DANIAL 4:25 - Susula Malalaok Hehelu Palak Ma Hehelu Beuk

²⁵ Neukose Ama Manek nanausi henik neme hataholi daebafak-ka dalek mai fo maso'da nai bana-manu manai mook-kala tala'da. Nai teuk hitu dalen-na, Ama Manek na'a na'u sama-na leo sapi ma sungu nai moo maloa dale, nalosa Ama Manek nakadoe dinis. Basa ndia soona, neukose Ama Manek manaku nae Manetualain Fo Mademaina, koasa basa hataholi daebafak-ka nusan-nala, ma nusak ndia Ana fen neu see fo Ana helen.

DANIAL 4:25 Referans Kwoze

DANIAL 4:17

Ami fo ata nusa so'dak manamanea besa-besa, ma mahehele aom-ma, nakeketun-na nde ndia. Ami dale dodoom-ma nde, fo ela basa hataholi su'di nai bee boe, ana manaku nae Manetualain Fo Mademaina nanuu koasa neu hataholi daebafak-ka nusan-na, ma Ana fe nusak ndia su'di neu see fo Ana helen, nakalenak neu hataholi fo leomae sosoa-ndandaan ta boe!’

YEREMIA 27:5

“Au akadada'dik daebafak-ka, ma hataholi daebafak-ka no basa bana-manu lala'en-na nenik Au koasang-nga fo matuaina, ma nenik Au be'i balakaing, fo Au apu fen neu see ndia boe fo Au ahiik-kana.

MAZMUR 83:18

Nemen-na fo ala hapu mamaek, ma ala bii-lamata'u losa dodoon-na, nemen-na fo mates lai nakamumulu-nakamamaek-ka dalek.

DANIAL 2:21

Ndia nde naketu le'do-fai, Ana nakona ma so'u manakoasa. Ndia boeo nde manafe manatee-tenok, boema manaba'e-bati dodole da'uk.

MAZMUR 106:20

Ala tuka Manetualain fo, matua-madema nenik sapi mana'a na'u-a, dodoki-dudulan.

MAZMUR 75:7

Nana naketu-nala'dik-ka, ta mai neme dulu do muli mai fa, boeo ta neme kii do kona mai fa.

MAZMUR 103:19

Manetualain paleta nai nusa so'dak-ka, Ndia manek fo manakoasa neu basa hata lala'ena.

DANIAL 2:37

Ama Manek fo mandela-masa'ak-ka nde been-na, manek neme basa manek lala'en-na mai. Ama Manek nde manakoasa matuaina. Manetualain manai nusa so'dak-ka fe basa Ama Manek nusak ia, koasa, be'i-balakaik ma matua-madema so.

DANIAL 2:47

Manek-ka nafa'da nae, “Tete'ek-ka Danial, o Manetualaim ndia matuaina nanseli nai basa Manetualain lala'en-na. Ndia nde been-na, manakoasa neu basa manek lala'en-na, ma manasoi heni basa bibila-babaak lala'en-na. Au bubuluk dede'ak ndia, nana o mafa'da-malak bibila-babaak ndia sosoa-ndandaan.”

DANIAL 4:2

Au ahiik tui la'eneu manada'di beuk, ma ta'du-tana matabeuk fo Manetualain Mademaina, Ana tao basan soaneu au so.

DANIAL 4:16

Ela nemen-na, fo dudu'a-aafi hataholin-na nasafali da'di dudu'a-aafi bana-manu, teuk 7 dalen-na.