DANIAL 9:12 - Susula Malalaok Hehelu Palak Ma Hehelu Beuk

¹² O nakeketum-ma la'en, sama leo O helu basan neu ami ma neu ami manakoasam-mala. O huku basa Yerusalem nenik huhukuk fo belan-na lena neme kota bee mai boe, nai daebafak ia.

DANIAL 9:12 Referans Kwoze

YESKIAL 5:9

Hu kande, Au ta hii o tatao-nono'i mangalaum lala'en-na fa, de neukose, Au huku o laum-mala nenik huhuku mabela, fo Au beita tao ita fan, ma neukose Au ta taon so'ok.

RATAPAN 1:12

“Hai hataholi manala'ok tunga enok-ka lemin, mete leon ma taoafik! Ade fefepa-lili'uk baba'un-na sama no besak ia au doidosok-ka, fefepa-lili'uk fo Manetualain tunin neu au, nanahu nasa-melun manapila lo'a-lo'an ndia do?

YESAYA 44:26

Au nde atetea-ahehele Au atang-nga, dede'a-kokolan, ma Au tao-no'i dale tutu'uk fo, Au atang-nga nafa'dan. Au afa'da, ae neukose Yerusalem-ma, nanaleok seluk, ma kota-kota manai Yehuda-la, neukose Au afofo'a falik-kasa; ai-batu manatapasasalan-nala, neukose nanatao matalololek.

RATAPAN 2:17

Manetualain nakalala'ok basa Ana fe nasanene'dak fo makahulun-na Ana tutu'un ma Ana fe nasanene'dak neu ita so. Ana tao nakalulutuk ita ta no dale kasian fa, Ana fe musu-a sesengik. Ana tao-nalas lamahoko-setelee, lita ita tutu'dan-na.

RATAPAN 2:13

Ou Yerusalem, kota Sion fo susuek, o tutu'dam-ma ba'u tasi maloaina. Hata fo au bisa afa'dan soaneu da'di kokoe-nanasik? Nana, beita la'iesa fo hapu hataholi doi-doso sama leo o fa. Tete'ek-ka, ta hapu hataholi bisa tao matalolole o ha'da-tataom fa.

AYUB 12:17

Ana ho'i-heni basa manapaleta-la manatee-tenon-na, ma Ana tao basa mauli-malangan-nala, da'di hata fa nanahika-humek.

ROMA 15:8

Nana, mafandendelek te, Kristus nalalau-naoono hataholi Yahudi la a, fo ela ana da'di natutu'duk esa nae, Manetualain ta nafandele heni tao natetu hehelu-balataan neu ita bei ba'ikai nala.

LUKAS 21:22

Nana fai-faik sila la nde bee na ‘Faik Huhuku ka Nananaketu-Nala'dik,’ fo ela no enok ndia, hata fo nanasulak nai Susula Malalaok dale ana da'di.

MARKUS 13:19

Neu fai-faik mangalauk matuaina sila la, neukose hapu susa-soe esa fo susa-soe ndia, ana beita da'di nita nai daebafa ka, mulai neme Manetualain nakadada'dik daebafa ka losa besak ia, tehu neukose ana ta da'di so'on.

MATEOS 24:21

Bibii namata'uk matua ina nai fai-faik sila la, neukose hapu toto'a-sosota matua ina sama leo ana beita da'di nita neme daebafa ka dada'di makasososa na losa besak ia, ma neukose ana ta da'di seluk so'on.

MATEOS 5:18

Mafandendelek leona te! Losa lalai no daebafa ka beita mopo fas soona, dede'ak sila la de'ek esa, do titianak esa boeo, ta mopo fas, makanaema basa-basas lala'ena beita da'di fa!

ZAKHARIA 1:8

au ita Manetualain ata nusa so'dan esa, sa'e ndala pilas esa. Ana hahae neme bafak esa, nai ai murat-tala tala'da. Ndala fe'ek de'ubee, lapadaik lai dean-na, nggelok pilas, nggelok pila kumeak, ma nggelok fulak.

ZAKHARIA 1:6

Au anduku-alosak Au paletang-ngala, ma Au hala nasanene'dang-ngala neu emi bei-ba'i kaim, tunga basa nabi-nabi fo Au atang sila-la. Tehu ala ta taoafik-kana fa, nalosa ala muse lu'a-lepa buna-boan. Boema lasasale dale, ma ala manaku lae Au, Manetualain Fo Manakoasa, huku basa sila, nandaa no sala-singon-nala, ma nandaa no Au nakeketung-nga.”

