BILANGAN 25:1 - Susula Malalaok Hehelu Palak Ma Hehelu Beuk

¹ Lelek leoina Israel-la, leo lai bafak Sitim-ma, toun-nala mulai hohonge loo ina Moab manai sila-la.

BILANGAN 25:1 Referans Kwoze

1 KORINTUS 10:8

Ita ta bole sosoa-piao sama leo sila nggelok fo ala sosoa-piao. Nanahu sila hataholin lifun duahulu telu, mates nai faik esa dale na, hu ka nde ala tao tatao-nono'i matak leondia ka.

YOSUA 2:1

Basa boema, Yosua nadenu hataholi manamakuk dua leme Sitim leo Kanaan leu. Hataholi ka duak sila-la hapu paleta, fo leu palisak matalolole nusa Kanaan-na, no nafufunik fo makasososan-na leu leo kota Yerikho leu. Boema leu leo kota ndia leu, de ala sungu leme ina manasosoa-piaok esa na'de Rahab, uman.

NINITAK 2:14

Leomae leondiak boe, fo Au ta hiin nai emi dalek fa nde: Hapu hataholi nggelok nai emi dalek, ala tunga hata fo Bileam nanoli ka. Bileam nanoli Balak eno na tao leo beek fo tu'u hataholi Israe la leo sala-singo ka dalek leu, fo nde ninik ana fufu'di-oo'dos fo la'a nana'ak fo ala fe basan neu sosongo-tatango ka ma ala tao tatao-nono'i manasosoa-piao kala.

MIKHA 6:5

Au anang-ngala lemin, mafandele hata fo Balak mane Moab-pa tutu'un la'eneu emi, ma hata fo Beor anan Bileam nataa neun. Mafandele hata fo ana da'di nai emi leleo-lala'om dalek, nai emi mamana leleom nai Sitim nai Gilgal tala'da. Metema emi mafandele basa sila-la soona, neukose emi mame'da mita hata fo Au tao basan soaneu soi-tefa emi.”

YOSUA 3:1

Balahaa fafaik boema, Yosua ma hataholi Israel-la lala'en-na, fo'a fafaianak nanseli, boema ala la'oela leme sila mamana ofun manai Sitim-ma, de leu leo Lee Yarden-na leu. Ala ofu leme ndia, fo lahani fain-na losa, ala lena leo selik leu.

PENGKHOTBAH 7:26

Au hapun nae inak-ka makahe'duk lena neme mamates-sa mai. Inak-ka susue tou-ta'en-na, sama leo dala ma hihiik fo naheheleaon ho'u musun-na. Lima hoholun-na sama leo lange fo ana henge nahelen. Tehu hataholi manatao tunga Manetualain hihii-nanaun-na, nala hihi'ik-ka deak, tehu tao leo bee-o, hihi'ik-ka nala hataholi masala-masingok-ka.

KELUARAN 34:15

Boso tao hehelu-balataak moo nusak ndia leoinan-nala, nana nai lelek ala sene-do'ok fo fe tutunu-hohotuk neu sila-lamatuan-nala soona, neukose ala leleko emi, fo emi tunga.

BILANGAN 25:17

“La'ban hataholi Midian-nala, fo tao mamopo-mamates,

BILANGAN 31:2

“Matee-matati balas hataholi Midian-nala, nanahu sila tatao-nono'in la'eneu leoina Israel-la. Basa ndia soona, besak-ka mate o.”

ULANGAN 3:29

Boema, ita leo teme bafak manai kota Bet-Peor-ra selik.”

ULANGAN 4:3

Emi mita matam, hata fo emi Manetualaim-ma taon neme Letek Peor-ra so. Hataholi fo manasene-do'ok neu Baal nai mamanak ndia, Ana tao namopo-namates,

ULANGAN 32:38

Sila la'a paa mina fo, emi tunu-hotuk-ka ma linu angol fo, emi tunu-hotuk-ka. Maloos fo, ala mai tulu-fali emi, nemen-na fo, ala da'di emi manasulu-mahapam.

YOSUA 22:17

Ade, emi ta mafandele ita sala-singon neme Peor fa do? Nai lelek ndia, Manetualain huku ita, nenik he'di-laus esa, leomae Ndia anan ita ia boe! Besak ia, ita bei lu'a-lepa buna-boan. Ade, ndia beita dai boen do?

YEREMIA 40:11

Ndia te basa hataholi Israel fo manai nusak Moab-pa, Amon-na, Edom-ma ma nusak fe'ek-kala lamanene lae, manek Babel-la ana po'i hataholi Israel nggelok leo nai Yehuda, ma lae ana so'u basa Gedalya da'dik gobelnol so.

YESKIAL 20:21

Tehu, bobongi makabuik sila-la boeo, ala la'ban Au. Ala la'olena Au hoholo-lalaneng, ma ala ta taoafik neu Au paletang-ngala fa, fo metema hataholi-a, ana tao tungan soona, naso'da nahele. Ala tao langgenggeo fai Sabat-ta. Hu ndia de, Au sadia basa, sanga kalua Au nasa-melung soaneus nai moo solokaek, fo Au taoisa la'iesak-kasa.

HOSEA 9:10

Manetualain nafa'da nae, “Lelek Au hapu Israel makasososan-na, Au amahoko sama leo hataholi-a hapu angol boak-ka nai moo solokaek-ka. Lelek Au ita emi bei-ba'i kaim makasososan-na, Au amahoko, sama leo hataholi-a nita kaa boa makasososak-ka. Tehu, lelek leu leo Letek Peor-ra leu, ala mulai sene-do'ok neu Baal-la, nalosa ala da'di langgenggeo, sama leo lamatua daebafak fo ala sue-lain ndia.

KELUARAN 22:19

Hataholi see, ana sao bana soona, muse taonisan.

2RAJA-RAJA 23:7

Kama-kama manai Manetualain Uman, fo ina manasosoa-piaok manai uma sosongo-tatangok-ka paken, soaneu ala sosoa-piao, da'di leo sene-do'ok esa neu lamatua daebafak-ka, ana tao nakalulutuk la'iesak-kasa. (Nai kama sila-la dalek, nde inak sila-la tenu-henge temak, fo ala paken, nai lelek ala sene-do'ok neu lamatua daebafa inak Asyera)

MAZMUR 106:28

Basa boema, ala sene-do'ok neu Baal neme Peor, ma la'a nana'ak fo, nanatunu-hotuk soaneu lamatua daebafak-kala.