BILANGAN 21:7 - Susula Malalaok Hehelu Palak Ma Hehelu Beuk

⁷ Boema leoina ndia neu leo Musa neu, de nafa'da nae, “Ami masala-masingo basa so, nanahu ami bemumu moo Manetualain ma o boe. Hule-haladoi neu Manetualain, fo ela nadenu menge ia-la, dook-ka leme ami mai.” Boema Musa hule-haladoi fe leoina ndia.

BILANGAN 21:7 Referans Kwoze

HATAHOLI 8:24

Boema Simon nafa'da Petrus no Yohanis nae, “Sue na moke Lamatua ka, fo emi mafa'da basa dede'ak sila la, esa boeo ana boso da'di neu au.”

MAZMUR 78:34

Metema, Manetualain taonisa, hataholi de'ubee nai sila dalek soona, fe'ek-kala lasasale dale, fo ala fali ma'is leo Manetualain mai.

BILANGAN 11:2

Hataholi sila-la nggasi beeau, loke Musa tulu-falis. Boema, Musa hule-haladoi neu Manetualain, de mate ha'i ndia.

KELUARAN 8:8

Boema, manek-ka naloo Musa no Harun, de nafa'das nae, “Hule-haladoi neu Manetualain, fo ela Ana tao namopo lo'donggelek ia-la soona, neukose au po'i o leoinam-ma la'o, fo leu tunu-hotu tutunu-hohotuk soaneu Manetualain.”

1RAJA-RAJA 13:6

Boema Yerobeam nafa'da nabi ndia nae, “Suen-na hule-haladoi neu o Manetualain soaneu au. Moke susue-lalain leona, fo nakahahaik au limang-nga!” Nabi ndia hule-haladoi neu Manetualain, boema manek-ka liman-na hai.

KELUARAN 8:28

Boema manek-ka nafa'da nae, “Hei, au po'i emi meu leo mook solokaek-ka meu, fo tunu-hotu tutunu-hohotuk soaneu Manetualain, fo emi Manetualaim-ma, sa'di boso meu leo dook-ka meu. Mafandendelek, fo hule-haladoi fe au!”

YAKOBIS 5:16

Hu ndia de, ela leo bee na, esa nafa'da sala na neu esa, ma esa hule-haladoi fe esa, fo ela emi hapu lea-hai. Hataholi fo ana hule-haladoi tunga Manetualain hihii-nanau na, nanuu koasa matua ina.

ROMA 10:1

Tolano-tolanoo ngala lemin! Au ahiik alanseli, fo au hataholi ngala hapu nanasoi tefak. De au hule-haladoi te'e-te'e neu Manetualain soaneus.

MATEOS 27:4

Neu boema nafa'das nae, “Au asala-asingo so, nana au ke'dindiu hataholi sala tak ndia de nalosak nanahuku nisak!” Tehu lafa'dan lae, “Ami ta mafaduli fa. O dede'am ndia!”

HOSEA 5:15

Neukose, Au la'oela Au anang-ngala, losa doi-doson-nala dai, nanahu sala-singon-nala, boema ala mai sanga Au. Fafa'kama, nai doi-doson-nala dalek, neukose ala sanga enok, fo latongo loo Au.”

YEREMIA 37:3

Manek Zedekia nadenu Yukhal fo Selemya anan-na, ma Imam Zefanya fo Maaseya anan-na soaneu noke au hule-haladoi neu Amak Manetualain soaneu leoina paluk-ka.

YEREMIA 15:1

Manetualain nafa'da au nae, “Neukose Au ta sue-lai leoina ia-la so'on, leomae Musa ma Semuel lapadeik nai ia, fo loke susue-lalaik neu sila. Madenu laoina ia-la la'o, te Au ta nau mete-lakanae fas!

MAZMUR 106:23

Boema, Manetualain tutu'u, sanga tao namopo-namate anan-nala, tehu Musa fo, hataholi hehelen-na, ana ka'in. Musa da'di hataholi tala'dak soaneu sila, de nalosa Manetualain nasan-na tenak.