AMOS 3:2

“Neme basa leoina manai daebafak-ka, emi nde leoina fo Au alelak ma Au taoafik-ka. Hu ndia de, hu ka nde emi sala-singo matuainam-ma, de tao leo bee-o, neukose Au huku emi.”

YOEL 2:2

Faik ndia makiuk ma makahatuk, henuk no makamamasuk ma'u-ma'uk-ka. Lamak bubuaina esa mai osu-osu sama leo ko'as fo natabaa nai letelepak lain. Manada'dik leondiak-ka, beita da'di nita fa, ma neukose ana ta da'di seluk losa dodoon-na.

YESKIAL 13:6

Sila ninitan-nala, ta la'e fan, ma sila dede'a nafa'da elan-nala, pepekok. Ala manaku lae, sila leni Manetualain hala hehelun-na, te se'kona Au beita adenu ita sila fa. Da'di tao leo beek fo, sila lamahena sila dede'a nafa'da elan sila-la, ala da'di?

RATAPAN 4:6

Au anang-ngala nanahuku basak so belan-na lena heni laun Sodom fo ka'da nai hatematak esa mesak-kana nakalulutuk neme Manetualain liman-na mai, te ta nenik hataholi daebafak-ka nakeketun-na fa.

AMSAL 8:16

Hu kan nde au tatao-nono'i maloleng-nga de, basa hataholi matua-madema-la ma basa mane ana-la ala paleta no ndoos ma matetuk-ka.

MAZMUR 148:11

Koa-kion leon, hai mane-manek-kala, ma basa nggieo-bobongik lala'ena, basa manefetoana, ma basa manakoasa-la;

MAZMUR 2:10

Da'di, taoafik leona, hai mane-manek-kala lemin, bubuluk leona, hai manakoasa daebafak-kala lemin!

1RAJA-RAJA 3:9

Hu ndia de, ou Manetualain, ela leo been-na fe au dudu'a-aafi manatee-tenok fo au paluun soaneu paleta O anam ia la no tunga ndoos ma matetuk, ma soaneu au bisa mete kofe'ek bee kande malole ma bee kande mangalauk-ka. Metema ta leondiak fa soona, hapu nai bee au hapu paleta O anam fo matuaina ia la?”

YEREMIA 30:7

Faik fo matuaina nanseli ana losa so, faik fo ta hapu nakandandak na fan. Ba'eneu Au anang-ngala soona, faik fo dale manatesa-tama taak; tahu neukose Au soi po'i sila.”

YEREMIA 32:23

Tehu nai lelek ala mai lo nusak ia mai de latona-la boema, ala ta nau tunga O paletam-mala fa, ma ala ta laso'da tunga O nanoli-nafa'dan fa. Basa hata fo O paletak neu sala ala ta tao-no'i esa boen. Hu ndia de O muni fes basa susa-soe iala neu sila.

YEREMIA 39:16

afa'da neu Ebed-Melekh fo hataholi Sudan-ndia ae, Manetualain Fo Manakoasa, fo Israel Manetualain-na, nafa'da nae leoia, “Sama leo makahulun-na fo Au afa'dak-ka, neukose Au uni fe kota ia susa-soe te ta tetu-temak fa. Neukose o mita dede'ak ndia ana da'di.

DANIAL 12:1

Ata nusa so'dak fo manapake bua-lo'a a'balutu ndia, nafa'da seluk nae, “Nai faik ndia, neukose ata nusa so'da matuaina Mikhael fo manamasulu-mahapa o leoinam-ma, ana to'da mai. Basa boema, neukose hapu tepo-lelek to'a-sota matuaina nanseli nai lelek bei hapu leoina-la nai daebafak-ka. Tehu hataholi fo leme o leoinam-ma na'den-nala nanasulak nai Manetualain susulan dalek-ka, neukose nanasoi-tefak.

ZAKHARIA 7:12

Latea dalen-nala, nalosa natea sama leo batu-a. Au amanasa anseli, nanahu ala ta nau tunga nanolik fo Au fen tunga nabi makahuluk-kala fa.

2RAJA-RAJA 22:16

Manetualain dede'a-kokolan nde ia nae, “Neukose, Au huku Yerusalem no basa laun-na lala'en-na, sama leo hata fo, nanasulak nai susulak fo, besak-ka manek-ka lees ndia dalek

YESAYA 43:28

o imam-mala, ala tao langgenggeo Au Umang-nga. Hu ndia de, Au fe heni Israel, fo nananakadadaek, Au po'ilotak Yakob tititi-nonosin, nanatao namate-namopok.”