BILANGAN 33:53 - Susula Malalaok Hehelu Palak Ma Hehelu Beuk

⁵³ Emi muse loso-ma dae ndia, fo mangatuu-man, nanahu Au fe nusak ndia neu emi.

BILANGAN 33:53 Referans Kwoze

ULANGAN 11:31

Ta dook-ka so'on te, emi lena Lee Yarden-na, fo emi mangatuu-ma dae fo, emi Manetualaim-ma fen leo emi neu ndia. Emi loso-ma dae ndia, fo emi leo nai ndia soona,

YOSUA 21:43

Manetualain fe hataholi Israel-la dae lala'en, fo Ana helu basan nenik soo-supak neu sila bei-ba'i kain-nala. Langatuu-la nusak ndia boema, hataholi Israel-la leo lahele leme ndia.

ULANGAN 32:8

Lelek Fo Matua-mademaina, Ana baba'e dae-a, naketu leoina esan-na, nok ndia daen-na no lamatua daebafak esa da'di leo manakoasa.

MATEOS 20:15

Ade au boso ito-ato au hata-hetong, tunga au dale hihii nga fa do? Do o dale he'di sa, hu ka nde au dale malole nga do?’ ”

DANIAL 4:32

Neukose o nanausi henik neme hataholi daebafak-ka dalek mai, fo o maso'da moo bana-manu nai mook-ka. Nai teuk hitu dalen-na, neukose o mu'a na'u sama leo sapi-a. Basa ndia soona, neukose o makaheik mae, Manetualain Fo Mademaina nanuu koasa neu hataholi daebafak-ka nusan-na ma nusak ndia Ana fen leo su'di see fo Ana helen.”

DANIAL 4:25

Neukose Ama Manek nanausi henik neme hataholi daebafak-ka dalek mai fo maso'da nai bana-manu manai mook-kala tala'da. Nai teuk hitu dalen-na, Ama Manek na'a na'u sama-na leo sapi ma sungu nai moo maloa dale, nalosa Ama Manek nakadoe dinis. Basa ndia soona, neukose Ama Manek manaku nae Manetualain Fo Mademaina, koasa basa hataholi daebafak-ka nusan-nala, ma nusak ndia Ana fen neu see fo Ana helen.

DANIAL 4:17

Ami fo ata nusa so'dak manamanea besa-besa, ma mahehele aom-ma, nakeketun-na nde ndia. Ami dale dodoom-ma nde, fo ela basa hataholi su'di nai bee boe, ana manaku nae Manetualain Fo Mademaina nanuu koasa neu hataholi daebafak-ka nusan-na, ma Ana fe nusak ndia su'di neu see fo Ana helen, nakalenak neu hataholi fo leomae sosoa-ndandaan ta boe!’

MAZMUR 115:16

Manetualain nanuu ka'da lalai, tehu Ana fe daebafak-ka, leo hataholi daebafak-ka neu.

ULANGAN 7:17

Fafa'kama, emi dodoo-mae, leoina sila-la, de'ulena emi, nalosa emi ta bisa usiheni fas.

ULANGAN 17:14

“Metema emi leo nai dae fo, emi Manetualaim-ma fen neu emi-a soona, fafa'kama emi mahiik manuu manek esa, sama leo leoina fe'e-fe'ek fo, manai emi titia-taataim-mala boe.

YOSUA 23:5

Metema, emi meu mata'ti moo leoina sila-la soona, emi Manetualaim-ma, neukose tao-na leoina sila-la lakadedeak, fo lalai leme emi mai. Neukose emi soa sila nusan-na, sama leo emi Manetualaim-ma, helu basan neu emi so.

KEJADIAN 15:7

Basa boema, Manetualainnafa'da seluk-kana nae, “Au nde Manetualain, fo hela-nole o kalua meme nusa Ur-ra, nai Babilonia, soaneu fe o dae ia, da'di o pusakam.”

ULANGAN 3:18

Nai lelek ndia, au fes paleta nde ia: emi Manetualaim-ma fe emi dae manai Lee Yarden-na boboan dulu da'di emi mamana leleom-ma. Tehu emi solda'dum-mala, ala muse ho'u tafa-sisilo, fo ala lena lakahuluk leme leo Israel fe'e-fe'ek-kala leo selik leu.

YOSUA 1:6

Ela leo been-na, o mamahele ma mapalani, nana neukose o mauli-malanga leoina ia, nai lelek langatuu-la nusak fo Au helu basa, fen neu sila bei-ba'i kain-nala so.