DANIAL 10:14 - Susula Malalaok Hehelu Palak Ma Hehelu Beuk

¹⁴ Au mai fo fe o malelak hata fo mahani te, neukose ana da'di neu o leoinam-ma. Ninitak ia la'eneu fai manamaik-ka.”

DANIAL 10:14 Referans Kwoze

DANIAL 8:26

Ninitak la'eneu tutunu-hohotu le'donosok ma fafaik fo nananafa'da mangalele'do basak neu o ndia, tete'ek-ka neukose ana da'di. Tehu basa sila-la, neukose ala da'di nai fai manamaik-ka fo bei dook-ka; da'di boso tui hataholi esa boen.”

DANIAL 2:28

Tehu nai nusa so'dak-ka, hapu Manetualain, fo Ana soi heni basa bibila-babaak lala'en-na so, de nafa'da basa Ama Manek, hata fo ana da'di nai fai makabuin. Besak ia, fe atam-a loak soaneu nafa'da mangalele'do me'is ma ninitak fo Ama Manek hapun nai lelek Ama Manek sungu ndia.

HABAKUK 2:3

Sulak-ma, dede'ak ndia, nana besak ia fain-na beita losa fa. Tehu faik ndia ana losa lai-lai, ma hata fo Au afa'dan neu o ndia, neukose tao leo bee-o ana da'di. Leomae meten soona bei dook-ka, tehu ka'da mahani! Neukose tao leo bee-o faik ndia ana mai, ma neukose ta nakamama'ak so'on.

DANIAL 12:9

Boema nata nae, “Besak ia, muu leon Danial, nana dede'ak ia-la muse nananafunik ma nanabibila-babaak losa tepo-lelek mate'ek-ka.

DANIAL 12:4

Boema ata nusa so'dak ndia nafa'da seluk au nae, “Danial, tatana susulak ndia besak ia leona, ma tao segel neun, fo ela nanatatanak nahele losa tepo-lelek mate'ek-ka. Neukose hataholi ba'u ala so'ba palisak matalolole hata fo ana da'di. Tehu sosoa-ndandaan ta.”

MIKHA 4:1

Nai fai-fai manamaik-kala, pupukuk, fo Manetualain Uma mamanan-na, neukose napadeik natetu ma boetai namadema lena heni letek-kala ma pupukuk-kala. Leoina lala'en-na, faa beosu leo naa leu.

HOSEA 3:5

Tehu neukose fain-na losa, leoina Israel-la fali le'us leo sila Manetualain-na leu, ma leo sila manen-na neme Dauk tititi-nonosin mai. Boema, neukose ala bii, ma ala fe ha'da-holomata neu Manetualain, boema ala sipo baba'e-papalan.

YESAYA 2:2

Nai fai-fai manamaik-ka pupukuk fo Manetualain Uma mamanan-na tapasosola namadema ma napadeik natetu nai letek-kala ma pupukuk-kala lain. Leoina lala'en-na, beenongo leo naa leu,

ULANGAN 4:30

Metema, basa soe sila-la tuni-ndeni-la emi, ma emi nai toto'a-sosotak-ka dalek, soona neukose emi fali ma'im-ma, leo emi Manetualaim-ma mai, fo emi tungan.

KEJADIAN 49:1

Basa boema, Yakob naloo anan-nala, de nafa'da nae, “Makabubua mai ia, deka moo au. Au sanga afa'da emi, hata fo neukose emi la'ola'din nai fai makabuin:

IBRANI 2:3

Muda hata no so'dak-molek matua ina, fo nanananduku-nalosak tunga hala heheluk ndia bai! Metema ita ta taoafik neu so'da-molek ndia fa soona, tao leo bee o, neukose ita ta tatapo'i teme huhukuk ndia mai fa. Nanahu Lamatua ka mesa kana nde makasososa po'a-benga so'da-molek ndia, ma hataholi fo lamanene makasososa nana, ala fe basa buti ndo na neu ita so.

2 TIMOTIUS 3:1

Mafandendelek dede'ak esa nde ia: te neu fai-fai mate'e kala soona, neukose hapu toto'a-sosotak ba'u ka.

DANIAL 10:1

Mane Koresh paleta Persia neu teu ka telun-na boema, hala heheluk esa nananafa'dak neu Danial fo nasi'a loken lae Beltsazar boe. Hala heheluk ndia tete'ek-ka, tehu tean-na seli soaneu lalelak sosoa-ndandaan. Lelek Danial sanga enok fo nalelak sosoa-ndandaan boema, ana sipo hala nafa'da mangale'dok esa la'eneu hala heheluk ndia sosoa-ndandaan nai ninitak esa dalek.

DANIAL 9:22

Boema Gabrial nafa'da mangalele'don-na nae leo ia, “Danial, au mai soaneu tulu-fali o, fo o malelak hala nafa'da elak manamaik ndia.

ULANGAN 31:21

ma neukose, susa-soe matuaina makadotok, ala tuni-ndeni lalas. Tehu neukose, lakamee lahele nakameek ia, ma ala paken da'di leo, sakasii soaneu sila. Nakalenak besak ia, Au beita oos leo nusak fo, Au heluk-ka neu fa, te bubuluk sila dudu'a-aafin, tetee-tutu'dan so.”

ULANGAN 31:29

Au bubuluk, ae mate au soona, neukose hataholi sila-la da'di hataholi mangalauk, ma ala ta sipok hata fo, au anolin neu sila fa. Ma neu makabuin-na te, susa-soe-a tuni-ndeni nalas, nanahu ala tao-la Manetualain namanasa, nanahu ala la'olena hata fo, Ana ka'in-na.”

YESKIAL 12:27

“Hai hataholi daebafak fo, manasapu-manalalok-konei, hataholi Israel-la lafa'da lae o ninitam, ma o dede'a nafa'da elam sila-la, neukose dook-ka nanseli, besak-ka ala da'di.

DANIAL 8:16

Au amanene halak-ka naloo bou-bou nai Lee Ulai selik nae, “Gabrial, Mafa'da mangalele'do fen, ninitan ndia.”

BILANGAN 24:14

Boema Bileam nafa'da Balak nae, “Besak ia, au sanga fali leo au leoinang u. Tehu au beita la'o fa te, malole lenak au afa'da Tuan, la'eneu hata fo, nai fai makabuin, leoina Israel-la taon soaneu Tuan leoinan.”

YESKIAL 38:16

Boema, o sapu-ma Au anang Israel, sama leo ani-sangu-a sa'e-na daebafak-ka. Metema fain-na losa soona, neukose Au adenu o, fo muu mangatuu-ma Au daeng-nga. Hai Gog, no Au tatao-nono'ing tunga o, de neukose leoina-kala bubuluk, see Au, fo nde Manetualain, fo malalao-malalafuk-ka.