DANIAL 9:19 - Susula Malalaok Hehelu Palak Ma Hehelu Beuk

¹⁹ Manetualain, mamanene ami, fe do'o do ampon neu ami, taoafik neu ami ma ho'i nakeketuk no lai-laik! Boso makadodook-kana, fo ela basa hataholi-la bubuluk lae O nde Manetualain. Nana O nuu matetum Yerusalem ma O anam-mala.”

DANIAL 9:19 Referans Kwoze

DANIAL 9:18

Mamanene ami leona, ou Manetualain, mete ami ma taoafik neu ami doidosom boema kota nalutuk fo loken nenik O na'dem-ma. Ami hule-haladoi neu O, ta hu kande ami tatao-nono'im malole neu O fa, tehu hu kande O henuk no susue-lalaik.

LUKAS 11:8

“Te'e-te'e, leomae nonoo na ta nau fo'a fo ana fen hata esa boen, leomae sila tolanoo kala, tehu hu ka nde ana ta mae noke fa de, neukose tolanoo na fo'a fo ana fen hata fo ana paluu ka.

AMOS 7:2

Lamak sila hii-hii nae la'a basa na'u-aiana manai dae lain-na. Boema au afa'da ae, “Manetualain Fo Mademaina, fe do'o do ampon neu O anam-mala! Sila kome'doana nanseli, ma tapandoes-sala, de tao leo bee fo bisa lakatatakak?”

EFESUS 3:10

Manetualain dudu'a na nde bee na, fo ela besak ia, tunga hataholi kamahehele kala, de basa mana ho'u koasa manai lalai ma daebafa ka, ala bubuluk Manetualain manatee teno na, nai basa hata mata-matak lala'e na dalek.

EFESUS 1:12

Neme na fo, ita nde makasososa tamahena neu Kristu sa, koa-kio Manetualain, hu ka nde matua-madema na!

YEREMIA 14:9

Tao le'e de O sama leo hataholi fo mapangamak-ka; sama leo palani tatibatu fo ta tulu-fali be'i fa do? Tehu, tao leo beeo O nai ami tala'da, Manetualain! Ami anam-mala, de O boso la'o ela ami!’ ”

YEREMIA 14:7

Au anang-ngala lalo bebou lae, ‘Manetualain, leomae ami sala-singom-mala tuni-ndeni ami tehu tulu-fali ami sama leo O hala-hehelum-ma. Ami la'o ela O do'e-do'e; Tete'ek-ka, ami masala-masingo neu O.

BILANGAN 14:19

Manetualain, besak ia, hu kande O dale kasiam-ma ba'un-na seli, ma O lilineka neu O hehelum-ma, de au dokodoe, fe do'o do ampon neu hataholi ia-la, sala-singon-nala, sama leo O fe do'o do ampon neus, neme ala la'oela dae Masir-ra.”

EFESUS 1:6

Koa-kio Manetualain fo matua-madema, nana hu ka nde tunga Ana susue na de, Ana sue-lai na ita ba'u na seli.

YESKIAL 39:25

Manetualain Fo Mademaina, nafa'da nae, “Tehu besak ia, neukose Au sue-lai hataholi Israel fo, Yakob tititi-nonosin-nala, boema Au fes laso'da no tetu-temak seluk. No enok ndia, Au anea Au na'deng-nga, fo ela nanafe ha'da-holomata nahele.

YESKIAL 36:22

Hu ndia de, manduku-malosak hata fo Au, Manetualain Fo Mademaina, nafa'da neu leoina Israel nae, ‘Hata fo, neukose Au taon nai fai makabuin, ta hu kande emi fa, hai hataholi Israel-la lemin, te hu kande emi meu su'di leo mamanak bee meu soona, emi tao manggenggeo Au na'de malalao-malalafung-nga.

YESKIAL 20:22

Tehu, Au ta da'di amanasa fa, fo ela leoina fo, lita Au o Israel kalua neme Masir mai-a, ala boso lakamumulu-lakamamaek Au na'deng-nga.

YESKIAL 20:14

Tehu, Au ta da'di amanasa fa, hu kande Au na'de malalao-malalafung-nga, fo ela leoina fo, lita Au o Israel kalua meme Masir mai-a, ala boso lakamumulu-lakamamaek Au na'deng-nga.

YESKIAL 20:9

Tehu, Au ta da'di amanasa fa, fo ela leoina manai sila mamanan-na, boso lakamumulu-lakamamaek Au na'deng-nga. Nana Au po'a-benga basa nai leoina sila matan, ae neukose Au o leoina Israel-la, kalua leme Masir mai.

YEREMIA 25:29

Neukose Au tao makasososa nakalulutuk ndia nai Au kotang-nga. Boso nalosak sila laedaenga neukose ata hapu huhukuk fa. Ta bole nae ta sila nanahuhuk nanahu neukose Au uni natee-natatik neu basa leoina daebafak ia poin. Au, Manetualain Fo Manakoasa nde manakokolak-ka.

2TAWARIKH 6:39

soona neme O mamana leleom manai nusa so'dak-ka, ela leo been-na mamanene sila huhule-haladoin ma sue-lais. Fe do'o do ampon neu O anam-mala sala-singon lala'en-na.

HATAHOLI 15:17

fo daenga beiela hataholi sila la, ala sanga Amak Manetualain, sama-sama lo leoina fe'ek fo ta hataholi Yahudi la fo Au alos soaneu ala da'di Au nuu ngala.’ Amak Manetualain nae leondia,

BILANGAN 6:27

Ma Manetualain nafa'da nae, “Metema ala kokolak Au na'deng-nga da'di leo baba'e-papalak neu leoina Israel-la soona, neukose Au ba'e-palas.”

YESAYA 43:7

Nana sila basa-basas, nananaloo basak, nenik Au na'deng-nga so, Au akadada'dik-kasa, soaneu lamatutua-lamadedema Au.”