BILANGAN 24:8 - Susula Malalaok Hehelu Palak Ma Hehelu Beuk

⁸ Manetualain nde nos kalua leme Masir mai, Ana natee-natati soaneus, sama leo sapi fuik-ka. Neukose Ana ko'do heni, leoina fo, manamusu loon-na, Ana tao nakalulutuk duin-nala, ma Ana helu la'di kokou isin-nala.

BILANGAN 24:8 Referans Kwoze

MAZMUR 45:5

Tutulumatak no napalanik leo tetu-temak-ka muu, matee-mata'ti soaneu hapu ndoos-sa, ma ndoos ma matetu mangana'uk-ka; no o be'i-balakaim, loso-ma sesengik matuaina!

YEREMIA 50:17

Manetualain nafa'da nae, “Hataholi Israel-la sama leo bi'i lopo nanausik-kala ma nanabibinga-baba'ek neme meoasu-a mai. Makahulun-na manek Asyur de sapu-na sila, boema Nebukadnezar manek Babel-la napangge na sila duin-nala.

MAZMUR 2:9

Neukose o helu la'dis nenik aitete'e besi ma o tao ba'en, sama leo uledae-a.’ ”

BILANGAN 23:24

Leoina ndia, ana fo'a napadeik, sama leo singa ina, ma napadeik natetu sama leo singa mane-a. Ana ta lu'u fa, metema ana beita na'a nana'an-na fa ma beita ninu bana fo ana ka kaanisak-ka daan-na fa.”

BILANGAN 23:22

Manetualain nde nos kalua leme Masir mai; Ana natee-natati soaneus, sama leo sapi fuik-ka.

BILANGAN 14:9

Boso la'ban Manetualain, ma boso bii-mamata'u neu hataholi manaleo manai nusak ndia, nana neukose ita sengis, no mu'dak. Nana manamasulu-mahapas-sala, ana la'oelas so, de Manetualain nook ita. Da'di boso bii-mamata'u.”

YEREMIA 50:9

Neukose Au fe leoinak luma be'i-balakaik leme kii fo ala sapu-la Babel. Neukose ala tu'u enok fo ala tao musu neu Babel ma sengi henis. Sila nde been-na mana kou malelak-kala fo kokoun-na ta sala fa.

YESAYA 38:13

Le'odae katemak esa, au akadii-akau, nanahu ame'da he'dis, nono'kabai singa esa, ana hengu nakalulutuk au duing-ngala; au aedaenga, neukose Manetualain tao nate'e au so'dang-nga.

DANIAL 6:24

Manek-ka namahoko nanseli, de ana paleta fo kalua heni Danial neme leak ndia dalek mai. Lakalala'ok basa paleta ndia boema, ala mete te ta hapu hinak faa anak boen nai Danial aon-na fa, nanahu namahele neu ndia Manetualain-na.

MAZMUR 21:12

Metema ala tutu'u enok soaneu la'ban manek-ka soona, sila eno tipu-dain ndia, neukose ta neni buna-boak fa.

ULANGAN 32:42

Neukose, Au kou-kou ising-ngala, ladiu sila dan-na; Au taoisa basa manalena-la'ban Au-a, nenik Au tafainang-nga. Su'di see fo, ana lena-la'ban Au soona, au ta po'ilotak-kana fa; Hataholi nanahukuk, ma hataholi makahinak-kala, muse mate boe.

ULANGAN 32:23

Ana fe susa-soe-a, ana mai nakandondoo henin. Neukose Au kous, nenik Au kokou ising-ngala lala'en-na.

ULANGAN 7:1

“Neukose emi Manetualaim-ma no emi leo nusak fo, neukose emi leon-nana, ma neukose, Ana usi heni leoina makadotok-kala, leme nusak ndia dalek mai. Neukose, Ana usi heni leoina hitu, leme emi matam-ma mai, fo leoina sila-la, aon-nala ba'u lena emi, ma balakain-nala, lena heni emi boe, fo hataholi sila-la nde hataholi Het, Girgasi, Amori, Kanaan, Feris, Hewi ma Yebus.

BILANGAN 21:5

de bemumu loo Manetualain ma Musa. Lafa'da lae, “Tao le'e de, o moo ami kalua meme Masir mai? Ade soaneu taomisa ami, nai moo solokaek ia do? Nai ia, ta hapu nana'ak fa, ma oe boeo, ta. Ami malua mi'a nana'a mamis ia-la!”

MATEOS 2:15

Ala leo leme ndia losa Herodes maten. Dede'ak ndia ana da'di, fo daenga nandaa no hata fo Lamatua ka nafa'da basan tunga nabi nala nae, “Au alo falik Au Ana nga neme Masir mai.”

YOSUA 2:10

Ami mamanene basa halak la'eneu, da'di tao leo beek de, Manetualain tao nama'da Tasi Gelagah nai emi matam, lelek emi la'oela Masir. Ami boeo mamanene basa, tao leo beek de, emi taomisa Sihon ma Og, fo leoina Amori mane ka duan sila-la, neme Lee Yarden-na boboan dulu.

KELUARAN 23:22

Metema emi tungan, ma emi tao basa hata fo Au paletan neu emi soona, neukose Au atee-atati la'ban la'i esak emi musum-mala.

MAZMUR 45:6

O kou-kou isi matanem-ma, ana tola o musum-ma bade'en-na, leoina-na tu'u leu nai o ei tata'bu daem-ma.