BILANGAN 29:1 - Susula Malalaok Hehelu Palak Ma Hehelu Beuk

¹ Neu hataholi Yahudi-la bula ka hitun-na, fain esa soona, emi muse makabubua fo makaluku-makatele, ma ta bole maue-le'di ue-le'dis mabela fa. Nai faik ndia, muse puu pupuuk-kala.

BILANGAN 29:1 Referans Kwoze

ZAKHARIA 9:14

Neukose Manetualain natu'du aoinan-na neu anan-nala, Ana kou kokou isi manapilan-na, sama leo ndelas-sa. Neukose Manetualain fo Mademaina, Ana puu pupuuk-ka, fo da'di ta'du-tana natee-natatik mulai boema Ana la'ok tutulumatak, nai ani-sangu maneme kona, dalek.

YESAYA 27:13

Nai lelek ndia, neukose pupuuk matua nanapuuk, fo naloo falik basa hataholi Israel fo, nanatapahenik manai Asyur ma Masir-ra. Neukose ala mai leo Yerusalem mai, fo ala sene-do'ok neu Manetualain nai pupuku malalao-malalafun-na.

MAZMUR 89:15

Ndoos ma matetuk, ma hoholo-lalanek nde bee-na, da'di netes neu O nusam-ma. Susue-lalaik ma manalilinekak-ka, nananitak nai O tatao-nono'im lala'ena dalek.

EZRA 3:6

Leomae ala beita mulai lafofo'a falik Manetualain Uman-na fa, tehu nai hataholi Yahudi-la bula ka hitu-a fain esa, boema laun-na mulai tunu tutunu-hohotuk soaneu Manetualain.

1 TAWARIKH 15:28

Basa hataholi Israel-la lala'en-na leu tunga Peti Hehelu-balataak ndia losa Yerusalem no ala eki kao-kao ma pupuu liik, nafiri, simbal ma kecapi.

MAZMUR 81:3

Li'u tambur, so'uk nakameek, makaminak gambus ma kecapi no malole.

NEHEMIA 7:73

Basa imam, hataholi Lewi-la, basa manamanea Manetualain Uman-na lelesuinan-na, basa manamakameek-kala, neme laun biasa makadotok, basa manatao belak manai Manetualain Uman-na, dede'a keke'u na, basa laun Israel-la lala'en-na, leo lahele nai kota-kota ma nggolo-nggolok manai Yehuda.

KELUARAN 23:16

Tao Feta Ketu-koluk-ka nai lelek, emi mulai ketu-kolu emi tinam-ma buna-boa makasososan-na. Tao feta Lalaak Akidook-ka nai teuk-ka basan, fo nai lelek emi ketu-kolu basa emi osi angol-la ma osi aiboam-mala.

KELUARAN 34:22

Tao Feta Keketu-kokoluk nai lelek emi mulai ketu-kolu gandum-ma buna-boan makasososan-na. Boeo tao Feta Lalaa Akidook-ka nai basa teuk-ka, nai lelek emi ketu-seu ai boak-kala.

IMAMAT 23:23

Nai hataholi Yahudi-la bula ka hitun-na, fain esa soona, muse tao feta, da'di leo fai hehelik soaneu hahaeaok. Fai hahaeaok ndia, ta'du-tanan nde pupuuk-ka liin-na, de emi muse makabubua, fo sene-do'ok.

BILANGAN 28:26

Nai Feta Keketu-kokoluk-ka fai makasososan-na, fo basa fai malole-a mamasok hitu, fo nai lelek emi tunu-hotu gandum beuk fe Manetualain soona, emi muse makabubua fo makaluku-makatele, ma ta bole maue-male'di, ue-le'dis mabela fa.

BILANGAN 29:2

Tunu-hotu fe Manetualain tutunu-hohotu nanatunuk, nalupa sapi maneanak esa, bi'ilopo mane esa, ma bi'ilopo ana maneanak hitu, besak-ka teuk beke esak, ma ta lu'u la'ak fa. Tutunu-hohotuk sila-la boon-na, nandaa no Manetualain dalen-na.

BILANGAN 29:12

Nai hataholi Yahudi-la, bula ka hitun-na, fain sanahulu lima soona, emi muse makabubua, fo makaluku-makatele, ma ta bole maue-male'di ue-le'dis mabela fa. Nai faik hitu dalen-na, emi muse tao feta soaneu fe ha'da-holomata neu Manetualain.

IMAMAT 23:7

Nai fai ka hituk sila-la dalek, emi muse tunu-hotu tutunu-hohotu nana'ak soaneu Manetualain. Nai feta ndia fai makasososan-na, ma fai ka hitun-na, emi muse makabubua, fo tao makaluku-makatele, ma ta bole tao ue-le'dis mabela fa.

BILANGAN 29:35

Neu faik-ka falun-na, emi muse makabubua, fo makaluku-makatele, ma ta bole maue-male'di ue-le'dis mabela fa.

NEHEMIA 8:2

Boema Ezra neni susulak ndia leo nakabuak dale neu, fo nai ndia hapu touk, inak ma ni'iana fo lalelak so.