DANIAL 10:12 - Susula Malalaok Hehelu Palak Ma Hehelu Beuk

¹² Boema nafa'da au nae, “Danial, boso bii. Manetualain namanene o huhule-haladoim neme faik makasososan fo o ho'i nakeketuk soaneu o makaloe-makadae o aom-ma, fo ela o da'di manatee-tenok. Au mai da'dileo natataak neu o huhule-haladoim.

DANIAL 10:12 Referans Kwoze

DANIAL 10:19

Nafa'da nae, “Manetualain sue-lai o, hu ndia de, dalem-ma boso susa do bii mamata'u, ayo, da'di balakaik leona!” Lelek nafa'da dede'ak ndia boema, au ame'da au mabe'i-balakaik seluk so, de au afa'da ae, “Kokolak leona Tuan. Tuan popo-tama au be'i-balakaing so.”

YESAYA 58:9

Metema emi hule-haladoi soona, neukose Au sipok-kana. Metema emi maloo bou-bou neu Au soona, neukose Au ataa. Boso tuni-ndeni seluk, emi nono hataholim-ma, hahae tao musu, ma hahae kokolak manggenggeo hataholi na'den.

MATEOS 28:5

Ata nusa so'dak ndia nafa'da inak sila la nae, “Boso bii! Au bubuluk emi sanga Yesus fo nanalona-nggange basak ndia.

YESAYA 65:24

Ala beita dokodoe fa te, Au ataa so; ala beita hule-haladoi basa fa te, Au sipok basa sila huhule-haladoin so.

YESAYA 41:10

Boso bii, nana Au sama-sama o o, boso bii, nana o Manetualaim-ma nde Au. Neukose, Au tao atea-ahele o, ma Au tulu-fali o, Au hela-nole o, nenik Au lima ua-nale maloleng-nga.

YESAYA 41:14

Manetualain nafa'da nae, “Israel, boso bii, leomae o anak-ka, ma tapandoes. Au nde Manetualain, fo manatulu-fali o, Fo Israel Manetualain Malalao-malalafun nanseli-a, nde been-na, o manasoi-manatefam.

YESAYA 35:4

Mafa'da hataholi fo, dale ba'ihanak-ka mae, “Matetea-mahehele o dalem-ma, ma boso bii, te O Manetualaim-ma mai soaneu huku musu-la, Ana mai soi-tefa-nala emi.”

LUKAS 24:38

Tehu Yesus nae, “Tao le'e de emi bii? Tao le'e de emi dale ma naba'e?

IMAMAT 16:29

Muse tunga nakanenetek ia-la, losa dodoon-na. Neu hataholi Yahudi-la bula ka hitun-na, fain sanahulu soona, hataholi Israel-la, ma hataholi nusa dea fo manaleo loo hataholi Israel-la, muse ala oka aon-nala, ma ta bole laue-lale'di fa, nanahu faik ndia, fai malalao-malalafuk nanseli. Nai faik ndia, muse ala tao feta, soaneu tao nalalao-nalalafu leoina Israel-la neme sala-singon lala'en-na mai, fo ela ala da'di hataholi balisi.

NINITAK 1:17

Lelek au itan boema, au bala u mata na nono'kabai hataholi manamate ka. Tehu Ana fua lima kona na neu au lain boema nae, “Boso bii! Au nde makasososak ma mate'ek.

HATAHOLI 27:24

de nafa'da au nae, ‘Boso bii Paulus! Te neukose o muu mataa Kese la. Ma hu no Manetualain dale malole na neu o de basa hataholi manai ofak ia lai na laso'da beno'u nanahu o.’

MAZMUR 69:10

Au manggateng-nga lua ponu-ponu, nanahu au sue-lai O umam-ma, hataholi fo lakamumulu-lakamamaek O-a, hakinonolin-nala tuni-la au aoinang-nga.

LUKAS 2:10

Tehu ata nusa so'dak ndia nafa'da nae, “Boso bii! nana au mai uni hala malole soaneu emi. Halak fo tao namahoko basa hataholi lala'ena.

LUKAS 1:30

Boema ata nusa so'dak ndia nafa'dan nae, “Boso bii Maria, nana o mandaa mo Manetualain dale na.

LUKAS 1:13

Tehu ata nusa so'dak ndia nafa'da nae, “Boso bii, Zakharia! Manetualain namanene basa o huhule-haladoim so. O saoinam Elisabet, neukose ana bongi na ni'iana touanak esa, fo o muse foin na'de Yohanis.

MARKUS 16:6

Tehu hataholi muli-soluk ndia nafa'das nae, “Boso bii! Au bubuluk emi mai sanga Yesus hataholi Nazaret fo nanalona-nggange ka. Ta nai ia so'on. Naso'da falik so! Mete mitak mamana nangapepe'u na nde ia dei.

MATEOS 28:10

Yesus nafa'das nae, “Boso bii, meu mafa'da Au tolanoo ngala fo leu leo Galilea leu. Neukose lita Au nai na.”

DANIAL 10:11

Ata nusa so'dak ndia nafa'da au nae, “Danial, Manetualain sue-lai o. Fo'a fo mapadeik leona, fo nene'ne matalolole au hala kokolang ia. Au ia nananadenu basak fo mai leo o mai.” Lelek au amanene dede'ak ndia boema, au fo'a no au delengge'be-ngge'be.

BILANGAN 29:7

Neu hataholi Yahudi-la bula ka hitun-na, fain sanahulu soona, emi muse makabubua, fo makaluku-makatele. Nai faik ndia, emi muse okaaom-mala, ma ta bole maue-male'di fa.