DANIAL 10:19 - Susula Malalaok Hehelu Palak Ma Hehelu Beuk

¹⁹ Nafa'da nae, “Manetualain sue-lai o, hu ndia de, dalem-ma boso susa do bii mamata'u, ayo, da'di balakaik leona!” Lelek nafa'da dede'ak ndia boema, au ame'da au mabe'i-balakaik seluk so, de au afa'da ae, “Kokolak leona Tuan. Tuan popo-tama au be'i-balakaing so.”

DANIAL 10:19 Referans Kwoze

YESAYA 35:4

Mafa'da hataholi fo, dale ba'ihanak-ka mae, “Matetea-mahehele o dalem-ma, ma boso bii, te O Manetualaim-ma mai soaneu huku musu-la, Ana mai soi-tefa-nala emi.”

YOSUA 1:9

Mafandendelek, te Au paleta basa o, fo ela te'e-te'e o mamahele, ma mapalani! O boso bii-mamata'u, do pela-bale, nana Au, fo o Manetualaim-ma, nai o boboam-ma, nai lelek o muu leo su'di bee muu.”

HAKIM-HAKIM 6:23

Tehu, Manetualain nafa'dan nae, “Makatetesak o dalem-ma! Boso bii. Te neukose, ta mate o fa.”

DANIAL 9:23

Lelek o mulai dokodoe neu Manetualain-na, Ana fe natataak. Au mai tui-bengan, nana Ana sue-lai o. Nah, mamanene matalolole, nai lelek au afa'da mangalele'do ninitak ndia sosoa-ndandaan.

NINITAK 1:17

Lelek au itan boema, au bala u mata na nono'kabai hataholi manamate ka. Tehu Ana fua lima kona na neu au lain boema nae, “Boso bii! Au nde makasososak ma mate'ek.

2 KORINTUS 12:9

Tehu Lamatua ka nataa nae, “Au sue-lai o, de ndia dai o so, nana Au koasa nga balakai na lena, metema o nai tapandoe sa dalek.” Da'di au amahoko metema au tapandoe soona, nai lelek ndia nde au ame'da ita Kristus nasulu-nahapa au ninik be'i-balakain.

YOHANIS 14:27

Au la'oela so'da-mole ka neu emi. Au so'da-moleng nde Au fe neu emi ndia. Au fe emi ndia, ta sama no daebafa ka fe emi ka fa. Boso dale he'di, ma boso bii.

2 TIMOTIUS 2:1

Timotius, fo au ana nga! Ela leo bee na, o matea-mahele neme susue-lalaik fo Ana fen neu ita, nana ita da'di esa too Kristus Yesus.

YOHANIS 19:26

Yesus nita inan no ana manatungan fo Ana sue-lai ka lapadeik lai ndia boema, nafa'da inan nae, “Ina, Ina ana ma nde ndia.”

YOHANIS 21:20

Basa boema, Petrus lipa leo dea neu te, nita Yesus ana manatunga susue na, nai dea na. (Ndia nde nangatuuk deka no Yesus ndek la'a, boema natane Yesus nae, “Lamatuak, see ka nde ke'dindiu Lamatua ka?”)

YOHANIS 11:36

Boema hataholi Yahudi manai sila la bekola lae, “Mitakana dei, Ana sue na Lasarus ba'u na seli!”

YOHANIS 11:5

Yesus sue-lai Marta, Maria ma Lasarus.

YOHANIS 11:3

Tolanoo inan duas fe halak leo Yesus neu lae, “Lamatuak, ami tolanoom fo Lamatua ka sue-laik ndia, namahe'di.”

1 KORINTUS 16:13

Ela leo bee na manea matalolole ma matea-mahele nai emi maso'da ma dalek, da'dileo hataholi kamahehelek. Da'di palani ma balakaik, ma da'di mabe'i-balakaik.

HAGAI 2:4

Tehu, boso ketu namahehena mala, hai emi basa-basam-mala lemin! Tao-no'i makandoo bela-ba'uk ndia, nana neukose Au tulu-fali ahele emi.

YOHANIS 16:33

Au afa'da basa dede'ak ia la, fo ela emi hapu so'da-molek, hu ka nde emi da'di esa mo Au. Neukose emi to'a-sota nai daebafa ka. Tehu matetea-mahehele emi dale ma! Nana Au sengi daebafa ka so!”

ZAKHARIA 8:9

Manetualain, nafa'da anan-nala nae, “Matetea emi dalem-ma. Besak ia, emi boeo mamanene hala-kokolak fo nabi la kokolak-kana, nai lelek ala pe'da batu makasososak fo lafofo'a falik Au Umang-nga.

DANIAL 10:18

Boema ana koila'e au la'i esa seluk, boema au ame'da au balakaing-nga, ana popo-tama.

YESAYA 41:14

Manetualain nafa'da nae, “Israel, boso bii, leomae o anak-ka, ma tapandoes. Au nde Manetualain, fo manatulu-fali o, Fo Israel Manetualain Malalao-malalafun nanseli-a, nde been-na, o manasoi-manatefam.

YESAYA 41:10

Boso bii, nana Au sama-sama o o, boso bii, nana o Manetualaim-ma nde Au. Neukose, Au tao atea-ahele o, ma Au tulu-fali o, Au hela-nole o, nenik Au lima ua-nale maloleng-nga.

MAZMUR 138:3

Lelek, au aloo bou-bou neu O, O mataa O matetea-mahehele au daleng-nga, nalosa au apalani.

EFESUS 6:10

Mate'e na, ela leo bee na emi da'di balakaik, minik be'i-balakaik fo emi hapun neme Lamatua ka mai, nana emi da'di esa moon.

ZAKHARIA 8:13

Hai laun Yehuda ma Israel-la lemin! Nai fai maneuk-ka, metema hataholi nusa dea-la, esa soo-supa esa soona, lafa'da lae, ‘Sa'di leo been-na, susa-soe manala'e Yehuda ma Israel-la, la'e o boe!’ Tehu neukose Au soi-tefa-ala emi, nalosa hataholi nusa dea sila-la, neukose lakokolaok lae, ‘Sa'di leo been-na, baba'e-papalak fo ana kona neu Yehuda ma Israel-la, ana kona neu o lain boe!’ Hu ndia de, matetea emi dalem-ma, ma boso bii-mamata'u!”