DANIAL 11:16 - Susula Malalaok Hehelu Palak Ma Hehelu Beuk

¹⁶ Manek nusa kii ndia, neukose ana tao tunga ka'da dale hihiin-na, te ala ta la'ban-nana faa anak boen. Neukose nangatuu-na dae maoe-maisik-ka, fo ana koasa la'iesak-kana.

DANIAL 11:16 Referans Kwoze

DANIAL 8:9

Susula anak esa moli neme susulak sila-la esa mai, boema ana da'di matuaina nanseli, de koasan-na namaloa leo kona, leo dulu ma leo dae fo maoe-maisik-ka neu.

DANIAL 11:41

Nakalenak neu sapu-na dae maoe-maisi-ka boe, ma neukose ana taonisa hataholi lifu-lifun. Tehu nusa Edom, Moab ma nusa Amon-na dae nananita-nalelan-nala neukose laso'da.

DANIAL 11:36

Neukose manek nusak kii-a, ana tao tunga ka'da dale hihiin-na. Neukose no koao-ndaeaok, nafa'da nae, ndia ba'ulena lamatua daebafak lala'en-na, nakalenak ndia boeo, ba'ulena Manetualain Fo Mademaina. Neukose ana bisa tao leondiak, losa Manetualain nasa-melun nate'e. Nana hata fo Manetualain naketu basan, muse nakahuluk nanatao natetuk dei.

DANIAL 11:3

Basa soona, neukose mane mabe'i-balakaik esa to'da mai. Neukose ana paleta nusa matuaina, ma ana tao tunga ka'da dale hihiin-na.

DANIAL 8:7

Au taoafik ahelen neu sapu-na bi'ilopo mane ndia. Nasan-na mangalau nanseli, nalosa ana puka nala'di heni bi'ilopo mane ndia susulan duas. Bi'ilopo mane ndia balakain ta soaneu ana la'ban-nana. Ana fepa neu dae, boema bi'ihii mane ndia heheta-aa'in, tehu ta hapu hataholi esa boen, neu tulu-fali fan.

DANIAL 8:4

Au ita bi'ilopo mane ndia, ana puka nasale leo muli, kii ma kona neu. Ta hapu bana esa boen, bisa nakatatakak nasasalematak no fan, do nala koasan-na deak fa. Ana tao tunga ka'da dale hihiin-na, ma ana da'di manakoao-ndaeaok.

DANIAL 11:45

Nakalenak, neukose napadedeik lalaa temak paletan-na nai tasi ma letek-ka tala'da; letek fo Manetualain Uma mamanan-na. Tehu basa boema, neukose maten, de ta hapu hataholi esa boen tulu-fali fan.”

YEREMIA 3:19

Manetualain nafa'da nae, “Israel, Au hii sipok o da'di leo Au anang, ma Au fe o, nusak fo nandaa no o dalem-ma, nusak fo malole nanseli, nai basa daebafak-ka lala'en-na. Au hii o maloo Au mae ama, ma o ta malai meme Au mai so'on.

YESAYA 8:8

Neukose ala sa'e-la Yehuda, sama leo faa fo dedeman-na losa botolik, de ana lifu-na basa hata lala'ena.” Manetualain no ita! Nakapepela li'dan-na, fo nasulu-nahapa ita nusan-na.

YOSUA 1:5

Ta hapu hataholi esa boen, neukose bisa sengi o fa Yosua, nai o fai maso'dam-ma dalek. Nana neukose Au nai o boboam-ma tataas esa, sama leo makahulun-na, Au nai Musa boboan-na. Neukose, Au ta la'oela o fa.

DANIAL 5:19

No matua-mademan ndia, nalosa hataholi-la leme basa leoina, leo ma basa dede'ak lala'en-na dele ma ala biin. Metema nahiik taonisa hataholi, soona, ka'da ana taonisa hataholi ndia. Metema ana nau fe so'dak neu hataholi esa soona, ana fe so'dak neu hataholi ndia. Ana so'u namadema do nakadadaek su'di see tunga hihii-nanaun.