DANIAL 6:28 - Susula Malalaok Hehelu Palak Ma Hehelu Beuk

²⁸ Ana soi-tefa ma Ana soi-po'i, Ana tao manada'di beuk ma dede'a matabeuk nau nai lalai do nai daebafak-ka boe. Ana soi-tefa-na Danial neme singa-la bafan-na mai so.”

DANIAL 6:28 Referans Kwoze

DANIAL 1:21

Danial nakalala'ok bela-ba'un nahele nai uma manek-ka, losa Mane Koresh neme Persia mai, ana paleta Babel.

2TAWARIKH 36:22

Nai Kores fo manek Persia paleta neu teu makasososan-na, Manetualain nakalala'ok hata fo nafa'da basan tunga Nabi Yeremia. Manetualain nakababale Kores dalen-na soaneu ana kalua paleta esa fo nanalees nai basa nusak-ka lala'en-na. Liin-na nae leo ia:

YESAYA 44:28

Au nde afa'da neu Kores ae, ‘Neukose o nde paleta soaneu Au, ma tao-no'i basa Au hihii-nanaung lala'en-na. Fe paleta leona, fo ela nafofo'a seluk Yerusalem, ma tao Manetualain Uman-na neten-na.’ ”

DANIAL 10:1

Mane Koresh paleta Persia neu teu ka telun-na boema, hala heheluk esa nananafa'dak neu Danial fo nasi'a loken lae Beltsazar boe. Hala heheluk ndia tete'ek-ka, tehu tean-na seli soaneu lalelak sosoa-ndandaan. Lelek Danial sanga enok fo nalelak sosoa-ndandaan boema, ana sipo hala nafa'da mangale'dok esa la'eneu hala heheluk ndia sosoa-ndandaan nai ninitak esa dalek.

2TAWARIKH 36:23

“Kores fo manek Persia paletan-na nde ia! Amak, fo Manetualain manakoasa nai nusa so'dak-ka, nakadada'dik basa au da'di manek neu daebafak-ka lala'en-na, ma Ana fe au bela-ba'uk soaneu afofo'a uma ba'eneun nai Yerusalem fo nai nusak Yehuda. Da'di, emi basa-basam fo manada'di Manetualain anan-nala muse fali leo naa meu! Ela leo bee na emi Manetualain nasulu-nahapa emi.”

DANIAL 5:28

nanaba'ek, Ama Manek nusan-na nanaba'ek, de nanafek leo hataholi Media ma Persia neu.”

MAZMUR 77:15

O nde Manetualain, fo manatao manada'di beuk-kala, O mafa'da basa O koasam-ma, nai leoina-la, tala'da so.

YEREMIA 32:20

Makahulun eli O tao manada'dik beuk-kala ma dede'a matuaina-la nai Masir, ma losa besak ia boe, O bei tao mahelen, leomae nai hataholi Israel-la tala'da do nai leoina fe'ek-kala boe. Hu ndia de besak ia O nananita-nalelak nai basa mamanak lala'en-na.

DANIAL 3:29

Hu ndia de, au paleta fo basa hataholi maneme leoina, leo do dede'ak beek boe, fo ana kokolak nakadadaek Manetualain fo Sadrakh, Mesakh ma Abednego sene-do'ok-ka soona, neukose tete'te-nan lutu-lutu ma tao natu'u uman-na fo taon da'di ai batu madodouk. Nana ta hapu lamatua daebafak bee boe, ana bisa tao hata fo Manetualain ndia tao basak-ka so.”