BILANGAN 23:1 - Susula Malalaok Hehelu Palak Ma Hehelu Beuk

¹ Boema, Bileam nafa'da Balak nae, “Mapadedeik fe au, mei tunu-hotuk hitu mai mamanak ia, ma sadia-ma, sapi mane hitu, ma bi'ilopo mane hitu mai ia.”

BILANGAN 23:1 Referans Kwoze

BILANGAN 23:29

Boema, Bileam nafa'da Balak nae, “Mapadedeik mei tunu-hotuk hitu mai mamanak ia, ma sadia-ma sapi mane hitu, ma bi'ilopo mane hitu mai ia.”

YUDAS 1:11

Soe ba'eneu sila. Ala tunga Kaen eno na so. Hu doi ka, de ala la'ok tunga eno masala ka, sama leo Bileam. Ma sila boeo, nanatao nakalulutuk, nanahu ala sanga musu sama leo Korah.

MATEOS 23:13

“Soe ba'eneu emi, fo mese agama la ma hataholi Farisi la lemin! Emi ia hataholi mana dea-dale kala. Emi mapanggengge hataholi soaneu ala da'di lima eik neme Manetualain hataholi kamahehele nala mai. Emi nde ta nau da'di lima eik neme Manetualain hataholi kamahehele nala mai fa, boema hataholi mana nau kala, emi mapanggengges. [

YESKIAL 45:23

Nai lelek, feta fai ka hituk ndia, beita basa fan, tunga faik, ana muse tunu-hotu fe Manetualain, sapi mane hitu, ma bi'ilopo mane hitu, ta lu'u-la'ak-kala fa, fo ana tunu katemak-kasa. Tunga faik, ana muse tunu-hotu bi'ihii mane esa boe, soaneu tutunu-hohotuk fo, sala-singok hapu do'o do ampon.

YESKIAL 33:31

Boema langanongo mai, fo da'di leo Au anang, de langatuuk fo lamanene o hala-kokolam, tehu ala ta tunga o hala kokolam sila-la fa. Difadoon-nala kokolak dede'a susue-lalaik-ka, tehu nai dalen-nala dalek, ala dodoo ka'da nanalak-ka mesak-kana.

AMSAL 15:8

Manetualain sipok hataholi malole-a huhule-haladoin; tehu Ana ta hii hataholi mangalauk-ka tunu-hotun fa.

AYUB 42:8

Nah, besak ia, pa'a-ma sapi mane 7 ma bi'ilopo mane 7, fo muu leo Ayub. Basa soona, tunu-hotu bana sila-la, da'di leo tutunu-hohotu nanatunuk, soaneu o aoinam-ma. Neukose, Ayub hule-haladoi ba'eneu emi, de neukose, Au sipok huhule-haladoin. Leomae emi mandaa sipo huhukuk, tehu neukose, Au ta akamamaek emi fa. Emi ta mafa'da tunga ndoon-na, la'eneu Au aoinang-nga fa, tehu Ayub nafa'dan tunga ndoon-na.”

2TAWARIKH 29:21

Soaneu tutunu-hohotu fe do'o do ampon neu manek-ka teidale-bobongin ma Yehuda laun-nala sala-singon, ma soaneu tao nalalao-nalalafu Manetualain Uman-na, de leni sapi mane hitu, bi'ilopo mane hitu, bi'ilopo ana hitu ma bi'ihii mane hitu. Manek-ka nadenu imam-imam fo Harun tititi-nonosin-nala tunu-hotu bana sila-la nai mei tunu-hotuk lain da'di leo tutunu-hohotu nanatunuk.

1 TAWARIKH 15:26

Ala fe sapi mane hitu ma bi'ilopo hitu leo Manetualain neu, nanahu Ana tulu-fali hataholi Lewi fo manandolo Peti Hehelu-balataak ndia so.

2RAJA-RAJA 18:22

Basa boema, Asyur malanga solda'du manai lain ndia, nafa'da nae, “Do fafa'kama, emi mafa'da, mae emi mamahena neu emi Manetualain do? Nai lelek, Hizkia fe paleta, fo ela hataholi Yehuda-la, ma hataholi Yerusalem-mala, maso-kasasi ka'da nai mei tunu-hotuk manai Yerusalem-ma matan-na, ade nanatao nakalulutuk ndia, ta nde mei tunu-hotuk-ka, ma mamana sene-do'ok neu Manetualain-na hetu?

SEMUEL SUSULAK-KA ESAN-NA 15:22

Tehu Semuel nae, “Beek kande, Manetualain nahiik-kana, tunga do fe tutunu-hohotuk? Tunga neu Manetualain, nde mole lena neme tunu-hotu tutunu-hohotuk. Tunga no dale katematuak, malole lena neme bi'ilopo mina mai.

BILANGAN 29:32

Neu faik-ka hitun-na, tunu-otu sapi maneanak hitu, bi'ilopo mane dua, ma bi'ilopo ana maneanak sanahulu haa, besak-ka teuk beke esak, ma ta lu'u la'ak fa.

KELUARAN 20:24

Tao fe Au mei tunu-hotuk esa, taon neme dae-a mai, boema tunu-hotu emi bi'ilopom ma emi sapim-ma nai ndia, soaneu tutunu-hohotu nanatunuk, ma tutunu-hohotu mole-dame. Nai basa mamanak fo Au aketu basan ba'eneu emi, da'di leo mamanak makaluku-makatele soaneu Au-a, neukose Au mai, fo Au ba'e-pala emi.

BILANGAN 22:41

Balahaa boema, Balak no Bileam, nde nda'e leo pupuku Bamot Baal-la lain leu. Bileam hapu nita leoina Israel-la seli, neme mamanak ndia mai.

BILANGAN 23:2

Balak tao tungan sama leo hata fo, Bileam nafa'da neun. De nai mei tunu-hotuk sila-la esa lain soona, ana tunu-hotu sapi mane esa ma bi'ilopo mane esa.

BILANGAN 23:30

Balak tao sama leo Bileam hala nafa'dan-na. De nai mei tunu-hotuk sila-la esa-esak lain, ana tunu-hotu sapi mane esa, ma bi'ilopo mane esa.