DANIAL 3:12 - Susula Malalaok Hehelu Palak Ma Hehelu Beuk

¹² Tehu Ama Manek fe hataholi Yahudi de'ubee, ala paleta lai Babel, ala ta tunga Ama Manek paletan ndia fa. Hataholi sila nde Sadrakh, Mesakh ma Abednego. Hataholi sila-la ta nau sene-do'ok neu Ama Manek lamatua daebafan-nala fa, ma ala ta nau sene-do'ok neu Ama Manek tao-na dodoki-dudulak lilopilas-sa boen.”

DANIAL 3:12 Referans Kwoze

DANIAL 6:13

basa-basas leu leo manek-ka leu, fo ala kalaak Danial lae, “Ade, Ama Manek ta limalee basa susula paleta fo kena-ka'i basa hataholi-la, fo nai faik teluhulu dalen-na ia, boso leni sila dokodoen-nala neu lamatua daebafak esa, do neu hataholi daebafak, te ka'da leni sila hala haladoin ndia neu Ama Manek mesak-kana hetu? Ma boeo nae ba'eneu see, fo ana la'olena paleta ndia soona, tapan leo singa lean dale neu hetu?” Boema manek-ka nataa nae, “Memak tete'ek-ka, susula paleta ndia, ana da'di Media ma Persia susula nakeketun, fo pake nahelen leona.”

DANIAL 2:49

Tehu no Danial nonoken-na, de manek-ka fe Babel leo Sadrakh, Mesakh, ma Abednego neu fo ala paletan, te Danial leo neme manek-ka uma manen-na.

HATAHOLI 17:7

de Yason nde sipo kasa nai ndia uman. Da'di sila basa-basas la'olena Kesel Roma nakeketu nala, nana lafa'da lae, bei hapu seluk mane fe'ek esa na'de Yesus.”

AMSAL 27:4

Nasa-meluk ndia, ta nanuu dale susue lalaik fa, te neni nakalulutuk, tehu see nakatatakak, metema nasasalematak no nape'da dalek-ka?

HATAHOLI 5:28

Imam matuaina nafa'das nae, “Ami kena-ka'i emi no mahelek fo boso boe manoli la'eneu Hataholi ndia bai. Tehu besak ia so'ba mete su'di kana, emi tao beek ia! Emi tui-benga mamaloa emi nanolim ndia nai basa Yerusalem lala'ena, tehu emi nau kalaak masafali ami mae, ami nde tataom Hataholi ndia mamate na.”

PENGKHOTBAH 4:4

Au boeo bubuluk ae hataholi daebafak-ka naue-nale'di no puse titik, ka'da hu kande nape'da dalek nai lelek nita uma titia-tatain ue-le'din buna-boan. Basa sila-la manada'di tak, sama leo sanga enok fo usi anin-na.

ESTER 3:8

Boema, Haman nafa'da manek-ka nae, “Ama Manek, hapu leoina matabeuk esa nai basa nusak ia propensin-nala. Ha'dan-nala fe'ek nanseli, no leoina fe'ek-kala. Ala ta tunga nusak-ka hoholo-lalanen-nala fa. Da'di, malole lenak, Ama Manek boso po'ilotak-kasa, fo ala tao tunga ka'da sila dale hihii-nanaun mesan-na.

DANIAL 1:7

Malanga uma manek-ka nggati heni na'den-nala da'di: Beltsazar, Sadrakh, Mesakh, ma Abednego.

DANIAL 2:48

Basa boema ana fe Danial nangatutuu madema, ma ana fen bua-lo'a manahiik makadotok, ma ala so'un da'di nggobelnol Babel, boema ala fen da'di malangan mademaina neu basa manamanoli-mafa'dak manai uma manek-ka.

DANIAL 3:11

ma ba'eneu see, fo ana ta tunga paleta ndia fa soona neukose tapan leo hai manafolokakaak dale neu.

DANIAL 3:16

Boema Sadrakh, Mesakh ma Abednego lataa lae, “Ama Manek fo mandela-masa'ak, neukose ami ta mapalani masala'e ami aoinam-ma fa.

DANIAL 3:29

Hu ndia de, au paleta fo basa hataholi maneme leoina, leo do dede'ak beek boe, fo ana kokolak nakadadaek Manetualain fo Sadrakh, Mesakh ma Abednego sene-do'ok-ka soona, neukose tete'te-nan lutu-lutu ma tao natu'u uman-na fo taon da'di ai batu madodouk. Nana ta hapu lamatua daebafak bee boe, ana bisa tao hata fo Manetualain ndia tao basak-ka so.”

DANIAL 3:30

Basa ndia boema, manek-ka nasa'e Sadrakh, Mesakh ma Abednego nangatutuun-nala, de ala da'di manapaleta matua-madema nai propensi Babel-la.

DANIAL 6:14

Boema lafa'da manek-ka lae, “Danial fo hataholi nanafook esa neme Yehuda mai, ana ta paluu Ama Manek, ma ana ta taoafik neu Ama Manek paletan-na fa. Faik esa soona, ana hule-haladoi la'i 3.”