BILANGAN 28:11 - Susula Malalaok Hehelu Palak Ma Hehelu Beuk

¹¹ Nai basa bulak lala'en-na, fain esa soona, tunu-hotu fe Manetualain, tutunu-hohotu nanatunuk, nalupa leo sapi maneanak dua, bi'ilopo mane esa, bi'ilopo maneanak hitu, besak-ka teuk beke esak, fo ta lu'u la'ak fa.

BILANGAN 28:11 Referans Kwoze

BILANGAN 10:10

Boeo nai fai-faik fo emi mamahoko-stelee, fo nde nai feta-dote Bula Beuk, ma feta fe'e-fe'ek-kala soona, pupuuk sila-la muse nanapuuk, nai lelek emi tunu-hotu fe Au, tutunu-hohotu nanatunuk, ma tutunu-hohotu mole-dame. Soona neukose Au tulu-fali emi. Au nde Manetualain, fo emi Manetualaim-ma.”

YESKIAL 46:6

Feta Bula Beuk-ka, tutunu-hohotun muse nalupa, sapi mane esa, bi'ilopoana nee, ma bi'ilopo mane esa, fo basa-basas, ta lu'u-la'ak-kala fa.

KOLOSE 2:16

Hu ndia de, boso po'ilotak hataholi fe salak neu emi la'eneu nana'a-nininuk, do la'eneu feta bula beuk, la'eneu fai Saba ta, ma la'eneu agama fai malole fe'e-fe'e nala.

HOSEA 2:11

Neukose, Au ate'e basa feta-doten lala'en-na, nau feta teuk, do feta bulak-ka boe, ma fai Sabat-tala. Dede'a keke'un-na, basa agaman-na fai malolen lala'en-na.

EZRA 3:5

Fe'ek neme ndia mai boe, ala fe tutunu-hohotuk nanatunuk tunga matetun-na, boema tutunu-hohotuk nai Fai Malole Bula Beuk, ma nai basa fai malole fe'ek fo ala taon, soaneu sene-do'ok neu Manetualain. Sila boeo tunu-hotu tutunu-hohotuk, fo ala fe no dale hihii-nanau mesan-nala neu Manetualain.

2TAWARIKH 2:4

Besak ia, au nau afofo'a uma nakalupu-nakatela hehelik esa soaneu fe ha'da-holomata neu au Manetualain. Nai uma ndia, au ma au laung-ngala neukose sene-do'ok neun nenik tunu boomenik kaboomenik, boema tunu-hotu fen loti tunga faik. Nai uma ndia boe, neukose ami tunu-hotu tutunu-hohotuk nanatunuk tunga-tunga fafain-na ma le'odaen-na nai fai Sabat-ta, fai malole Bula Beuk-ka ma fai hehelik fe'ek-kala soaneu fe ha'da-holomata neu ami Amam Manetualaim. Nana, Ana paleta basa fo ela hataholi Israel-la tao dede'ak ndia losa dodoo na.

1 TAWARIKH 23:31

boeo nai lelek metema hapu tutunu-hohotuk fo nanatunuk soaneu Manetualain nai fai Sabat a, nai Feta Bula Beuk ka, ma nai feta-feta fe'ek kala. La'eneu hataholi Lewi la dede'un fo nai lelek muse nalalalau-naoono, nakanenete na nanataok so boe. Hataholi Lewi la muse lakalala'ok bela-ba'uk ndia losa dodoon-na.

SEMUEL SUSULAK-KA ESAN-NA 20:5

Dauk nataa nae, “Leoiak, balahaa nde been-na, Feta Bula Beuk-ka, de au muse u'a sama-sama o Ama Manek. Tehu metema o nau soona, au la'o fo au u ke'ke nai mook-ka, losa binesak le'odae.

KOLOSE 2:6

Emi sipok Kristus Yesus da'dileo Lamatuak so. Hu ndia de, ela leo bee na emi da'di esa moon,

GALATIA 4:10

Fo emi sene do'ok neu fai malole, bula malole, ma teu malole.

AMOS 3:5

Metema hihi'ik-ka nanalona beitak soona, ade nala manupui do ta? Metema hihi'ik-ka beita nala hata esa boen soona, ana kosu do ta?

YESKIAL 46:1

Manetualain Fo Mademaina, nafa'da nae, “Lelesuina dulu, fo nasale leo uma so'dan manai dalek-ka neu, muse nanakena nahelek, nai faik nee dalek. Lelesuina ndia, bole nanasoik ka'da nai fai Sabat-ta, ma Feta Bula Beuk-ka.

YESAYA 66:23

Tunga-tunga bula beuk, ma tunga-tunga fai Sabat-ta, basa hataholi daebafak lala'en-na, neukose ala mai, soaneu sene-do'ok Au nai Yerusalem.

MAZMUR 81:3

Li'u tambur, so'uk nakameek, makaminak gambus ma kecapi no malole.

