BILANGAN 28:2 - Susula Malalaok Hehelu Palak Ma Hehelu Beuk

² nafa'da leoina Israel, nae sila muse taoafik besa-besa, fo ela neu fai-faik fo nananaketu basak-ka, ala tunu-hotu tutunu-hohotuk, nalupa nana'ak fo, nandaa no Manetualain dalen-na.

BILANGAN 28:2 Referans Kwoze

IMAMAT 3:11

Imam malalau-maoonok-ka, muse tunu la'iesak paa sila-la nai mei tunu-hotuk lain, soaneu tutunu-hohotuk nana'ak neu Manetualain.

KEJADIAN 8:21

Tutunu-hohotuk ndia, boomenin-na tao namahoko Manetualain dalen-na, boema Ana dodoo nai dalen dalen-nae, “Neukose Au ta soo-supa seluk daebafak ia so'on, hu kande hataholi daebafak-ka tatao-nono'in; Au bubuluk, hataholi daebafak-ka dudu'a-aafin ndia, mangalauk neme bei muli-solun-na mai. Neukose, Au ta tao amopo-amate basa mahahae maso'dak, fo bei kaso'dak-kala so'on, sama leo besak-ka Au taok ia.

FILIPI 4:18

Au sipoalas te see ko na dai ma lena! Emi haitua fe au basa tutulu fafali kala, au sipo alas neme Epafroditus mai so. Besak ia, au hapu basa hata fo au paluu ka so. Emi fe feem sila la, sama leo tutunu-hohotu kaboo minik esa, fo ala fen leo Manetualai na neu de, Manetualain sipo nan no namahokok.

EFESUS 5:2

Ela leo bee na, susu'e ka koasa emi so'da ma, sama leo Kristus boeo, Ana sue-lai emi. Ana fe heni ao ina na soaneu ita, da'dileo tutunu-hohotu kaboominik esa fo ana tao namahoko Manetualain dale na.

2 KORINTUS 2:15

Nana ami nde bee na, sama leo kaboomini ka boo na, fo naboomini fo Kristus nde tunu-hotun soaneu Manetualai na. Ba'eneu hataholi fo nasasale matak no momopo-mamate sa, ami ia sama leo mamate ka'boo ka, fo boo na nanisa. Tehu ba'eneu hataholi fo bei hapu nanasoi-tefak, soona ami sama leo kaboominik fo boo mini na ninis leo maso'da ka neu. Naa, see ka nde tao natetu bela ba'uk ia?

MALEAKHI 1:12

Tehu, emi makamumulu-makamamaek Au, nanahu emi mafa'da mae, Au mei tunu-hotung-nga, belin ta, de emi tunu-hotu nana'ak fo emi ta mahiik-kana, nai ndia.

MALEAKHI 1:7

No emi tunu-hotu nana'a-niniuk, fo ta nandaa nanatunu-hotuk nai Au mei tunu-hotung lain fa. Boema emi matane mae, ‘No enok leo bee ka, ami heheta-aa'i O?’ No emi tao manggenggeo Au mei tunu-hotung.

YESKIAL 20:41

Metema, Au o basa emi kalua neme nusa-nusak fo, nai bee emi nanatao tapasasalak-ka soona, neukose Au tao akabubua emi, ma Au sipo la'iesak emi tutunu-hohotu nanatunum lala'en-na. Soona besak-ka, basa leoina-kala bubuluk, lae Au ia, Manetualain Fo Malalao-malalafuk nanseli.

YESKIAL 16:19

Au fe o nana'ak neme ha'desopo malole, fanioe ma mina setun fo isi ndoos. Tehu, o tunu-hotu fe basa sila-la, neu sosongo-tatangok sila-la, fo ta matetu-mandaa dalen-nala. Au, Manetualain Fo Mademaina, nde manakokolak-ka.

MAZMUR 81:3

Li'u tambur, so'uk nakameek, makaminak gambus ma kecapi no malole.

