BILANGAN 32:5 - Susula Malalaok Hehelu Palak Ma Hehelu Beuk

⁵ de ami dokodoe, fo ela fe dae sila-la leo ami mai, fo da'di ami nuum. Boso madenu ami, fo lali leo Lee Yarden-na selik meu.”

BILANGAN 32:5 Referans Kwoze

YEREMIA 31:2

Au atu'du Au susue-lalaing neu sila fo mananala deak neme mamates-sa mai nai mook-solokaek-ka. Lelek fo Israel sanga dale manatesa-tamak-ka.

ESTER 5:2

Lelek nita Ina Manek Ester-ra napadeik nai deak, boema ana sue seluk-kana, de natu'du aitete'e lilopilan-na neun. Boema Ester leo mata neu, de ana koi la'e aitete'ek ndia pedan-na.

2 SEMUEL 14:22

Yoab senek neu Dauk matan-na, boema nae, “Sa'di leo been-na, Manetualain fe Ama Manek, baba'e-papalak! Besak ia, atam-ma bubuluk nae Ama Manek sue-lai atam-ma, nanahu Ama Manek tao natetu atam-ma dokodoen-na.”

SEMUEL SUSULAK-KA ESAN-NA 20:3

Boema, Dauk nataa nae, “O amam bubuluk besa-besa nae o sue-lai au. Da'di, tao leo bee-o, ana ta nau nafa'da dede'ak ndia neu o fa, fo ela o dalem-ma boso he'dis-sa. Tao leo beek boeo, no Manetualain fo maso'dak-ka na'den-na, te'e-te'e au so'dang-nga, sama leo manutolo nai kapa susula pe'dan-na!”

RUT SUSULAN-NA 2:10

Lelek Rut namanene dede'ak ndia boema, ana senek neu Boas matan-na, ma nae, “Ama, au ta andaa sipo ha'da-tatao malole ba'u basa ia neme Ama mai fa. Au ia hataholi manamai, de au ta andaa hapu Ama dale malolen-na fa!”

YOSUA 7:7

Yosua nafa'da Manetualain nae, “Ou Manetualain fo au Manetualaing-nga! O moo ami losa leo Yarden selik ia mai, soaneu beek? Ade, soaneu fe ami neu hataholi Amori-la do? Fo ela ami mate do? Malole lenak, ami leo ka'da naa, fo nai Yarden selik!

ULANGAN 1:37

Emi boeo, taom-ma Manetualain namanasa au, de nafa'da nae, ‘Musa, o boeo, neukose ta masok nusak ndia fa.

KEJADIAN 19:19

Memak, Tuan tulu-fali au nanseli, ma soi-tefa-ma au so'dang-nga so. Tehu letelepak ndia doon-na seli; boso nalosak soe ndia tunga au, fo au beita losa naa fa te, mate au so.

BILANGAN 32:6

Boema Musa nataa nae, “Masa bole, emi nau leo maele meme ia, te se'kona hataholi, fo emi leoina esa, leu latee-latati?