BILANGAN 23:24 - Susula Malalaok Hehelu Palak Ma Hehelu Beuk

²⁴ Leoina ndia, ana fo'a napadeik, sama leo singa ina, ma napadeik natetu sama leo singa mane-a. Ana ta lu'u fa, metema ana beita na'a nana'an-na fa ma beita ninu bana fo ana ka kaanisak-ka daan-na fa.”

BILANGAN 23:24 Referans Kwoze

KEJADIAN 49:9

Yehuda sama leo singa molisoluk; ana taonisa musun-na, boema ana fali leo ndunun dale neu; nananaua, boema nangape'uk ma ta hapu hataholi esa boen, napalani fafae fan.

KEJADIAN 49:27

Benyamin nde been-na, busa fui makaa-makisu mangalauk. Ana kaa-na nana'an-na nai fai fafain-na. Ana baba'en nai fai le'odaen-na.”

NINITAK 5:5

Boema hataholi esa neme lasi-lasik sila la nafa'da au nae, “Boso kii! Mitak, Singa maneme leoina Yehuda fo Dauk tititi-nonosi matuaina na, ana sengi so! Ana sii nabe'i segel kahituk sila la de Ana buka susulak ndia.”

ZAKHARIA 12:6

Nai faik ndia, neukose Au tao-a Yehuda teidalen-nala da'di sama leo ha'i-a nai ai ha'i madodouk dale, do obol-la pila nai gandum aik-kala dalek; neukose ala tao lamopo-lamate leoina manai boboa-kaisun-nala Tehu laun Yerusalem-mala, neukose ala leo lahele leme kota dale no nee-nee lino-linok.

BILANGAN 24:17

Au itan, tehu ta nai besak ia fa; au akanaen, tehu neme dook-ka mai. Manek esa, ana da'di neme Israel mai, neukose ana mai, sama leo nduuk mandela-masa'ak-ka. Neukose ana tao nakalulutuk la'iesak mauli-malangan Moab-pala neukose ana tao nakalulutuk leoina Set-ta.

NAHUM 2:11

Besak ia, kota ndia nai bee? Kota fo sama leo leak-ka, fo singa mamana leleon-na. Mamanak fo ala fe singa ana-la la'a, mamanak fo singa mane no singa ina lahiik-kana, mamana neulauk ba'eneu anan-nala?

AMOS 3:8

Metema singa nangao soona, see kande ta bii fa? Metema Manetualain Fo Mademaina, kokolak soona, see kande bisa denge-denge fo ta tui-benga hala hehelun-na fa?

DANIAL 2:44

Nai lelek manek sila-la paleta, Manetualain manai nusa so'dak-ka, neukose napadedeik nusak esa fo neukose nakatatakak losa dodoon-na, ma neukose leoina bee boe ta hapu sengi fan. Nusak ndia neukose tao nakalulutuk basa nusa fe'ek sila-la lala'en-na.

YESAYA 31:4

Manetualain nafa'da au nae, “Sama leo singa namanasa, soaneu nanea nana'an-na, ma ta hapu nakabibiik-kana nenik manafoo bubuak esa eekin ma nakadiin, fo ala mai la'ban-nana, leondiak boe Au, neukose Au atee-atati, fo Au anea Pupukuk Sion-na.

AMSAL 30:30

Singa, bana esa, balakain-na lena heni basa bana lala'en-na, ma ana ta bii namata'u neu su'di beek-ka boen;

MAZMUR 17:12

Sila sama leo singa fo, ana sanga kaa nana'an-na, singa muli-soluk, fo nahani nai mamana mafunik.

ULANGAN 33:20

La'eneu leo Gad-ta, Musa nafa'da nae: “Kokoa-kikiok neu Manetualain, fo manatao namaloa Gad daen-na. Gad nahani, sama leo singa esa, ana sanga kakalu alun-na, do langan-na.

BILANGAN 23:25

Boema, Balak nafa'da Bileam nae, “Dai so, metema o ta nau supa-soo leoina Israel-la fa; tehu boso fes baba'e-papalak makandondook!”

NAHUM 2:12

Makahulun-na, singa kaan-na, nana'an-na nai ndia, de ana sisii fen neu singa ina no anan. Ana tao nahenu ndunun-na nenik paa bibiak fo ana kaa nalak-kala.

1RAJA-RAJA 10:20

Nai pe'dan kii ma pe'dan kona fo nai e'dak sila esa soona, hapu singa doki-dulan – basan lala'en-na sanahulu dua. Ta hapu kandela manek sama na leondiak nai nusak bee boe.

2TAWARIKH 9:18

Kandela ndia malimak, de hapu meoasu dodoki-dudulan nai liman duas. Kandela ndia boema nanuu edak nee, ma mamana tata'bu eik esa fo nananakadiditak nenik lilopilas. Ana taon-na mamana tata'bu eik ndia da'di esa no kandelan-na.