DANIAL 1:2 - Susula Malalaok Hehelu Palak Ma Hehelu Beuk

² Manetualain fen sengi Mane Yoyakim-ma, de ala loso leni bua-lo'a kabelik-kala seli leme Manetualain Uman dale mai. Ana foo neni hataholi-la, nos leo ndia lamatua daebafan manai Babel-la uma sosongon dale leu, ma ana pe'da ana loso neni bua-lo'a kabelik-kala lai gudang-gudang manai uma sosongok ndia dalek.

DANIAL 1:2 Referans Kwoze

2TAWARIKH 36:7

Bua-lo'a kabelik manai Manetualain Uman-na, Nebukadnezar ho'ineni seli, de ana pe'das nai uma manen dale nai Babel.

ZAKHARIA 5:11

Boema, nataa nae, “Lenin leo Babel neu, fo ala sanga tao fen uma sosongok nai naa. Metema ala tao basa uma sosongok ndia soona, neukose ala pe'da sapai ndia neu ndia, fo ala sene-do'ok-kana.”

HAKIM-HAKIM 4:2

Boema Manetualain po'ilotak Yabin, fo mane Kanaan-na, nangatuuk nai kota Hazor-ra, ana sengis. Malanga solda'du matuainan-na nde Sisera, ana leo nai Haroset-Hagoyim.

HAKIM-HAKIM 3:8

Boema, Manetualain namanasa hataholi Israel-la, de Ana po'ilotak Manek Kusyan-Risyataim neme Mesopotamia, ana sengis. Manek ndia koasas teuk 8 dalen-na.

ULANGAN 32:30

Hapu nai bee, hataholi esa, bisa usi hataholi lifun esa, ma hataholi dua, bisa tao-la hataholi lifun sanahulu lalai? Sila Manetualain-na, nase'oheni sila so; Manetualain fo palani tatibatu ndia, Ana la'oela sila so.

KEJADIAN 11:2

Lelek, laleu-lalaak leo daebafak-ka boboan dulu leu boema, ala losa masadokek esa nai Babilonia, boema ala leo lahele leme ndia leona.

KEJADIAN 10:10

Nai makasososan-na, Nimrod nusan-na neni Babel, Erekh, ma Akad, fo telus lai Babilonia.

HABAKUK 1:16

Basa boema, ala sene-do'ok neu dala ndia, de ala fen tutunu-hohotuk, nana no dala ndia de ala hapu nana'a-nininuk sasi kao-kao, de ala da'di hataholi kamsu'i-makabetek.

DANIAL 5:18

Manetualain Fo Mademaina, tao-na Ama Manek aman Nebukadnezar, da'di manek mandela-masa'ak, ma Ana fen matua-madema ma nananita-nalelak.

YEREMIA 51:44

Neukose Au huku Bel lamatua daebafak Babel, neukose Au tao-an fe falik hata fo ana loso nak-kala. Leoinak-kala ta sene-do'ok neu ndia so'on. Papala-nanadamak Babel-la tu'u heni so.

YESAYA 11:11

Nai faik ndia, neukose Manetualain pake la'i seluk koasan-na, fo no falik bei ela anan manai Asyur ma Masir-ra, nai nusa Patros, Sudan, ma Elam, nai Babel, Hamat, ma manai nusa dook-kala.

EZRA 1:7

Kores kalua mango-la ma nggalas-sala, fo makahulun-na, ala pakes nai Manetualain Uman dale nai Yerusalem. Bua-lo'as sila-la, Mane Nebukadnezar-ra, nenis, de ana pe'das lai lamatua daebafan-nala uman dale.

SEMUEL SUSULAK-KA ESAN-NA 5:2

Losa ndia boema, ala ko'o leni peti ndia leo sila lamatua daebafan fo nde Dagon, uma sosongo-tatangon dale neu, de ala pe'dan neu lamatua daebafak ndia dodoki-dudulan boboan-na.

YESAYA 42:24

See kande nadenu, fo kalo Israel? Ade, ta nde Manetualain fa hetu? Ita tasala-tasingo neu Ndia, ita ta taso'da tunga paletan-na fa, ma ta tunga nanolin-na fa.

2RAJA-RAJA 24:1

Nai tepo-lelek fo Manek Yoyakim-ma paleta, Nebukadnezar, fo manek Babel-la, neu sapu-na Yehuda, de ana sengin. Yoyakim nakatele neu Nebukadnezar, teuk 3 dalen-na, tehu basa boema, ana ta tunga paletan-na so'on, de ana la'ban-nana.

YEREMIA 25:1

Nai teuk kasanahulu haan-na Yoyakim fo Yosia ana manen-na da'di basa manek nai Yehuda boema, au hapu hala haituak leme Manetualain la'eneu basa leoina Yehuda, Lelek ndia te Nebukadnezar da'di manek nai Babel besak-ka teuk esa ndia.

YEREMIA 27:16

Makabuin-na boema au afa'da neu imam-mala, ma neu basa laun-nala ae, Manetualain nafa'da nae leo ia, “Boso mamanene nabi-nabi fo lafa'da lae, ta dook so'on te, hata-heto manai Manetualain Uman-na neukose leni falik-kasa neme Babel mai. Sila lasepepeko ndia.

YEREMIA 28:3

Nai teuk dua dalen ia neukose Au ho'i falik hata-heto maneme Au umang-nga, fo nanaho'i nenik neme anek Nebukadnezar-ra lo Babel neu-a.

YEREMIA 35:11

Tehu nai lelek manek Nebukadnezar sapun-na nusak ia boema, ami maketu mae, ami mulai neme Babel no Siria soloda'dun-nala, de ami malai lo Yerusalem neu. Hundia de besak ia ami leo nai ia.”

YEREMIA 50:2

“Tao ta'du-tana ma mafa'da basa nggileom-mala mae Babel tu'da so! Boso mafuni dede'ak ndia! Merodakh sila lamatuan-na nakalulutuk so, ma tao naba'e dodoki-dudulak hohongek-kala, no basa sosongok-tatangok nananakadadaek-ka.

DANIAL 5:13

No lai-laik, loo Danial neu nataa manek-ka. Boema manek-ka natanen nae, “Ade, o nde Danial, hataholi nanafook ndia, fo au amang foo ninin neme dae Yehuda mai hetu?

2TAWARIKH 36:5

Yoyakim teun duahulu lima, nai lelek ana da'di manek Yehuda, de ana paleta nai Yerusalem teuk sanahulu esa dalen-na. Ana nasala-nasingo neu Manetualain.