DANIAL 12:2 - Susula Malalaok Hehelu Palak Ma Hehelu Beuk

² Hataholi manamate basak sila-la ba'uk-ka, neukose laso'da falik; neukose nggelok hapu so'da manaketu basa taak-ka, ma neukose nggelok bai soona, nananakadadaek ma ala hapu toto'a-sosota matuaina fo manaketu basa taak-ka boe.

DANIAL 12:2 Referans Kwoze

YESAYA 26:19

O anam fo manamate basak-kala, neukose ta laso'da falik fa, neukose popolan-nala fo'a falik seluk. Hataholi fo nananatoi basak nai dae dale-a, neukose ana fo'a falik, fo ana eeki-natadale. Sama leo dinis fo, manatao makasufu daebafak-ka, O tao maso'da O anam fo, mates dook-ka so.

MATEOS 25:46

Soona neukose hataholi sila la nanahukuk ninik huhuku mana ketu basa ta ka, tehu hataholi mana tao tunga Manetualain hihii-nanau na, neukose ala hapu maso'da matetu ka, ma mana ketu basa ta ka.”

YESKIAL 37:12

Hu ndia de, mafa'da Au anang Israel sila-la mae Au, Manetualain Fo Mademaina, neukose soiheni sila laten-nala. Neukose Au kaluahenis leme ndia mai, fo Au fe falik-kasa leo dae Israel-la leu.

NINITAK 20:12

Ma au ita hataholi manamate kala ana-matua lapadeik lai kandela manek ndia mata na. Boema susula kala boeo nanabukak. Boema susula fe'ek esa nanabukak, fo nde Susula Hataholi Maso'da ka. Basa boema huhuku ka nanaketuk neu hataholi manamate kala, nandaa no sila tatao-nono'in tunga hata fo nanasulak nai susulak sila la dalek.

HATAHOLI 24:15

Au boeo amahena, tao leo bee fo Manetualain tao naso'da falik basa hataholi mana mate kala sama leo sila boe, nau hataholi mana tao malole do hataholi mana tao mangalau kala boe!

1 TESALONIKA 4:14

Ita tamahele Yesus maten, ma naso'da falik so. Hu ndia de, ita boeo tamahele, neukose Manetualain tao naso'da falik basa hataholi kamahehele mana mate basa kala, fo sue ka nde laso'da sama-sama lo Yesus.

YESAYA 66:24

Lelek ala la'o, neukose lita hataholi manalena-la'ban Au-a, popolan-nala. Neukose, ta mate ulek fo mana'a hataholi sila-la, popolan-na fa, ma neukose ta mate ha'i fo, mana'as-sala fa; naniluk esa, neni bibii-namatau matuaina, ba'eneu basa hataholi-la.”

YEREMIA 20:11

Tehu O, ou Manetualain, O mook au; O be'im-ma nanseli ma nakalenak balakai ina. Sila fo manausil-la ma manatuni-ndeni au, neukose ala tu'u leu de be'i-balakai taak-kala. Neukose ala mae losa dodoon-na, sila dudu'a-dodoo manada'di taak-kala beno'u. Sila nakamumulu-nakamamaen ndia neukose nananafandele nahelek tatas esa.

HOSEA 13:14

Neukose, Au ta soi-tefa leoina ia, neme hataholi manamatek-kala daebafan-na mai fa. Hai mamates, nggali o he'di-laum mai leona! Makalala'ok o tatao-nono'im fo maneni nakalulutuk ndia leona! Nana, Au ta sue-lai leoina ia so'on.

ROMA 9:21

Ade hataholi manatao pot bunga ndia ta nauu hak soaneu ana tao dae ndia tunga dale hihii na fa do? Hataholi ndia nanuu hak tao dae bubuak ndia da'di pot bunga matak dua: fo esa mana'ahiik ma esa ka mana'a na ta dai fa.

HATAHOLI 7:60

Boema ana senek ma ana nggasi napane'e nae, “Lamatuak, boso fe hataholi ia la lu'a-lepa sala-singok ia!” Nafa'da basa nae leondia boema maten.

AMSAL 12:8

Hataholi-a nanakoa-nanakiok, nandaa no manatee-tenon-na; hataholi nananakadadaek-ka, nandaa no nggoa-panganan-na.