BILANGAN 23:19 - Susula Malalaok Hehelu Palak Ma Hehelu Beuk

¹⁹ Manetualain ta sama leo hataholi daebafak-ka fa, fo mu'dak la'iesak-kana, nasasale dale, ma Ana hii nasapepeko-nasandandali. Metema, Manetualain helu soona, tao leo bee-o, Ana tao natetun! Metema Ana kokolak soona, tao leo bee-o, neukose ana da'di!

BILANGAN 23:19 Referans Kwoze

SEMUEL SUSULAK-KA ESAN-NA 15:29

Israel Manetualain Fo Mandela-masa'ak-ka, Ana ta nau nasapepeko-nasandandali fa, ma Ana ta nau nggati seluk nakeketun-na boen, nanahu hataholi daebafak ta Ndia fa.”

YAKOBIS 1:17

Basa fe fee malole ma bua palsen matetu-mandaa ka, ana mai neme nusa so'da ka mai. Fo Manetualain mana Makadada'dik basa hata masalaak manai lalai a, nde nakona nana. Ndia nde Manetualain fo, Ana ta da'di nasafafali, ma ta nini makiu-makahatuk faa ana boen.

MALEAKHI 3:6

“Au nde Manetualain, ma Au ta da'di asafali fa. Hu ndia de, ta mopo-mate emi, fo Yakob tititi-nonosin-nala fa.

IBRANI 6:18

Dede'ak dua ta hapu lasafali fa: Tao leo bee o Manetualain ta nasapepeko la'eneu hala hehelu na, ma soo-supan fa. Hu ndia de, ita fo tasulu-tahapa basa neu Manetualai na, nanafe manggate balakaik soaneu ho'u tahehele neu namahenak, fo nanabetubalak nai ita mata na.

TITUS 1:2

Nanolik ndia nae, hu no namahehena ka de, neukose ita hapu so'da matetu ka, ma mana ketu basa ta ka. Manetualain helu basa so'dak ndia ndek daebafa ka beita da'di fa Manetualain ta nasapepeko-nasandandali fa.

ROMA 11:29

Nana metema Manetualain hele hataholi esa fo Ana fen baba'e-papalak soona, Ana ta hela falik hata fo Ana taon ndia fa.

LUKAS 21:33

Lalai a ma daebafa ka neukose ala sapu-lalo, tehu Au dede'a-kokolang lahele losa dodoo na.”

HABAKUK 2:3

Sulak-ma, dede'ak ndia, nana besak ia fain-na beita losa fa. Tehu faik ndia ana losa lai-lai, ma hata fo Au afa'dan neu o ndia, neukose tao leo bee-o ana da'di. Leomae meten soona bei dook-ka, tehu ka'da mahani! Neukose tao leo bee-o faik ndia ana mai, ma neukose ta nakamama'ak so'on.

MAZMUR 89:35

Au ta la'olena Au hehelu-balataang no fan, neme basa Au hehelu-balataang-ngala mai, Au ta hela falik esa boen.

HOSEA 11:9

Neukose, Au ta huku o nai Au nasa-melung dale fa, Au ta tao akalulutuk o so'on. Nana Au Manetualain, te ta hataholi daebafak fa. Au, Fo Malalao-malalafuk-ka, sama-sama o o, ma Au ta nau amanasa o so'on.”

MIKHA 7:20

Soaneu O anam-mala, fo Abraham ma Yakob tititi-nonosin, neukose O matu'du O lilinekam ma O susue-lalaim fo ta nanuu too-lane ndia, sama leo hata fo makahulun eli O helu basan neu ami bei-ba'i kaim-mala so.

1 TAWARIKH 17:17

Nakalenak O tao lena neme ndia mai; O tao basa hehelu-balataak la'eneu au tititi-nonosing soaneu le'do fai manamaik ka. Lena-lenak O tao au da'di leo hataholi matua-madema esa.

ROMA 9:6

Au ta dudu'a ae, Manetualain hehelu-balataa na, ta paken so'on; tehu Manetualain ta hele basa hataholi Israe la, da'di hataholi kamahehelek fa.

2 TIMOTIUS 2:13

Metema ita ta lilineka tahele fa, tehu Ana lilneka nahele, nana lilinekan, ta nasafali nita fa.”

IBRANI 7:21

Tehu Yesus nanaso'uk da'di imam, pake soo-supak, nai lelek fo Manetualain nafa'da neun nae, “Au soo-supa basa so, de neukose Au ta asafali Au nakeketu nga fa, ‘O nde bee na imam losa dodoo na.’ ”

YAKOBIS 4:5

Boso maedaenga, Susula Malalao ka ta hapu ne'ek soaneu nafa'da nae, “Manetualain pe'da-fua Dula Dalek fo hihii-nanaun balakai na seli ndia, nai ita dalen dale.”

