BILANGAN 33:1 - Susula Malalaok Hehelu Palak Ma Hehelu Beuk

¹ Hataholi Israel-la, kalua la'oela Masir boema, no Musa ma Harun hehela-nonolen, de ala la'ok tunga esa-esak leoinan, boema ala singa leme mamanak de'ubee.

BILANGAN 33:1 Referans Kwoze

MIKHA 6:4

Au o emi kalua meme Masir mai so, ma Au soi heni emi neme ata dalek mai; Au adenu basa Musa, Harun, ma Miryam soaneu hela-nole emi so.

MAZMUR 77:20

O la'ok tunga lii lain, O la'ok feo tasi maloaina, tehu O ei mamanam-ma, ta nananitak fa.

SEMUEL SUSULAK-KA ESAN-NA 12:8

Lelek Yakob no teidalen-nala mai lo Masir mai, ma hataholi Masir-ra tuni-ndenis-sala, emi bei-ba'i kaim-mala dokodoe tutulu-fafalik neu Manetualain, boema Manetualain nadenu Musa no Harun. Hataholi ka duak sila-la loo emi bei-ba'i kaim-mala kalua leme Masir mai, de ala tulu-falis fo ala leo lahele nai nusak ia.

YOSUA 24:5

Basa boema, Au adenu Musa ma Harun, ma Au fe susa-soe matuaina, tuni la'e Masir, boema Au kalua heni emi meme naa mai.

KELUARAN 13:18

Hu ndia de, Manetualain noos tunga enok-ka naleo, fo ala tunga moo solokaek-ka, de leu leo Tasi Gelagah leu. Nai lelek, hataholi Israel sila-la la'oela Masir-ra, ala ho'u tee-tafa sama leo sanga leu latee-lata'ti.

KELUARAN 12:51

Nai faik ndia, Manetualain no basa hataholi Israel-la lala'en-na, kalua leme Masir mai.

KELUARAN 12:37

Hataholi Israel-la la'o, de ala la'o eik leme kota Raamses-sa leo kota Sukot-ta leu. Dede'un-nala, hataholi 600.000 ta leke inak-kala, ma ni'iana-la fa.

BILANGAN 33:2

Manetualain paleta Musa, fo ana sulak, ala singa mamanak-kala, na'den-nala.

MAZMUR 105:26

Boema nadenu atan Musa ma Harun fo hataholi hehelen-na.

KELUARAN 6:26

Duas leu loke manek Masir-ra fo daenga ana soi-po'i hataholi Israel-la.

KELUARAN 12:41

Nai teuk ka 430-a, fai mate'en ndia, nde basa Manetualain anan-nala lala'en-na, la'oela dae Masir-ra.