BILANGAN 30:12 - Susula Malalaok Hehelu Palak Ma Hehelu Beuk

¹² Tehu metema, nai lelek saotoun-na namanene dede'ak ndia boema, ana kena-ka'in, soona inak ndia natapo'i neme nasar, do hehelu-balataan ndia mai. Neukose Manetualain fen do'o do ampon, nanahu saotoun-na kena ka'in.

BILANGAN 30:12 Referans Kwoze

BILANGAN 30:8

Tehu nai lelek saotoun-na namanene boema, ana kena-ka'in, soona natapo'i neme nasar ma hehelu-balataan ndia mai. Neukose Manetualain fe do'o do ampon neun.

1 KORINTUS 11:3

Tehu au hii emi bubuluk dede'ak esa seluk fo nde, nae fo manda'di malangan neu tou kala esa-esak nde bee na Kristus; fo manda'di malangan neu saoina ka nde bee na saotou ka, ma fo manda'di malangan neu Kristu sa nde bee na Manetualain.

BILANGAN 30:5

Tehu metema, nai lelek aman namanene dede'ak ndia boema, ana ta nau fa, soona anafe'oanak ndia, natapo'i neme nasar ma hehelu-balatan ndia mai. Neukose Manetualain fen do'o do ampon neun, nanahu aman ta nau fa.

BILANGAN 15:28

Imam-ma muse tao feta sala-singok hapu do'o do ampon, nai Manetualain, matan, fo ela hataholi ndia sala-singon, hapu do'o do ampon.

BILANGAN 15:25

Boema imam-ma muse tao feta sala-singok hapu do'o do ampon soaneu hataholi Israel-la. Soona neukose, ala hapu do'o do ampon, hu kande ta lame'da fa te, ala tao salak so, ma hu kande leni basa tutunu-hohotu sala-singok hapu do'o do ampon, boema tutunu-hohotu nanatunuk neu Manetualain so.

BILANGAN 30:11

muse ana tao natetu basa hata lala'en fo, ana helun ndia, sa'di nai lelek saotoun-na namanene dede'ak ndia, te ta nahala nae le'e esa boen.

BILANGAN 30:13

Saotouk-ka nanuu haak, soaneu nakaheik, do ana ta sipok nasar lala'en-na, do hehelu-balataak fo saoinan-na taok-ka

YEREMIA 44:17

Basa hata fo ami heluk-kala lala'en-na, neukose ami tao la'iesak-kasa boe. Neukose ami fe mahele tutunu-hohotuk neu Ina Manek nusa so'dak-ka, ma di'a angol oek da'di leo tunu-hotuk neun sama leo biasan-na nanataok neme ami bei ba'ikai manamatem-mala, neme manek-kala, neme ami mauli-malanga manapaletam-mala ma ami ia boe nai kota-kota Yehuda ma enok-enok manai Yerusalem-ma. Nai lelek ndia ami ta to'a-taa hata esa boen, te am manuu nana'a-nininu manadaik ma ami so'dam-ma natetu.

SEMUEL SUSULAK-KA ESAN-NA 1:23

Elkana nataa nae, “Hei, tao hata fo o meten malole; mahele meme uma losa fain-na losa, o fina heni ita anan-na. Ma sa'di leo been-na, Manetualain taon-na o hehelu-balataam da'di nananitak.” Da'di Hana nahele neme uma, losa fina heni anan-na.

YEREMIA 44:19

Basa boema inak sila-la lafa'da lae, “Ami saotoum-mala lakaheik lae, ami tao loti fo lupa-ta'dun sama leo Ina Manek nusa so'dak-ka, ma tunu tutunu-hohotuk boema fe angol soaneu ami lamatua daebafan ndia.”