BILANGAN 15:7

ma oe angol litel esa seselik. Tutunu-hohotuk sila-la, boon-na nandaa no Manetualain dalen-na.

BILANGAN 15:3

Soaneu tutunu-hohotu nanatunuk, do tutunu-hohotuk fo bae nasar, do tutunu-hohotuk no dale hihii-nanau mesan-na, do tutunu-hohotuk nai feta-feta biasa soona, emi bole tunu-hotu fe Manetualain: sapi mane, bi'ilopo mane, bi'ilopo do bi'ihiik. Tutunu-hohotuk sila boon-na, neukose nandaa no Manetualain dalen-na.

BILANGAN 9:13

Nasafalin-na, hataholi manggenggeo ta ka, ma ta nai leleo-lala'o dame doo dalek boen, tehu ana ta tunga feta Paskah fa soona, Au ta sipok-kana da'di Au anang so'on, nanahu ana ta tunu-hotu tutunu-hohotuk fe Au, nai faik fo nananaketuk-ka. Hataholi ndia, muse lu'a-lepa aon sala-singon.

BILANGAN 9:7

de lafa'da lae, “Ami ia, hataholi manggenggeok, nanahu ami koila'e mamates so. Tehu tao le'e de, muse ta'da fe'e ami, nalosa ami ta hapu fe tunu-hotuk neu Manetualain, sama-sama moo ami tolanoom-mala fa?”

IMAMAT 21:8

Leoina Israel-la, muse manaku, imam-ma da'di leo hataholi fo nanafe hehelik ba'eneu Au, nanahu, ana tunu-hotu tutunu-hohotu nana'ak soaneu Au. Au nde Manetualain; Au ia malalao-malalafuk, de Au tao alalao-alalafu Au anang-ngala.

IMAMAT 21:6

Au nuu heheling ndia, de ta bole tao nanggenggeo Au na'deng-nga fa. Ana tunu-hotu tutunu-hohotu nana'ak soaneu Au, da'di ndia muse malalao-malalafuk.

IMAMAT 1:17

Basa soona, muse siin neu manupui ndia li'da huun-na, tehu ta bole ketu heni li'dan-na fa. Soona, muse tunu manupui ndia, nai mei tunu-hotuk lain. Tutunu-hohotuk nanatunuk ndia boon-na, nandaa no Manetualain dalen-na.

IMAMAT 1:13

Boema hataholi ndia muse safe bana ndia tei-aten ma sakibolon-na. Basa soona, imam-ma muse tunu-hotu la'iesak paa ndia nai mei tunu-hotuk lain soaneu Manetualain. Tutunu-hohotuk ndia boon-na, nandaa no Manetualain dalen-na.

IMAMAT 1:9

Boema, hataholi ndia muse safe sapi ndia tei-aten, ma sakibolon-na, fo imam malalau-maoono-la, muse tunu la'iesak-kana. Tutunu-hohotuk ndia boon-na, nandaa no Manetualain dalen-na.

KELUARAN 29:18

Tunu-hotu bi'ilopo mane ndia paan-na lala'en-na neu mei tunu-hotuk lain, soaneu da'di tutunu-hohotu nanatunuk. Tutunu-hohotuk ndia boon-na nandaa no Au daleng-nga.

KELUARAN 23:15

Nai hataholi Yahudi-la bula Abib-pa dalek, fo nai faik nananaketuk-ka, emi muse tao Feta Loti Fo Ta Pake Laluteik fa, tunga eno-dalak fo Au paleta basan neu emi so, nana emi la'oela Masir nai bulak ndia dalen-na. Boso mi'a loti fo kamen no laluteik, nai feta faik hitu ndia dalen-na. Nai lelek, emi mai sene-do'ok soaneu Au soona, emi muse meni tunu-hotuk.

