BILANGAN 32:23 - Susula Malalaok Hehelu Palak Ma Hehelu Beuk

²³ Tehu mafandendelek, te metema emi ta tao matetu, emi hehelu-balataam fa soona, emi masala-masingo neu Manetualain, de neukose emi nanahukuk, nanahu emi sala-singom ndia.

BILANGAN 32:23 Referans Kwoze

YESAYA 59:12

Tete'ek-ka, ami tatao-nono'i mangalaum makadotok, soaneu O so; ami sala-singom, fe salak neu ami. Te'e-te'e, ami mame'da, ami tatao-nono'i mangalaum-ma, ma ami bubuluk, ami sala-singom.

AMSAL 13:21

Ua-nale poke-pake-a, usi-bulu tataas esa no hataholi masala-masingok-ka tehu hataholi malole-a, ana sipo ua-nale malole tataas esa.

KEJADIAN 44:16

Yehuda nataa nae, “Ami bei kokolak mae leo bee bai Tuan? Tao leo bee fo ami hapu mase'i ma mafa'da mae ami ndoos? Manetualain natu'du basa ami sala ma so. Besak ia ami basa-basam-mala da'di Tuan atan, ta ka'da ndia fa te, neu see fo hapu nggalaa nininuk ndia.”

MAZMUR 90:8

O pe'da ami salam-ma, nai O matam, O mita ami sala-singom fo nananafunik-kala.

1 KORINTUS 4:5

Hu ndia de, hu ka nde beita la'e fai na fa, de boso no lai-laik emi maketu mae hataholi esa nasala do ta. Mahani losa Lamatua ka fali ma'in dei. Ndia nde neukose buka basa bibila-babaak fo nananafunik nai makahatu ka dalek. Ndia nde neukose ofeheni basa dale tutu'uk fo manaenek nai hataholi daebafa ka dalen dale. Neu lelek ndia soona, besa ka hataholi a esa-esak ana sipo kokoa-kikiok fo nandaa ana sipon neme Manetualain mai.

KEJADIAN 4:7

Metema, o tao malole soona, tao leo bee-o, o hika-hume; tehu metema, o tao tatao-nono'imangalauk, soona sala-singok nahani, fo ana masok leo o dalem dale neu. Sala-singok sanga koasan-na o aoinam-ma, tehu o muse sengin.”

ROMA 2:9

Basa hataholi manatao tatao-nono'i mangalau ka, neukose ala hapu ka'da toto'a-sosota ka ma doidoso ka; makasososa na hataholi Yahudi a, basa soona leoina fe'e kala boe.

YESAYA 3:11

Tehu soe ba'eneu hataholi mangalauk-ka! Neukose hataholi tao sila sama leo sila tao hataholi fe'ek-kala so.

MAZMUR 140:11

Nemen-na fo, ha'ikaak manapila lo'a-lo'ak-ka, la'es nakandondoo henin, ma nanatapa henik, leo bolo mamates dale leu, nalosa ala ta bisa kalua leo deak mai so'on.

MAZMUR 139:11

Metema au oke, fo ela makiu-makahatuk-ka poti-na au, fo mangale'dok manai au boboa-kaisung-nga, da'di le'odaek,

KEJADIAN 13:13

Hataholi manatao tatao-nono'i mangalauk nanseli-la, ma lasala-lasingo neu Manetualain-na, ala leo nai Sodom ndia.

YOSUA 7:18

Basa ndia boema, Yosua nadenu teidalek Zabdi hataholin-nala, esa-esa neu leo uluk neu; boema la'e Akhan, fo Karmi anan-na ma Zabdi upun-na.

AMSAL 5:22

Hataholi mangalauk-ka sala-singon, sama leo hihi'ik-ka, fo nala seluk hataholi ndia.

YUNUS 1:7

Yunus ma manaho'u uli ndia kae lala lain boema, ofak ndia ofa isin-nala esa kokolak no esa nae, “Mai fo ata tu'u batu, fo ela ata bubuluk, see kande nasala, nalosa ita hapu soe ia!” Ala tu'u batu boema, la'e Yunus na'den-na.

2 SEMUEL 3:39

Leomae au ia, manek fo Manetualain nde hele-a, tehu besak ia, au ame'da, au akama'a. Zeruya anan sila-la, ala tao hata esa, ta no dale susue-lalaik makandondook fa. De au ta paleta abe'i fas. Sa'di leo been-na, Manetualain huku hataholi manatao tatao-nono'i mangalauk sila-la, nandaa no sila tatao-nono'in!”

1RAJA-RAJA 2:32

Neukose Manetualain hukun nanahu kanisak fo ana taon te au amang ta bubuluk fa. Abner, Ner anan-na fo Israel malanga solda'du matuainan-na ma Amasa, Yeter anan-na fo Yehuda malanga solda'du matuainan-na ta lasala fa. Sila malole lena neme Yoab mai, tehu ana taonisas.

1RAJA-RAJA 2:33

Huhukuk hu kande malanga solda'du matuainak-kaduak sila mamaten-na, neukose Yoab no tititi-nonosin-nala lu'a-lepan losa dodoon-na. Tehu basa au amang tititi-nonosin lala'en fo manada'di manek-ka, neukose Manetualain ba'e-palas tataas esa – neukose ala laua-lanale.”

AMSAL 24:16

Nana leomae hataholi dale ndoos-sa, ana la'o la'di nahenik la'i nono'ik boe, tehu ana fo'a seluk tatas esa. Tehu nasafalin-na, hataholi mangalauk-ka, neukose nakalulutuk, hu kande susa-soe-a.