DANIAL 6:13 - Susula Malalaok Hehelu Palak Ma Hehelu Beuk

¹³ basa-basas leu leo manek-ka leu, fo ala kalaak Danial lae, “Ade, Ama Manek ta limalee basa susula paleta fo kena-ka'i basa hataholi-la, fo nai faik teluhulu dalen-na ia, boso leni sila dokodoen-nala neu lamatua daebafak esa, do neu hataholi daebafak, te ka'da leni sila hala haladoin ndia neu Ama Manek mesak-kana hetu? Ma boeo nae ba'eneu see, fo ana la'olena paleta ndia soona, tapan leo singa lean dale neu hetu?” Boema manek-ka nataa nae, “Memak tete'ek-ka, susula paleta ndia, ana da'di Media ma Persia susula nakeketun, fo pake nahelen leona.”

DANIAL 6:13 Referans Kwoze

DANIAL 3:12

Tehu Ama Manek fe hataholi Yahudi de'ubee, ala paleta lai Babel, ala ta tunga Ama Manek paletan ndia fa. Hataholi sila nde Sadrakh, Mesakh ma Abednego. Hataholi sila-la ta nau sene-do'ok neu Ama Manek lamatua daebafan-nala fa, ma ala ta nau sene-do'ok neu Ama Manek tao-na dodoki-dudulak lilopilas-sa boen.”

HATAHOLI 5:29

Boema Petrus ma hataholi nadedenu fe'e kala lataa lae, “Ami muse tunga Manetualain, te ami ta tunga hataholi daebafak fa.

DANIAL 2:25

No lai-laik, Ariokh noo Danial neu leo Mane Nebukadnezar-ra neu, boema nae, “Atam-ma hapu hataholi esa nai hataholi Yahudi nanaookak-kala dalek, nafa'da-nala Ama Manek me'in-na sosoa-ndandaan.”

DANIAL 5:13

No lai-laik, loo Danial neu nataa manek-ka. Boema manek-ka natanen nae, “Ade, o nde Danial, hataholi nanafook ndia, fo au amang foo ninin neme dae Yehuda mai hetu?

ESTER 3:8

Boema, Haman nafa'da manek-ka nae, “Ama Manek, hapu leoina matabeuk esa nai basa nusak ia propensin-nala. Ha'dan-nala fe'ek nanseli, no leoina fe'ek-kala. Ala ta tunga nusak-ka hoholo-lalanen-nala fa. Da'di, malole lenak, Ama Manek boso po'ilotak-kasa, fo ala tao tunga ka'da sila dale hihii-nanaun mesan-na.

DANIAL 1:6

Danial, Hananya, Misael ma Azarya, leme leo Yehuda mai, lai touana muli-soluk sila dalek boe.

HATAHOLI 17:7

de Yason nde sipo kasa nai ndia uman. Da'di sila basa-basas la'olena Kesel Roma nakeketu nala, nana lafa'da lae, bei hapu seluk mane fe'ek esa na'de Yesus.”

DANIAL 3:8

Hataholi Babel de'ubee, ala pake fai loak ndia fo tao susa hataholi Yahudi-la.

DANIAL 3:11

ma ba'eneu see, fo ana ta tunga paleta ndia fa soona neukose tapan leo hai manafolokakaak dale neu.