DANIAL 9:21 - Susula Malalaok Hehelu Palak Ma Hehelu Beuk

²¹ Lelek au bei hule-haladoi te, Gabrial fo au ita basan nai au ninita makahulung-nga dalek ndia, ana laa nasale leo au mai. Ndia te, nandaa no hataholi-la fain fo tunu-hotu tutunu-hohotu le'donoson-na.

DANIAL 9:21 Referans Kwoze

LUKAS 1:19

Ata nusa so'dak ndia nataa nae, “Au ia Gabrial. Au alalau-aoono Manetualain, ma Ndia nde nadenu au anduku-alosak hala malole ia neu o.

DANIAL 8:16

Au amanene halak-ka naloo bou-bou nai Lee Ulai selik nae, “Gabrial, Mafa'da mangalele'do fen, ninitan ndia.”

DANIAL 10:16

Basa boema, ata nusa so'da fo nalupa hataholi daebafak ndia, ana look liman-na mai, de ana koila'e au difadoong-nga. Boema au afa'dan ae, “Tuan, ninitak ndia tao-na au to'a-sota anseli, nalosa mopo makandondook au be'i-balakaing.

1RAJA-RAJA 18:36

Lelek fai na losa fe tutunu-hohotu le'donoso ka boema, Nabi Elia neu deka no mei tunu-hotuk ndia, boema ana hule-haladoi nae, “Ou Amak, Manetualain fo Abraham, Isak ma Yakob sene-do'ok-ka, matu'dun besak ia mae O nde Manetualain nai Israel, ma au ia O atam. Boeo matu'du mae basa hata lala'en fo au taon ia nde been-na no O paleta ma.

IBRANI 1:14

Metema leondiak soona, tunga ndo na, ata nusa so'dak sila la beek sila? Sila nde bee na dula dalek fo lalalau-laoono Manetualain, ma fo Manetualain nadenus, soaneu tulu-fali hataholi fo neukose sipo so'da-mole ka.

HATAHOLI 10:3

Faik esa boema, fafa'kama la'e li'u telu lele'do na, boema nita no mangale'dok nai ninitak esa dalek, Manetualain ata nusa so'dan esa mai de nalon nae, “Kornalius!”

DANIAL 10:18

Boema ana koila'e au la'i esa seluk, boema au ame'da au balakaing-nga, ana popo-tama.

DANIAL 8:18

Lelek ana bei kola-kola te, au sapala'o. Tehu ana ho'u au de nafofo'a fali au, fo au apadeik falik. Boema nafa'da nae,

YESAYA 6:2

Mahahae nusa so'dak-kala, ala pila lo'a-lo'a leo ha'i-a, lapadeik okofeo-lan, esan-na nanuu li'dak nee. Li'dak dua, poti ketu mata-panan, li'dak dua poti ketu aon-na, ma ana pake li'dak dua seluk, soaneu ana laa nenik.

MAZMUR 103:20

Koa-kio Manetualain, hai ata nusa so'dan fo, makadelek-kala, fo lamanene ma lakalala'ok paletan-na.

KELUARAN 29:39

Esa soaneu tutunu-hohotu fafain-na, ma esak-ka soaneu tutunu-hohotu le'donoson-na.

IBRANI 1:7

La'eneu ata nusa so'da kala, Manetualain nafa'da nae leo ia, “Manetualain tao na ata nusa so'da nala da'di anin, ma malalau-maoono nala, ala da'di ha'i pilak.”

HATAHOLI 12:7

No kaiboik, Lamatua ka ata nusa so'dan esa napadeik nai kama ndia dalek, de masa'ak esa nangale'o nai kama ndia dalek. Ata nusa so'dak ndia kakakuk Petrus losa ana fo'a. Boema ata nusa so'dak ndia nafa'dan nae, “Wei, fo'a lai leona!” No hatematak ndia boe, namosina nanapa'ak nai Petrus lima na, tu'dahenin.

HATAHOLI 10:9

Balahaa te bei lai eno tala'dak, fo ala sanga lae losa Yope nde ndia so. Boema Petrus kae leo uma lai neu fo ana hule-haladoi.

HATAHOLI 3:1

Faik esa boema, Petrus no Yohanis leu leo Amak Manetualain Uman la'e li'u telu le'donoso na, fo ala hule-haladoi.

MATEOS 27:46

Li'u telu le'donoso na boema Yesus nalo napane'e nae, “Eli, Eli lama sabakhtani?” fo sosoa na nae, “Ou Au Manetualaing, ou Au Manetualai nga, tao le'e de O la'oela Au?”

DANIAL 10:10

Basa boema, hapu limak esa koila'e au, de nafofo'a au no au asaka neu au limang-nga ma au lungulangang-nga.

YESKIAL 1:14

Mahahaek sila-la, lakababale no lai-laianak nanseli, sama leo ndelas-sa.

YESKIAL 1:11

Mahahaek sila-la, li'dan dua lakapepela leo lain neu, nalosa li'da pe'dan-na, koila'e mahahaek manai boboan-na, li'da pe'dan-na, ma ana diku li'dan dua fo nalu'e-na aon-na.

MAZMUR 104:4

O tao anin-na da'di O hataholi nadedenum, ma ndelas-sa da'di O malalau-maoonom.

LUKAS 1:26

Lelek Elisabet nailu bulak ne boema, Manetualain nadenu ata nusa so'dan Gabrial-la neu leo kota Nazaret neu fo nai nusa Galilea.

NINITAK 9:17

Ma nai ninitak dale, au ita ndala sila la lo manasa'e nala. Manasa'e nala pake ba'du besi pilas sama leo ha'i a, momo'dok sama leo batu nilam, ma kunik sama leo belerang. Ndala sila la langa nala sama leo singa langa na, ma bafa nala kalua ha'i, ha'imasuk, ma belerang.

MAZMUR 141:2

Sipo-ma, au huhule-haladoing, da'di leo tunu-hotu boominik, ma au limang fo, nanaso'uk-ka, da'di leo tutunu-hohotu le'odaek.

YESKIAL 14:14

Leomae Noh, Danel ma Ayub, ala leo leme mamanak ndia, tehu sila telu tatao-nono'i malolen-na, hapu soi-tefa-na ka'da sila telu samanen-na mesak-kana. Au, Manetualain Fo Mademaina, nde manakokolak-ka.

1RAJA-RAJA 18:29

Ala tao leondiak nakandondoo henin losa le'donoso, sama leo hataholi nitu sa'e ka. Tehu ta hapu manamataak, ma ta hapu manataoafik fa.