BILANGAN 22:32 - Susula Malalaok Hehelu Palak Ma Hehelu Beuk

³² Manetualain ata nusa so'dan-na, natane nae, “Tao le'e de, o fepa o keledeim-ma, losa la'i telu? Au mai, soaneu apanggengge o, nana tunga Au hahapung-nga, metema o muu soona, ta malole fa.

BILANGAN 22:32 Referans Kwoze

HATAHOLI 13:10

boema nafa'dan nae, “Hei hataholi mana tipu-daik ma nanasoo-supa ko nei! O musu mo basa hata malole lala'ena. Tao le'e de o ta hahae tao malutu Manetualain dale tutu'un soaneu Ana soi-tefa hataholi daebafa ka fa?

AMSAL 28:18

Hataholi fo, naso'da no bu'u-ba'en ta soona, neukose naso'da. Hataholi fo, so'dan-na dopelele'u, neukose ana tu'da.

BILANGAN 22:22

Tehu lelek Bileam la'o boema, Manetualain namanasa nanseli. Lelek Bileam bei nai keledein lain, fo lelek ndia, malalau-maoonon dua tungan, boema Manetualain ata nusa so'dan-na, napadeik nai enok-ka tala'da, fo napanggen.

AMSAL 28:6

Malole lenak, hataholi nuu-taa hata-taak fo, dalen-na ndoos, neme hataholi kamasu'ik, fo manatao peko-pakik-ka mai.

AMSAL 14:2

Hataholi manatao tunga ndoon-na, bii-namata'u ma fe ha'da-holomata neu Amak Manetualain; tehu hataholi fo, so'dan-na ta ndoos fa, nakamumulu-nakamamaek-kana.

MIKHA 6:5

Au anang-ngala lemin, mafandele hata fo Balak mane Moab-pa tutu'un la'eneu emi, ma hata fo Beor anan Bileam nataa neun. Mafandele hata fo ana da'di nai emi leleo-lala'om dalek, nai emi mamana leleom nai Sitim nai Gilgal tala'da. Metema emi mafandele basa sila-la soona, neukose emi mame'da mita hata fo Au tao basan soaneu soi-tefa emi.”

YUNUS 4:11

Hapu nai bee, Au daleng-nga ta he'dis-sa, no dudu'a-dodoo Niniwe, kota matuaina ndia fa. Nana fe'ek neme bana fo ta hapu leke-na dede'un-nala ndia fa, nai ndia boeo hapu ni'iana lena neme 120.000 ala beita hapu mete lalelak, beek kande malole, do beek kande mangalauk fa.”

MAZMUR 147:9

Ana fe bana-manu nana'ak, ma neu manupui kaa, anan-nala, fo ala nggasi loke la'a.

MAZMUR 145:9

Manetualain ndia, malole neu basa hataholi lala'ena, ma Ana sue-lai basa lima tataan-na.

MAZMUR 36:6

Manetualain, O susue-lalaim, dema lalai-a, ma O lilinekam, losa ko'as-sa.

ULANGAN 25:4

Metema, sapi-a heheta-aa'i gandum soona, boso pole nggonggolon-na.”

ULANGAN 23:4

nanahu nai lelek emi kalua meme Masir mai-a, ala ta nau fe emi nana'a-nininuk fa. Nakalena, ala se'ba Bileam, fo Beor neme kota Petor-a, nai Mesopotamia, fo ana soo-supa emi.

BILANGAN 22:35

Tehu Manetualain ata nusa so'dan-na nae, “O moo hataholi sila-la, tunga Au leona. Tehu o bole kokolak, ka'da hata fo Au adenu o kokolak-kana.” Boema Bileam no Balak nadenu hataholi sila-la, la'ok lakandoo.

BILANGAN 22:28

Boema Manetualain fe keledei ndia, bisa kokolak. Bana ndia nafa'da Bileam nae, “Ade, au tao sala Tuan beek, de nalosa Tuan fepa au, losa la'i telu?”

BILANGAN 22:20

Le'odaek ndia, Manetualain mai, de nafa'da Bileam nae, “Hataholi sila-la ala mai, fo loke o, muu sama-sama moos. Da'di, maheheleaom, fo muu leona. Tehu, ana fe o ta beek soona, taok-ka'da ndia.”

BILANGAN 22:33

Lelek o keledeim-ma nita Au, boema nasingok la'i telu. So'ba leo ta soona, tao leo bee-o, Au taoisa o so, tehu Au fe keledei ndia naso'da.”

AMSAL 16:2

Fafa'kama nai hataholi-a mata memeten-na dalek, basa tatao-nono'in malole, tehu Manetualain nde fola dale tutu'un-na.