MAZMUR 40:8

Boema au afa'da ae, “Au nde ia, nai susula nanalunuk fo nanasulak la'eneu au.

MAZMUR 40:6

Manetualain, O tatao-nono'in makadotok nanseli ba'eneu ami, ou au Manetualain, ta hapu hata fo, hapu nakasasamak-kana no O fa! O dale tutu'um makadotok, tao-na ami dodoo doak-kana, ta hapu tui la'iesak-kasa fa.

NEHEMIA 10:33

Neukose ami sadia makaluku-makatelek-ka paluun-na nai Manetualain Uman, fo nde: loti nana'ak, tutunu-hohotu gandum mandofai-a, bana soaneu tutunu-hohotu nanatunuk mandofai-a, tunu-hotu malalao-malalafu fe'ek, tutunu-hohotuk do'o do ampon soaneu Israel, ma basa su'di beek fo paluun soaneu Manetualain Uman-na.

2RAJA-RAJA 4:23

Saon-na natane nae, “Tao le'e de, muse la'o besak ia? Faik ia, ta fai sabat, ma boeo, ta fai malole Bula Beuk fa.” Boema, inak ndia nataa nae, “Ta hata-hata fa.”

BILANGAN 28:19

Tunu-hotu fe Manetualain tutunu-hohotu nanatunuk, fo nalupa sapi maneanak dua, ma bi'ilopo maneanak hitu, besak-ka teuk beke esak, ma ta lu'u la'ak fa.

IMAMAT 1:3

Metema, nanatunu-hotuk ndia sapi esa soona, bana ndia muse mane, ma ta lu'u-la'ak fa. Muse neni sapi ndia leo Manetualain Lalaa Teman-na lelesun-na neu, fo ela Manetualain dalen-na nahiik hataholi ndia.

IMAMAT 1:9

Boema, hataholi ndia muse safe sapi ndia tei-aten, ma sakibolon-na, fo imam malalau-maoono-la, muse tunu la'iesak-kana. Tutunu-hohotuk ndia boon-na, nandaa no Manetualain dalen-na.

IMAMAT 1:13

Boema hataholi ndia muse safe bana ndia tei-aten ma sakibolon-na. Basa soona, imam-ma muse tunu-hotu la'iesak paa ndia nai mei tunu-hotuk lain soaneu Manetualain. Tutunu-hohotuk ndia boon-na, nandaa no Manetualain dalen-na.

SEMUEL SUSULAK-KA ESAN-NA 9:12

Anafe'oanak sila-la lataa lae, “Hei, hapu, besak-ka neu. Metema emi la'ok lai-lai soona, fafa'kama emi tunga hapun. Besak-ka ana fali ma'in leo kota mai, nanahu faik ia, hapu tunu-hotu fe laun-na tutunu-hohotuk nai mei tunu-hotuk nai pupukuk lain. Metema ana beita mai fa soona, hataholi nanaka'ik-kala beita la'a fa, nanahu muse ana fe nakahuluk baba'e-papalak neu tutunu-hohotuk sila-la dei. Metema emi meu besak ia soona, neukose ana beita nda'e pupukuk-ka fo neu na'a fa te, emi matongo moon so.”

2TAWARIKH 8:13

Ana tunu-hotu tutunu-hohotuk sila-la tunga Musa Hoholo-lalanen soaneu tunga-tunga fai malole: fai Sabat, fai malole Bula Beuk, ma fai malole tunga teuk ka telu kala, fo nde fai malole Loti Ta Pake Laluteik-ka, fai malole Keketu-kokoluk-ka, ma fai malole Lalaa Akidook-ka.

YESKIAL 46:7

Ana muse tunu-hotu gandum litel sanahulu hitu seselik, sama-sama no sapi mane esa ma bi'ihii mane esa, ma ana muse tunu-hotu gandum, tunga manatunu-hotuk ndia, dale hihiin-na, sama-sama no bi'ilopoana esa. Basa tutunu-hohotu gandum-mala, muse sama-sama no tutunu-hohotu mina setun, litel telu.

AMOS 8:5

Emi kokolak nai emi dalen dale mae, “Fai malole bula moli beuk ndia doon-na seli. Ita hii tase'o seluk ita gandum-mala no lai-laik, tehu fai malole ndia ta nau basa fan. Fai hi'da fo besak-ka fai Sabat-ta nate'e, fo daenga ita mulai tase'o seluk? Ita tahiik tan seli no eno ke'di-ndiuk, tipu-dai tenik uuku-dodouk, ma ata ke'di-ndiu hataholi nenik tatais.

2TAWARIKH 2:3

Salomo haitua halak ia leo Hiram fo manek Tirus-sa nae, “Ela leo been-na Tuan dangan sama-sama moo au sama leo moo au amang Dauk. Tuan mase'o basa fen ai kaiou Libanon soaneu nafofo'a ndia uma manen-na.

MAZMUR 81:4

Fuu trompet, nai ita fai malolen-na, nai feta bula beuk ma bulak-ka nakatema.