DANIAL 9:24 - Susula Malalaok Hehelu Palak Ma Hehelu Beuk

²⁴ Teuk hituhulu la'i hitu ndia nde faik fo Manetualain naketun soaneu Ana soi-po'i o leoinam-ma, ma o kotam fo malalao-malalafuk ndia neme sala-singok ma tatao-nono'i mangalauk-ka mai. Basa sala-singok lala'en-na, neukose hapu do'o do ampon ma napadedeik natetu ndoos ma matetuk fo manaketu basa taak-ka, nalosa ninitak ma hala nafa'da elak ndia, neukose ala da'di, ma Manetualain Uman fo malalao-malalafuk ndia, neukose pake falik-kana soaneu Manetualain.

DANIAL 9:24 Referans Kwoze

ROMA 5:10

Nai lelek fo ita musu to Manetualai na, Kristus mamate na nini mole-dame fe ita to Manetualain, nakalenak bai, besak ia ita to Manetualain da'di esa so, de tao leo beeo Ana fe ita so'dak tunga Kristus so'da na boe.

YESAYA 61:1

Manetualain Fo Mademaina, koasan-na nai au dalek; Ana hele au, de nadenu au soaneu au uni hala malole-a, neu hataholi nuu taa-hata taak-ka, ma tao alea-ahai hataholi fo, dalen-na nakalulutuk; soaneu po'a-benga neu hataholi nanahukuk-kala ae sila nanasoi-po'ik no lai-laik, ma neu hataholi manai bui dale-la ae neukose sila nanasoi-po'ik.

BILANGAN 14:34

Neukose emi lu'a-lepa emi sala-singom, teuk haahulu dalen-na; teuk esa soona, leken da'di faik esa neme faik haahulu fo emi paken, soaneu palisak besa-besa moo dae ndia. Metema Au la'ban emi soona, neukose emi mame'da mita, he'din-na leobeek!

IMAMAT 25:8

Leke teuk hitu la'i hitu soona, dede'un-na teuk 49.

HATAHOLI 3:22

Musa nafa'da hai nae, Manetualain fo emi Lamatua ma, neukose nadenu emi hataholim esa da'di nabi neu emi, sama leo nadenu au ia. Emi muse mamanene basa hata, fo nabi ndia nafa'dan neu emi a.

YESAYA 56:1

Manetualain nafa'da anan-nala nae, “Tao hata fo ndoos, ma matetuk ma nandaa no Au hoholo-lalaneng. Nana, ba'ihanak seluk bai te, Au mai soi-tefa emi ma Au ndo matetung nananafa'dak.

YESAYA 51:6

Mete lalai ma mete daebafak-ka; neukose lalai mopok-kana, sama leo ha'imasuk-ka, ma daebafak-ka, neukose ana palaa, sama leo ba'du palaak dooinak-ka, neukose mate basa laun-na, sama leo ninik-ka. Tehu Au fe so'da-molek-ka, nahele losa dodoon-na, ma Au sesenging-nga, neukose ta nate'e fa.

MAZMUR 2:6

nae, “Nai Sion, fo Au pupuku malalao-malalafung-nga, Au ndo ei basa manek fo Au helek-ka.”

YESAYA 51:8

Neukose, ala mate-mopo, ma mopok-kasa, sama leo andae-a, na'a temak-ka, ma andae-a, na'a tema bi'ilopo bulu-a. Tehu, Au fe so'da-molek-ka, nahele losa dodoon-na, Au sesenging-nga, la'ok nakandoo, losa bobongik leo bobongik neu.”

MAZMUR 45:7

Manetualain fe o koasa soaneu paleta, o koasam-ma nakatatakak losa dodoon-na; no ndoos ma matetuk, o paleta o laum-ma.

NINITAK 14:6

Boema au ita ata nusa so'da fe'ek esa ana laa dema na seli nai lalai. Ata nusa so'dak ndia nini halak la'eneu Hala Malole fo matea-mahelek soaneu nanananduku-nalosa kana neu hataholi manai daebafa ka, fo nde neu basa leoina, leoanak, dede'ak, ma nusaina la.

IBRANI 2:17

Ia sosoa na, nae Ana muse da'di sama no tolanoo nala nai basa dede'ak lala'ena dalek. Ma no enok ndia, Ana hapu da'di Imam matua ina fo mana lilinekak ma madale susue-lalaik. No lau-onon ndia, de hataholi daebafa ka sala-singo nala, hapu do'o do ampon.

