok neukose lon da'dileo hataholi nanahukuk leo hataholi nusa-namon. Hataholi fo ta nalelak Manetualai na, neukose ala heheta-aa'i Yerusalem losa basa faik fo Manetualain naketu basan soaneu sila.”

YEREMIA 7:30

Hataholi Yehuda-la, tao basa tatao-nono'i mangalauk so. Sila sosongo-tatangon fo, Au ta ahiik sila-la, ala pe'das lai Au Umang dale, nalosa Au Umang-nga nanggenggeo.

DANIAL 11:31

Boema ana haitua solda'du-la leu tao langgenggeo Manetualain Uman-na. Neukose ala lose heni tutunu-hohotu fai-faik-ka de napadedeik-na hata esa nakatata'u nanseli, fo loken lae Mangalauk fo manatao nakalulutuk.

HOSEA 3:4

Hataholi Israel-la leondiak; Doon-na seli, laso'da no ta lanuu manek, do mauli-malangan fa, ala ta fe tutunu-hohotuk do lutu batu fo lamahele nanuu koasa, ta lanuu sosongo-tatangok, do koasa makahatuk fo bisa nafa'da sila maso'dan nai fai manamaik-ka, leo beek.

YESAYA 28:15

Emi mafa'da basa, mae emi tao hehelu-balatak mo mamates-sa, ma emi mala halak mo hataholi manamatek-kala, daebafan-na. Emi mame'da mae tao leo bee-o, soe fo manamaik ndia, neukose ana ta tuni la'e emi fa, nanahu emi pake eno tipu-daik, soaneu masulu-mahapa emi aoinam-ma.

DANIAL 7:25

Neukose ana kokolak la'ban Manetualain Fo Mademaina, ma ana tuni-ndeni Manetualain anan-nala. Neukose ana sanga enok, fo ana nggati heni hoholo-lalanek, ma Manetualain anan-nala agama-na fai malolen-nala, ma neukose ana koasas teuk telu seselik.