DANIAL 2:38 - Susula Malalaok Hehelu Palak Ma Hehelu Beuk

³⁸ Nakadada'dik Ama Manek da'di manakoasa neu daebafak fo nanuu laun, ma neu manupaui ma bana fe'ek-kala. Ama Manek nde lilopilas manai dodoki-dudulak ndia langan-na.

DANIAL 2:38 Referans Kwoze

YEREMIA 34:1

Nai lelek Nebukadnezar fo manek Babel-la no basa ndia soloda'du matee-matatin-nala fo nanatao natea-nahelek neme basa leoina-la soloda'dun-nala mai, ma nusak fo manamakaluku-makatele neu au-a ala mai sapu-la Yerusalem ma kota-kota manai boboa-kaisun-na, Manetualain kokolak no au nae leondia.

DANIAL 1:2

Manetualain fen sengi Mane Yoyakim-ma, de ala loso leni bua-lo'a kabelik-kala seli leme Manetualain Uman dale mai. Ana foo neni hataholi-la, nos leo ndia lamatua daebafan manai Babel-la uma sosongon dale leu, ma ana pe'da ana loso neni bua-lo'a kabelik-kala lai gudang-gudang manai uma sosongok ndia dalek.

DANIAL 2:32

Langan-na nanataok neme lilopila isik-ka mai, fanan-na ma alun-na neme lilofulak-ka mai, ma tala'dan-na ma pabu'un-na neme liti-a mai,

DANIAL 2:39

Tehu lelek Ama Manek nusan-na nate'e soona, neukose nusak fe'ek esa to'da mai, tehu ta ba'u Ama Manek nusan-na fa. Basa soona, nusa ka telu-a to'da mai, fo nakasasaman-na nde liti manai dodoki-dudulak ndia, fo neukose ana koasa basa daebafak-ka lala'en-na.

DANIAL 5:18

Manetualain Fo Mademaina, tao-na Ama Manek aman Nebukadnezar, da'di manek mandela-masa'ak, ma Ana fen matua-madema ma nananita-nalelak.

DANIAL 4:18

Hai Beltsazar, au me'ing-nga nde ndia. Besak ia, mafa'da au sosoa-ndandaan leona. Ta hapu hataholi melelak esa boen nai au nusang-nga, bisa nafa'da mangalele'don neu au, tehu o bisa, nana o henuk no lamatua daebafa malalao-malalafuk-kala duladalen-na.”

DANIAL 7:4

Bana makasososak-ka, lupan-na sama leo singa, tehu nanuu manupui garuda li'dan-na Lelek au anganalon boema, no kaiboik li'dan-na nanafe'ahenik de natapo'i; nanandoo eik neme dae lain mai, de napadeik natetu nai eik 2 lain, sama leo hataholi-a.