YESKIAL 4:6

Basa ndia soona, o mangape'uk menik o boboa konam-ma, faik haahulu dalen-na, fo mame'da mita huhukuk soaneu hataholi Yehuda-la salan-na, fo faik esa soona, belin-na ba'u sila huhukun teuk esa.

NINITAK 3:7

“Neu ata nusa so'da salanik manai Filadelfia la sulakman leoiak: Ia nde halak heheluk neme Ndia fo malalaok ma matetuk. Ndia nde ho'u Dauk nggoe na. Metema Ana soi lelesu soona, ta hapu hataholi esa boen hapu kena fan, ma metema Ana kenan soona, ta hapu hataholi esa boen hapu soin fan.

IBRANI 9:26

Hu ka nde metema leondiak soona, dede'ak ndia sosoa na nae, Kristus doidoso fali-fali, mulai neme daebafak ia da'di makasososa na mai so. Tehu besak ia, ita bubuluk, nai fai makabuin ia, Ana mai ka'da la'iesa, de Ana loseheni ita sala-singon, ninik Ana tunu-hotu aoina na.

1 KORINTUS 1:30

Hu ka nde Manetualain de nalosa emi da'di esa mo Kristus Yesus. Tunga Kristus, de Manetualain tao na ita da'di manatee tenok, ma tunga Ndia boe, de Manetualain tao na ita malole falik to Manetualain, nakadada'dik ita da'di Ndia hataholi kamahehele hehelin, ma Ana soi-tefa na ita.

YOHANIS 3:34

Hu ka nde hataholi fo Manetualain nadenun fo ana tui-benga Manetualain dede'a-kokola na, Manetualain fe la'iesak Dula Dale na neu hataholi ndia so.

2TAWARIKH 29:24

Basa ndia boema, imam-mala do'do bi'ihiik sila-la, de ala po'a daan-na neu mei tunu-hotuk-ka, fo da'di leo tutunu-hohotuk sala-singok hapu do'o do ampon ba'eneu laun-na lala'en-na. Ala tao dede'ak ndia nanahu manek-ka paleta basa fo ela tao tutunu-hohotu nanatunuk ma tutunu-hohotuk sala-singok hapu do'o do ampon ba'eneu laun Israel-la lala'en-na.

1 YOHANIS 3:8

Tehu hataholi mana tao sala-singok nakandondoo heni na, Nitu anan hataholi ndia, nana Nitu a tao sala-singok neme makasososan eli mai so. Hu ndia de Manetualain Ana na mai fo daenga Ana tao nakalulutuk Nitu a tatao-nono'i mangalaun sila la.

2 PETRUS 1:1

Tolano-tolanoo ngala lemin! Susulak ia neme au, Simon Petrus, fo Yesus Kristu satan ma hataholi nadedenun. Au sulak susulak ia soaneu emi, fo mana mamahele te'e-te'e sama leo ami boe. Yesus Kristus fo nde Manetualain ma ita Mane Mana Fe So'da na, Ana tao basa tatao-nono'i ndoos lala'ena, nalosa ita tamahele neun.

IBRANI 10:14

Da'di, no tutunu-hohotuk esa, de Kristus tao natetu-nandaa hataholi fo sala-singo nala nanatao balisik.

IBRANI 7:26

Da'di Yesus ndia nde Imam Matua Ina fo ita paluu ka. Yesus malalao-malalafuk. Ta hapu salak do sala-singok faa anak boen nai Yesus fa. Yesus fe'ek neme hataholi masala-masingo kala mai, ma nanaso'uk losa mamanak fo dema lenaheni lalai lala'ena.

KOLOSE 2:14

ma Ana sii heni ita susula hutan fo nakaseti ita tao hata esa no eno-dalak fo nini susa-soe fe ita. Hu no susula hutak ndia nanalona nggangek nai ai nggange ka de, Manetualain lose heni basa kalaak soaneu ita.

KOLOSE 1:20

nana hu ka nde Kristus de, basa hata lala'ena malole falik lo Manetualain-fo basa hata manai daebafa ka ma manai nusa so'da ka boe. Manetualain tao basa sila la tunga Yesus mamate na, nai ai nggangek lain.

