BILANGAN 29:12 - Susula Malalaok Hehelu Palak Ma Hehelu Beuk

¹² Nai hataholi Yahudi-la, bula ka hitun-na, fain sanahulu lima soona, emi muse makabubua, fo makaluku-makatele, ma ta bole maue-male'di ue-le'dis mabela fa. Nai faik hitu dalen-na, emi muse tao feta soaneu fe ha'da-holomata neu Manetualain.

BILANGAN 29:12 Referans Kwoze

YOHANIS 1:14

Dede'a-kokola ka, Ana da'di hataholi daebafak, de Ana leo nai ita tala'da, boema ita tita matua-mademan so. Matua-mademan ndia, Ana sipo kana da'dileo Ama ka Ana kisa na. Tunga Anan ndia, de ita tita Manetualain, ma susue-lalain neu ita.

YESKIAL 45:25

Nai Feta Lalaa Akidook fo, ana mulai nai hataholi Yahudi-la, bula ka hitun-na, fain sanahulu ndia, nai faik hitu dalen-na, tunga faik, manapaleta muse tunu-hotu, tutunu-hohotuk matak esa, fo nde tutunu-hohotuk fo, sala-singok hapu do'o do ampon, tutunu-hohotu nanatunuk, ma tutunu-hohotu gandum, boema mina setun.”

NEHEMIA 8:18

Ala tao feta faik hitu dalen-na. Tunga faik, Ezra lees Manetualain susula Hoholo-lalanen neme baba'ek leo baba'ek neu. Neu fai ka falun-na boema, feta nate'e, nandaa no Hoholo-lalanek nakaneneten-na.

NEHEMIA 8:14

Ala hapun nai ndia, nae nai Hoholo-lalanek fo Manetualain fen tunga Musa dalek, Manetualain nadenu hataholi Israel-la leo lai lalaak-kala dalek, nai lelek Feta Akidook-ka.

KELUARAN 34:22

Tao Feta Keketu-kokoluk nai lelek emi mulai ketu-kolu gandum-ma buna-boan makasososan-na. Boeo tao Feta Lalaa Akidook-ka nai basa teuk-ka, nai lelek emi ketu-seu ai boak-kala.

KELUARAN 23:16

Tao Feta Ketu-koluk-ka nai lelek, emi mulai ketu-kolu emi tinam-ma buna-boa makasososan-na. Tao feta Lalaak Akidook-ka nai teuk-ka basan, fo nai lelek emi ketu-kolu basa emi osi angol-la ma osi aiboam-mala.

BILANGAN 29:1

Neu hataholi Yahudi-la bula ka hitun-na, fain esa soona, emi muse makabubua fo makaluku-makatele, ma ta bole maue-le'di ue-le'dis mabela fa. Nai faik ndia, muse puu pupuuk-kala.

BILANGAN 29:13

Nai fai makasososak-ka, tunu-hotu fe Manetualain tutunu-hohotu nanatunuk, nalupa sapi maneanak sanahulu telu, bi'ilopo maneanak dua, ma bi'ilopo ana maneanak sanahulu haa, besak-ka teuk beke esak, ma ta lu'u la'ak fa. Tutunu-hohotuk sila-la boon-na nandaa no Manetualain dalen-na.

1RAJA-RAJA 12:32

Basa boema Yerobeam fe imam sila-la bela-ba'uk nai Betel. Ma ndia fe tutunu-hohotuk neu ana taon-na sapi lilopilas sila-la. Boema ana tao nakeketuk nae, hataholi Yahudi-la bulak-ka falun-na fain sanahulu lima da'dileo fai malole soaneu Israel, sama leo fai malole manai Yehuda. Nai faik ndia, Yerobeam neu leo Betel neu fo ana fe tutunu-hohotuk soaneu tao fai malole fo nananaketu basak ndia so.

EZRA 3:4

Sila boeo tao feta Fai Matua Lalaa Akidook-ka, nandaa no nakanenetek-ka; ma tunga faik, ala fe tutunu-hohotuk, fo nananaketu basak soaneu faik ndia.

IMAMAT 23:7

Nai fai ka hituk sila-la dalek, emi muse tunu-hotu tutunu-hohotu nana'ak soaneu Manetualain. Nai feta ndia fai makasososan-na, ma fai ka hitun-na, emi muse makabubua, fo tao makaluku-makatele, ma ta bole tao ue-le'dis mabela fa.

BILANGAN 29:35

Neu faik-ka falun-na, emi muse makabubua, fo makaluku-makatele, ma ta bole maue-male'di ue-le'dis mabela fa.