BILANGAN 32:12 - Susula Malalaok Hehelu Palak Ma Hehelu Beuk

¹² Huhukuk ndia, la'e basa hataholi-la, ta'da fe'e Kaleb, fo Yefune hataholi Kenas ndia, anan-na, ma Yosua, fo Nun anan-na, nanahu sila dua, lilineka lahele neu Manetualain.

BILANGAN 32:12 Referans Kwoze

ULANGAN 1:36

Ka'da Kaleb, fo Yefune anan-na, nde neukose ana masok nusak ndia, nanahu ana lilineka nahele neu Au. Au fe nusak fo nanala'ok okofefeo basan ndia neu Kaleb no tititi-nonosin-nala.’

BILANGAN 14:30

Nai emi dalek, ta hapu hataholi esa boen, fo teun duahulu leo lain neu, neukose ana masok leo nusak fo Au helu fen neu emi ndia fa, te ka'da Kaleb ma Yosua nde masok leo dalek leu.

BILANGAN 14:24

Tehu ba'eneu Au atang Kaleb soona, ta leondiak fa. Ana lilineka nahele Au. Hu ndia de, neukose Au on leo nusak fo, ana masok hain ndia so. Besak ia, hataholi Amalek-kala, ma hataholi Kanaan-nala, leo lai masadokek ndia. Tehu, neukose, Au atang Kaleb tititi-nonosin-nala lanuu nusak ndia. Balahaa soona, emi muse lepos fali leo moo solokaek-ka, fo meu leo moo solokaek, fo manaleo Namo Akaba neu.”

BILANGAN 26:65

Manetualain nafa'da basa, nae neukose mate la'iesak-kala lai moo solokaek-ka. De memak tete'ek-ka, mate la'iesak-kasa leme moo solokaek-ka, de ela ka'da Kaleb, fo Yefune anan-na, ma Yosua, fo Nun anan-na.

MAZMUR 63:8

nana O nde manatulu-fali basa au-a; au akamee no namahokok, nai O li'da susuem-ma dalek.

BILANGAN 14:22

ae neme hataholi ia-la mai, ta hapu maso'dak esa boen, soaneu ana masok leo nusak fo, Au helu basan neu sila bei-ba'i kain-nala so. Nana ala ta nau tunga Au, ma ala so'ba Au do'e-do'e. Te se'kona, lita basa Au mandela-masa'ang, ma Au tao manada'di beuk-kala leme Masir ma neme moo solokaek-ka so.

YOSUA 15:17

Otniel, fo Kaleb tolanon-na na'de Kenas anan-na, nagatuu-na kota ndia; boema Kaleb fe anafe'on Akhsa, da'di Otniel saoinan.