DANIAL 9:26 - Susula Malalaok Hehelu Palak Ma Hehelu Beuk

²⁶ Nai tepo-lelek ndia mate'en-na, mauli-malangan fo Manetualain helek sila-la, neukose nanataonisak, te se'kona salan ta. Soona mane mabe'i-balakaik esa solda'dun-nala mai, boema ala tao lakalulutuk kota Yerusalem-ma ma Manetualain Uman-na. Neukose tepo-lelek ndia mate'en-na, ana mai sama leo faa matuaina, fo neni natee-natatik, ma nakalulutuk, sama leo Manetualain naketu basan so.

DANIAL 9:26 Referans Kwoze

NAHUM 1:8

Sama leo faa matuaina ana mai, Ana tao nakalulutuk musun-nala. Sila fo lapalani la'ban-nana, Ana hotu fes nenik mamates-sa, nalosa mopo-mates.

YESAYA 53:8

Nanahukuk, ma nananaketu-nala'dik, boema nanalele'a-lolosok, ma nanahuku nisak. Ta hapu esa boen, fo ana taoafik neu ua-nalen fa; ana mate, hu kande ita leoinan, sala-singon.

MARKUS 13:2

Boema Yesus nae, “O mita uma matuaina sila la so hetu? Uma mapadeik sila la neukose batu nala esa boeo, ta nananakatoto'dok nahele neme mamana na fa. Neukose basa-basas tu'u leu.”

1 PETRUS 2:24

Kristus lu'a-lepa ita sala-singon neme ai nggangek lain, fo ela ita tatapo'i teme sala-singo ka koasa na mai, fo taso'da tunga Manetualain hihii-nanaun. Kristus hina nala, nde lakahahaik emi a.

LUKAS 24:26

Ade Mane Mana Fe So'da ka muse Ana la'ola'di nakahuluk basa doidosok sila la, fo besa ka nanatao nandela-nasa'ak do ta?”

MARKUS 9:12

Yesus nae, “Memak Elia mai nakahuluk fo ana tao matalolole basa hata lala'ena. Tehu dede'a na tao leo beek no Ana Hataholi ka? Hu beek de, nai Susula Malalaok dale nanasulak nae, neukose Ana Hataholi ka doidoso nanseli, ma hataholi la lakadadae kana?

MATEOS 24:2

Boema Yesus nafa'das nae, “Ade emi mita basa uma sila la so hetu? Bubuluk leona, te ta hapu batu esa boen neme uma sila la, neukose nananakatoto'dok nahelek neu mamana na fa. Te neukose basa-basas nanatao natu'uk.”

1 PETRUS 3:18

Nanahu Kristus mate ka'da la'i esa mesa kana, losa dodoo na. Hu ka nde hataholi daebafa ka sala-singon de hataholi sala tak esa, Ana mate soaneu hataholi masala-masingo ka. Kristus tao-no'i basa sila la, fo ela Ana hapu hela-nole emi leo Manetualain mai. Ala tao lisan tunga ao paa ka, tehu nanatao naso'da falik tunga samane ka.

GALATIA 3:13

Tehu Kristus soi-po'i ita teme agama hoholo-lalanen soo-supan mai so. Ana tao dede'ak ndia tunga, Ana po'i lotak ao ina nanasoo-supak, hu ka nde ita. Nana nai Susula Malalaok dale, nanasulak nae, “Sosoo-susupak ba'eneu hataholi fo maten nanalonak nai dii ai lai na.”

2 KORINTUS 5:21

Kristus sala-singon ta, tehu Manetualain fen Ana lu'a-lepa ita sala-singo nala, fo ela ita malole falik to Manetualain, nana ita da'di esa to Kristus.

DANIAL 11:10

Boema manek nusa kii-a anamanen-nala laheheleao soaneu latee-lata'ti, de ala hoka basa solda'du-la de da'di bubua matuaina esa. Solda'du sila-la esa neu sapu nakahuluk sama leo faa oek-ka. Ana sapu-nalas neu kala'i dua-na boema, ana kae kota musu-a.

DANIAL 9:27

Neukose manek ndia tao hehelu-balataa matea-mahelek no hataholi makadotok nai teuk 7 dalen-na. Nai tepo-lelek ndia tala'da, neukose ana tao nate'e tutunu-hohotuk ma tunu-hotuk. Basa soona, hata esa nakatata'u fo loken soona lae, Mangalauk fo manatao nakalulutuk, neukose nanape'dak nai Manetualain Uman-na, neukose nahele neme ndia, losa hataholi manape'dan neu mamanak ndia, momopo-mamates tuni-nalan; fo nde momopo-mamates fo Manetualain naketu basa soaneun so.”

YESAYA 8:7

Hu ndia de, Au fo Manetualain, neukose adenu mane Asyur-ra mai no solda'dun-nala lala'ena, fo ala sapu-la Yehuda. Neukose ala tutulumatak sama leo Lee Efrat fo oen-na lua ponu-ponu fo ana faa leo felak-kala neu.