BILANGAN 28:1

Manetualain nadenu Musa fo,

EZRA 3:3

Leomae ala bii nusak ndia laun-nala, tehu lafofo'a mei tunu-hotuk ndia neu mamana makasososan-na boe. Boema, ala mulai fe seluk tutunu-hohotuk nanatunuk, nai fai fafain-na ma le'donoson-na.

BILANGAN 29:39

Basa sila-la nde da'di nakanenetek la'eneu tutunu-hohotu nanatunuk, tutunu-hohotu nana'ak, tutunu-hohotu angol, boema tutunu-hohotu mole-dame, fo emi muse tunu-hotu fen neu Manetualain nai emi fai malolem-mala, fo nananaketu basak so. Tutunu-hohotuk sila-la, nalupa tatamak neu tutunu-hohotuk fo, emi tunu-hotun soaneu bae nasar, do tutunu-hohotuk fo, emi fe tunga emi dale hihii-nanau mesam-ma.

1 TAWARIKH 23:31

boeo nai lelek metema hapu tutunu-hohotuk fo nanatunuk soaneu Manetualain nai fai Sabat a, nai Feta Bula Beuk ka, ma nai feta-feta fe'ek kala. La'eneu hataholi Lewi la dede'un fo nai lelek muse nalalalau-naoono, nakanenete na nanataok so boe. Hataholi Lewi la muse lakalala'ok bela-ba'uk ndia losa dodoon-na.

2TAWARIKH 23:18

Boema Yoyada fe imam-ma ma hataholi Lewi-la bela-ba'uk soaneu ito-ato tatao-nono'ik manai Manetualain Uman tunga baba'ek fo Manek Dauk-ka naketu basan so. Sila muse fe tutunu-hohotu nanatunuk neu Manetualain – nandaa no Musa hoholo-lalanen – nenik feta ma nakameek sama leo Dauk ito-ato basak-ka.

2TAWARIKH 31:3

Manek-ka ho'u ndia bana-manun de ana fe tutulu-fafalik bana fo nanapaluuk soaneu tutunu-hohotu nanatunuk tunga-tunga fafain-na ma le'donoso-na. Ma soaneu tutunu-hohotuk fo tunu-hotun nai fai Sabat-ta, nai feta bula beu-ka, ma nai feta fe'e-fe'e-kala sama leo nananaketuk nai Manetualain hoholo-lalanen dale.

EZRA 3:2

boema Yesua, fo Yozadak anan-na, boema nonoon-nala fo nde basa imam-mala, ma Zerubabel, fo Sealtiel anan-na ma tolanoon-nala, lafofo'a falik Israel Manetualain-na, mei tunu-hotun. No enok ndia, ala hapu tunu tutunu-hohotuk nai lain, fo nandaa no natutu'du-natutu'duk fo nanasulak nai Manetualain atan Musa, susula hoholo-lalanen dale.

NEHEMIA 10:34

Ami, laun-na, basa imam-mala ma basa imam fo hataholi Lewi-la neukose tunga teuk ami tu'ubatu fo maketu leo-ingu beek-ka nde muse sadia ai ha'i soaneu tutunu-hohotuk fo tunu-hotu fe neu Manetualain fo ami Manetualaim-ma, tunga Hoholo-lalanek nakaneneten-na.

YESKIAL 45:17

Ndia nde, muse asa bana-manu soaneu tutunu-hohotu nanatunuk, tutunu-hohotu gandum, tutunu-hohotu angol, ba'eneu basa leoina Israel-la lala'en-na, nai fai malole-la, Feta Bula Beuk, fai Sabat-tala, ma fai malole fe'e-fe'ek-kala. Ndia muse sadia tutunu-hohotuk fo, sala-singok hapu do'o do ampon, tutunu-hohotu gandum, tutunu-hohotu nanatunuk, ma tutunu-hohotu mole-dame, soaneu noke do'o do ampon ba'eneu leoina Israel-la.”