BILANGAN 21:25 - Susula Malalaok Hehelu Palak Ma Hehelu Beuk

²⁵ No enok ndia, hataholi Israel-la, loso-la basa hataholi Amori-la kotan-nala, de nai dalek, hapu kota Hesybon-na, ma kota anak manai titia-tatain-nala, boema ala leo lahele leme ndia.

BILANGAN 21:25 Referans Kwoze

AMOS 2:10

Au o falik emi kalua meme dae Masir-ra mai so, ma Au hela-nole emi teuk haahulu dalen-na neme moo solokaek-ka. Au fe hataholi Amori-la daen-na neu emi fo da'di emi nusam-ma.

YESKIAL 16:53

Manetualain nafa'da Yerusalem nae, “Neukose, Au tao asafali Sodom ma Samaria, boema nggolo-nggolon-nala, fo ala da'di tetu-temak seluk. Basa ndia soona, besak-ka, Au tao asafali o, fo o da'di tetu-temak boe.

YESKIAL 16:49

Sodom no nggolo-nggolon-nala koao-ndaeao, nanahu mamana pepe'da nana'an makadotok, ma laso'da no nee-nee lino-linok ma mole-dame. Tehu, ala ta taoafik neu hataholi nuu taa-hata taak-ka, ma hataholi matasi'da-matasaek-ka fa.

YESKIAL 16:46

O ka'am nde Samaria, nai kii, no basa nggolon-nala. Ma o fa'dim-ma, nde Sodom, nai kona, no basa nggolon-nala.

YEREMIA 48:45

Hataholi nanausik-kala lalai leu sanga nasulu-nahapa nai Hesybon, te kota ndia nanade'dek ma uma manek Sihon-na ha'i na'an boe. Ha'i na'a na basa mamanak nggolok-ka ma lete pe'dak Moab, fo hataholi manatao musu-la nggolon-na

YEREMIA 48:34

Hataholi manai Hesybon ma Eleale-la kii ma kikii-makaleleun-nala nananamanenek losa Yahas, boema hataholi-hataholi manai Zoar losa Horonaim ma Eglat-Selisia lamanene. Ala kii hu ka nde oe manai lee anak Nimrim ma'dan so.

YEREMIA 48:2

Mopo Moab matua-mademan, musu-a natona-na Hesybon so, ma ala tutu'u basa eno ma soaneu tao lamopo la'iesak leoina Moab-pa nai na. Hala kokolak manai Madmen-na neukose nana kena-ka'ik, nanahu neukose soloda'du la latona-la kota ndia.

YESAYA 15:4

Hataholi Hesybon ma Eleale-la, ala nggasi beau, de halan-nala nananamanenek losa nai Yahas. Nakalenak, basa solda'du-la dele bee-too; mopo palanin-nala so.

KIDUNG AGUNG 7:4

O botoliim-ma, sama leo uma puni madema nga'di noli. O matam-ma, sama leo lifu manai Hesybon-nala, deka no Batrabim lelesuinan-na. O panam-ma, sama leo uma puni madema manai letek Libanon-na, fo nasale leo kota Damsyik-ka neu.

ULANGAN 2:12

Makahulun-na, hataholi Hori-la leo leme Edom, tehu Esau tititi-nonosin-nala usi henis ma ala tao lamopo-lamates, de neu fai makabuin boema, langatuu-la hataholi sila daen-na; leondiak boe, neu fai makabuin boema, leoina Israel-la usi heni sila musun-nala, leme dae fo Manetualain fen neu sila.)

BILANGAN 21:31

No enok ndia, leoina Israel-la, ala leo lahele leme hataholi Amori-la nusan-na.

BILANGAN 21:26

Hesybon nde been-na, Mane Sihon-na, nusan-na polon-na. Ana natee-natati hai no mane Moab-pa, de ana loso-na nusan-na, dodoon-na losa Lee Arnon-na.

HAKIM-HAKIM 11:26

Teuk natun telu dalen-na, Israel nangatuu-na Hesybon ma Aroer boema nggolo-nggolok manai titia-tatain-nala, ma basa kota-kota manai Lee Amon-na, su'un-na. Ma tao le'e de, doo-doo basa ndia, o ta ho'i falik-kasa fa?

BILANGAN 32:3

“Kota Atarot, Dibon, Yaezer, Nimra, Hesybon, Eleale, Sebam, Nebo ma Beon, fo no Manetualain tutulu-fafalin, de Israel nangatuu nan so, daen-na lolen-na seli soaneu nakaboboi bana-manu. De hu kande, ami bana-manum makadotok nanseli,

YOSUA 24:8

Boema Au o emi leo nusak, fo hataholi Amori-la leo leme Lee Yarden-na boboan dulu. Hataholi sila latati loo emi, tehu Au fe emi sengis. Emi mangatuu-ma nusan-na, de Au tao amopo-amate hataholi sila.