1 PETRUS 2:21

Hu ka nde dede'ak ndia, de Manetualain nalo emi. Nana Kristus boeo, Ana doidoso soaneu emi, de no enok ndia, Ana fe emi natutu'duk esa, fo ela emi tunga ei tatabun ndia.

YOHANIS 14:30

Au ta kokolak ba'u ka o emi so'on, nana manakoasa daebafak ia fai na losa, de ala mai so. Tehu sila ta nde koasa Au aopaang ia fa.

LUKAS 24:46

Boema nafa'das nae, “Nai Susula Malalaok dale, nanasulak nae Mane Mana Fe So'da ka muse doidoso, ma muse naso'da falik neme mamate sa mai nai fai katelu na.

LUKAS 21:24

Hapu nggelok neukose nanataonisak ninik tafaina, hapu nggelok neukose lon da'dileo hataholi nanahukuk leo hataholi nusa-namon. Hataholi fo ta nalelak Manetualai na, neukose ala heheta-aa'i Yerusalem losa basa faik fo Manetualain naketu basan soaneu sila.”

MARKUS 13:7

Metema emi mamanene ala benga musu do matee-mata'ti kala soona boso bii, te dede'ak sila la muse ala da'di, tehu ndia ta nafa'da nae, fai mate'e ka nde ndia so.

MATEOS 22:7

Lelek mane ka namanene dede'ak ndia boema namanasa nanseli, de nadenu solda'du nala leu taolisa basa hataholi kanisak sila la lala'ena, boema ala hotu heni hataholi sila la, kota nala.

MATEOS 22:2

nae, “Metema Manetualain paleta soona heheo-hihilun sama leo nakandandaak ia: Manek esa ana tao feta ka'bing soaneu ana mane na.

AMOS 9:5

Daebafak-ka nanggengo, de laun-nala dalen-na susa, nanahu Manetualain Fo Mademaina ma Manakoasa koi la'es. Sama leo Lee Nil-la luu mai, ma ana ma'da neu, leondiak boe, ala kae leo lain leu boema ala tu'da.

AMOS 8:8

Neukose daebafak-ka dele, ma basa hataholi-la dalen-nala susa. Basa nusak-ka lala'en-na nanggengo ma ko'ba-ka'bo sama leo Lee Nil-la.

HOSEA 1:9

Manetualain, nafa'da au nae, “Foi o anam ndia na'de, ‘Au Anang Ta Ndia fa’, nana Au anang ta hataholi Israel-la fa, ma sila Manetualain ta Au fa.”

YEREMIA 46:7

See-ka nde ia fo namaloa sama leo lee Nil-la, ma oen-na napoponu sama leo lee-la?

MAZMUR 22:15

Au be'i-balakaing basan, sama leo po'a heni oe-a, basa au duing-ngala latasesu leme sesesun-nala mai, au daleng-nga noe, sama leo lilik-ka.

LUKAS 21:6

“Mahani te hapu fai na basa hata fo emi mitak ia la, neukose nanatao natu'uk. Ta hapu batu esa boen, neukose nananakatoto'do nahelek neme mamanana fa!”

MATEOS 23:38

Hu ndia de Manetualain ta nok emi so'on.

DANIAL 11:17

Basa boema, manek nusa kii-a, ana sadia-na basa solda'dun-nala lala'en-na fo leu sapu-la nusa kona. Boema ana dodoo, fo ana koasan-na basa musun-na nusan-nala lala'en-na, de neukose ana tao hehelu-balataak no mane Masir-ra, nenik ana fe anafe'on-na sao mane Masir ndia; tehu dale tutu'un ndia buna-boan ta.

YEREMIA 51:42

Tasi oe lua leo Babel neu; lii-na fo'a sa'e la nusak ndia.

DANIAL 11:22

Basa solda'du lala'en-na, ala la'ban-nana, hei leomae Imam Matuaina boeo, neukose ana sapu balisis ma ana taonisas.

2 SEMUEL 21:5

Boema lataa lae, “Saul nde been-na, manek fo Manetualain helen, tehu nahiik tao namopo-namate la'iesak ami, fo mopok ami neme Israel lala'en-na mai.

YESAYA 28:2

Neukose Manetualain nadenu hataholi balakaik, ma ao makadelek esa. Mamain-na sama leo sangu-a sama-sama no u'da eis-sa, sama leo u'da ina ma faa manenik-ka.

YESAYA 28:22

Au amanene basa Manetualain Fo Mademaina ma Manakoasa, nakeketun-na, soaneu Ana tao namate-namopo nusak-ka lala'en-na. Boso makamuu-makadau hala-kokola nasanene'dak fo, au anduku-alosak-kana ia. Mahani te, neukose ta mu'dak ba'eneu emi, fo maladeak fa.

DANIAL 11:36

Neukose manek nusak kii-a, ana tao tunga ka'da dale hihiin-na. Neukose no koao-ndaeaok, nafa'da nae, ndia ba'ulena lamatua daebafak lala'en-na, nakalenak ndia boeo, ba'ulena Manetualain Fo Mademaina. Neukose ana bisa tao leondiak, losa Manetualain nasa-melun nate'e. Nana hata fo Manetualain naketu basan, muse nakahuluk nanatao natetuk dei.