HATAHOLI 3:14

Yesus ndia malalaok ma malole, tehu emi la'ba nana, de emi makaseti Pilatus fo ana po'i fe emi, hataholi kanisak esa.

YOHANIS 1:41

Tutika Anderias lai-lai neu sanga Simon, fo tolanoo na, de nafa'dan nae, “Ami matongo mo Mesias so!” (Mesias sama leo Kristus, fo nde: Mane Mana Fe So'da ka.)

LUKAS 1:35

Ata nusa so'dak ndia nataa nae, “Manetualain Dula Dale na neukose ana mai neu o, ma Manetualain koasa na neukose poti na o. Hu ka nde ndia de, ni'iana fo neukose o bongin ndia loken lae, Malalaok, Manetualain Anan.

MARKUS 1:24

“Hei Yesus fo Hataholi Nazaret. O sanga tao ami le'e ia? O mai soaneu O tao makalulutuk ami do? Au bubuluk see O. O ia Hataholi nadedenu malalaok neme Manetualain mai!”

MATEOS 11:13

Losa Yohanis mamai na, basa Musa hoholo-lalanen, ma nabi la nanolin la'eneu dede'a nananafa'da ela kala, muse ala da'di.

MATEOS 1:21

Neukose Maria bongi na ni'iana touanak esa. Soona o muse foi ni'iana ndia na'de Yesus, nanahu neukose ni'iana ndia nde soi-tefa nala hataholi daebafa ka sala-singo nala.”

YESKIAL 28:12

“Hai hataholi daebafak fo, manasapu-manalalok-konei, kii-makaleleu soaneu mane Tirus-sa leona. Manduku-malosak hata fo Au, Manetualain Fo Mademaina, nafa'da neun nae, ‘O da'di hai dulak neme matetu-mandaak-ka mai so; makahulun-na, te'e-te'e o manatee-tenok ma mata-pana makeek!

RATAPAN 4:22

Sion nakalala'ok huhukun-na, soaneu sala-singok fo ana taok-ka so; besak ia, neukose Manetualain ta po'Ilotak ami ma neukose ta no seluk ami leo mamana tu'u-tapak dalek neu so'on. Tehu o, hai Edom, neukose Manetualain huku o. O sala-singom neukose nanabukak.

IMAMAT 8:15

Boema, Musa ta'ti sapi ndia, de ana ho'i-na daan-na seli. Ana lose daak ndia, nenik limaku'un-na neu mei tunu-hotuk-ka susulan manai bu'un haas, fo ela mei tunu-hotuk ndia, nanafe hehelik ba'eneu Manetualain. Ana pisi daa lenak-ka leo mei tunu-hotuk-ka sosolon dale neu. Enon-na leondiak, mei tunu-hotuk ndia nanatao nalalao-nalalafuk, ma nanafe hehelik ba'eneu Manetualain.

FILIPI 3:9

fo te'e-te'e, au da'di esa on. Au ta sanga enok soaneu tututi-nanatok no Manetualai na, malole falik, tunga agama hoholo-lalanen so'on. Besak ia, au tututi-nanatong no Manetualai na malole falik, nanahu au amahele neu Kristus so. Da'di, tututi-nanato malole ndia, ana da'di neme Manetualai na mai, ma tunga namahehelek neu Yesus Kristu sa.

MATEOS 4:5

Basa ndia boema nitu no Yesus leo Yerusalem, fo kota malalao ka de nangatutuu kana neu Manetualain Uma na punin lain.

LUKAS 21:22

Nana fai-faik sila la nde bee na ‘Faik Huhuku ka Nananaketu-Nala'dik,’ fo ela no enok ndia, hata fo nanasulak nai Susula Malalaok dale ana da'di.

HATAHOLI 4:26

Mane-mane daebafa kala lahehele aon, fo leu latee-latati, ma basa mauli-malanga nala teikesa-dalekesa fo ala la'ban Lamatua ka, ma Mane Mana Fe So'da ka.’

ZAKHARIA 4:14

Boema nafa'da nae, “Ndia nde bee soona, hataholi 2, fo Manetualain fo mana makadada'dik lalai maloa, Ana hele basa duas so, de natu'du duas fo lalalau-laoonon.”

YESAYA 42:4

dalen-na ta naba'e, do ketu namahehenan-na fa, losa ndoos ma matetuk-ka, napadeik natetu nai daebafak-ka. Nusa dook-kala, lahiik nanolin-na.”