AYUB 42:10

Ayub hule-haladoi basa ba'eneu tia-lai ka telun-nala boema, Manetualain taon-nan, namasu'i seluk. Ana fen namasu'i diku la'i dua, neme su'i makahulun-na mai.

AYUB 42:8

Nah, besak ia, pa'a-ma sapi mane 7 ma bi'ilopo mane 7, fo muu leo Ayub. Basa soona, tunu-hotu bana sila-la, da'di leo tutunu-hohotu nanatunuk, soaneu o aoinam-ma. Neukose, Ayub hule-haladoi ba'eneu emi, de neukose, Au sipok huhule-haladoin. Leomae emi mandaa sipo huhukuk, tehu neukose, Au ta akamamaek emi fa. Emi ta mafa'da tunga ndoon-na, la'eneu Au aoinang-nga fa, tehu Ayub nafa'dan tunga ndoon-na.”

SEMUEL SUSULAK-KA ESAN-NA 15:30

Saul nataa nae, “Au asala-asingo basa so. Tehu Ama sue-na, fali sama-sama moo au, fo ela au hapu sene-do'ok neu Manetualain fo Ama Manetualain-na. No enok ndia, Ama fe ha'da-holomata neu au, nai basa au mauli-malangan leoina-la matan, ma nai nusak Israel-la lala'en-na.”

SEMUEL SUSULAK-KA ESAN-NA 15:24

Saul namanene dede'ak ndia boema, ana manaku neu Semuel nae, “Memak au asala-asingo so. Au la'olena Manetualain paletan-na, ma au ta taoafik neu Ama natutu'dun-na fa. Au bii au solda'dung-ngala, boema au tao atetu nonoken-nala.

ULANGAN 9:20

Manetualain boeo, namanasa nanseli neu Harun, nalosa Ana nau taonisan, boema au hule-haladoi fen boe.

KELUARAN 32:30

Balahaa boema, Musa nafa'da leoina ndia nae, “Emi tao basa sala-singok matuaina so. Tehu besak ia, au sanga kae seluk leo letek ndia lain soaneu asasalematak o Manetualain; sanga tao leondia fo au hapu do'o do ampon soaneu emi sala-singom.”

KELUARAN 32:11

Musa dokodoe neu Manetualain fo ndia Manetualain-na nae, “Manetualain tao le'e de O muse tao leondiak neu hataholi sila? Ade O ta soi-tefa-malas leme Masir mai, fo nenik koasa ma be'i-balakaik matuaina fa do?

KEJADIAN 20:7

Tehu besak ia, fe falik-kana leo saon-na neu. Saon-na nabi esa, de neukose ana hule-haladoi soaneu o, fo ela boso mate o. Tehu metema, o ta nau fe falik-kana fa soona, mafandendelek te, neukose mate o moo basa o laum-mala lala'en-na!”

KEJADIAN 20:17

Manetualain taon-na basa inak manai Abimelekh uma manen-na, manabongi tak no'u-no'u, nanahu manada'dik no Sara, fo Abraham saon ndia. Boema, Abraham hule-haladoi neu Manetualain, de Manetualain tao nalea-nahai Abimelekh, saon-na ma ata inan-nala, nalosa inak sila-la hapu bongi seluk.

2RAJA-RAJA 13:4

Boema, Yoahas hule-haladoi neu Manetualain, de Manetualain namanene hule-haladoin ndia, nanahu Manetualain nita mane Siria no tatao-nono'i ha'da hataholi taa-na, de ana tuni-ndeni nangge'a hataholi Israel-la.

YESAYA 26:16

O huku basa ami so, nai ami makase'em-ma dalek, ami fali leo O mai, ma hule-haladoi neu O, Manetualain.

KELUARAN 8:4

Lo'donggelek sila-la, neukose lakaboku fo lakalala'ba o, basa manapaleta-la, ma laun-nala.’ ”

KELUARAN 10:17

Soaneu oek ia soona, fe do'o do ampon neu au sala-singong, ma hule-haladoi neu Manetualain, fo emi Manetualaim-ma, fo ela Ana ho'in-na huhuku-dodokik maneni mamates ia, neme au mai.”