KEJADIAN 28:15

Mafandendelek te, neukose Au tulu-fali, ma asulu-ahapa o, su'di o muu leo bee muu, ma neukose, Au o falik o leo nusak ia mai. Neukose, Au ta la'oela o, losa Au tao basa hata lala'en, fo Au helu basan neu o so.”

BILANGAN 14:35

Au soo, ae neukose Au taon leondiak soaneu neu emi, fo hataholi mangalauk fo malahalak soaneu la'ban Au. Neukose mate la'iesak emi, nai moo solokaek ia. Au, fo Manetualain, nde manakokolak-ka.’ ”

BILANGAN 23:18

boema, Bileam kokolak dede'a nafa'da elak-ka nde ia nae, “Hai, Balak, fo Zipor anan-na, mai leona, fo mamanene hata fo, au sanga afa'dan.

MAZMUR 89:34

Tehu neukose, Au sue-lai ahele Dauk, ma neukose, Au ta alelesi Au lilinekang fa.

MAZMUR 110:4

Manetualain soo basa so, de neukose, “Ana ta hela falik hehelu-balataan fo nae, O nde imam losa dodoon-na, sama leo Melkisedek.”

YESAYA 21:17

Kedar hataholi manakoun-nala nde been-na, hataholi fo balakaik ma makadelek. Tehu neukose, ka'da sila lumanak laso'da. Au, fo Israel Manetualain, nde manakokolak-ka.”

YESAYA 31:2

Manetualain manatee-tenok, ma Ana bubuluk hata fo, Ana taon. Ana fe soe-a ana mai, ma Ana tao natetu nasanene'da mahelen-na, soaneu Ana huku hataholi mangalauk, ma hataholi manatulu-falis-sala.

YESAYA 40:8

Na'u-a namatuu, ma bunga ana male, tehu ita Manetualain dede'a-kokolan nakatatakak losa dodoon-na.”

YESAYA 46:11

Au aloo manakoasa esa, neme dulu mai ana mai sama leo manupui makaa-makisuk esa fo nakalala'ok Au nakeketung-nga. Hata fo Au afa'dan soona, neukose Au tao-no'in, hata fo, Au tutu'un soona, tao leo bee-o, neukose Au taon.

YESAYA 55:11

Leondiak boe, dede'a-kokolak fo, Au kokolak-ka, ana ta fali ma'in leo Au mai, no palsuma fa, tehu ana hapu tao hata fo, Au ahiik-kana, ma ana hapu basa hata lalaen fo, Au dudu'ak-ka.

YEREMIA 4:28

Neukose daebafak-ka teisusa dale he'dik, lalai-a makahatu kiu-kiun-na. Manetualain kokolak basa de neukose, ta nasafali dale tutu'un-na fa. Ana ho'i basa nakeketuk so, de neukose, ta nakadedeak nggani eik esa boen.

DANIAL 4:28

Basa sila-la ala da'di neu Mane Nebukadnezar-ra.

KEJADIAN 26:3

Neukose Au asulu-ahapa ma ba'e-pala o. Neukose Au fe basa nusak ia lala'en-na neu o, ma neu o tititi-nonosim. Neukose Au tao atetu hehelu-balataak fo Au fe basan neu o amam Abraham so.

YOSUA 21:45

Manetualain tao natetu basa hala hehelun neu hataholi Israel-la; ta hapu esa boen, fo Ana ta tao natetu fan.

SEMUEL SUSULAK-KA ESAN-NA 3:12

Nai faik ndia, neukose Au tao basa hata lala'en, fo Au fe basa nasanene'da mahelek neu Eli teidale-bobongin-nala neme makasososan-na, losa mate'en-na.

1RAJA-RAJA 14:11

O teidalem fo manamatek manai kota dalek, neukose busa la la'as, ma manamate nai kota deak-ka, neukose manupui la la'as. Mafandendelek te, Au nde Manetualain fo manakokolak-ka.’ ”

2RAJA-RAJA 7:2

Boema, manek-ka manamanean-na, ana balas nae, “Masa bole! Dede'ak ndia, ta da'di fa, leomae nai hatematak ia boe, Manetualain fe u'da ina neme lalai mai!” “Mahani te neukose o mita dede'ak ndia ana da'di, tehu neukose, o ta mu'a mita, nana'ak ndia faaanak boen.”

MAZMUR 77:9

Ade, Ana hahae sue-lai ami so do? Ade, Ana ta tao natetu hehelu-balataan so'on do?

MAZMUR 132:11

Manetualain soo basa no Dauk: neukose, ta nafandele heni hehelun-na fa. Nafa'da nae, “Neukose, Au tao o anam esa da'di manek, fo ana paleta nggati o.