BILANGAN 21:24 - Susula Malalaok Hehelu Palak Ma Hehelu Beuk

²⁴ Tehu, nai natee-natatik ndia dalek, hataholi Israel-la, taolisa solda'du Amori makadotok. Boema, hataholi Israel-la, langatuu-la nusan-na, mulai neme Lee Arnon-na losa Lee Yabok-ka, fo hataholi Amori-la dae toon-na, nana naneak manai dae too ndia, ta bole fan.

BILANGAN 21:24 Referans Kwoze

AMOS 2:9

Leomae leondiak boe, hai Au anang-ngala lemin, hu ka nde emi, de Au tao amopo-amate hataholi Amori fo mademaina sama leo ai kaiou, ma balakaik sama leo ai terpentin.

MAZMUR 136:19

Sihon, fo mane Amori; susue-lalain manaketu-basa tak, losa dodoon-na;

NEHEMIA 9:22

O fes ala sengi nusak makadotok ma leoina manai sila dae toon-na. Langatuu-la Hesybon, fo Mane Sihon nusan-na; Ala leo-la Basan fo Mane Og-ka nusan-na.

YOSUA 24:8

Boema Au o emi leo nusak, fo hataholi Amori-la leo leme Lee Yarden-na boboan dulu. Hataholi sila latati loo emi, tehu Au fe emi sengis. Emi mangatuu-ma nusan-na, de Au tao amopo-amate hataholi sila.

KEJADIAN 32:22

Yakob fo'a nai le'odaek ndia boe, boema no sao ka dua-nala ma sao ka telu ma ka haan-na boema ana ka sanahuluesan-nala, de ala lena Lee Yabok-ka.

HAKIM-HAKIM 21:8

Boema, ala palisak lutu-lutuk, fafa'kama leoina Israel-la leon esa, ta leu lakabubua lai Mizpa fa. De ala hapu, neme hataholi Yabesh manai Gilead-tala, ta hapu hataholi esa boen, neu leo Mizpa neu fa.

YOSUA 9:10

ma la'eneu hata fo Ana taon soaneu Amori mane ka duan manai Yarden boboan dulu, fo nde: Sihon, mane Hesybon, ma Og, mane Basan, fo ala leo lai Asytarot.

ULANGAN 29:7

Ma nai lelek, ita losa mamanak ia, Mane Sihon-na neme Hesybon mai, ma Mane Og-ka neme Basan mai, de ala sapu-la ita. Tehu ita sengis.

ULANGAN 3:16

Ma au fe leo Ruben ma leo Gad-ta, dae manai Gilead no Lee Arnon-na tala'da. Fo sila dae too kona nde Lee ndia tala'da, ma sila dae too kii nde Lee Yabok-ka, fo lee ndia seli, nalupa dae too no hataholi Amon-nala nusan-na.

BILANGAN 21:13

Ala la'o seluk leme ndia mai, de ala ofu leme, Lee Arnon-na selik, nai moo solokaek fo, natabaa leo hataholi Amori-la nusan-na neu. Lee Arnon ndia nde been-na, hataholi Moab-pala loo hataholi Amori-la, dae toon-na nde ndia

YOSUA 13:12

Sila nusan-na boeo, neni Mane Og, fo hataholi Refaim mate'ek fo ana paleta neme Asytarot ma Edrei. Musa sengi basa leoina sila-la, de ana usis, fo ala kalua leme sila nusan-na mai.

HAKIM-HAKIM 11:13

Leoina Amon-na, manen-na nataa ladenu hataholi sila-la nae, “Lelek hataholi Israel-la, ala mai leme Masir mai-a, ala ho'i-la ami daem-ma, mulai neme Lee Arnon-na, losa Lee Yabok-ka, ma Lee Yarden-na. Besak ia, fe falik basa-basas, no mole-dame.”

ULANGAN 1:4

Dede'ak ndia da'di ndek Musa sengi basa Sihon, fo hataholi Amori-la manen-na, ana paleta nai kota Hesybon-na, ma Og, fo mane Basan-na, fo ana paleta nai kota Asytarot-ta, ma Edrei.

ULANGAN 31:4

Neukose, Manetualain tao namate-namopo leoina sila-la, sama leo Ana sengi Sihon ma Og, fo hataholi Amori-la manen-na, boema Ana tao nakalulutuk sila nusan-na.

HAKIM-HAKIM 10:11

Manetualain nataa nae, “Makahulun-na, leoina Masir, Amori, Amon, Filistin, Sidon, Amalek ma leoina Maon-nala paleta emi. Boema, nai lelek ndia, emi maloo bou-bou neu Au, hetu? So'ba mafandele, ade Au ta soi-tefa ala emi neme sila koasan-na mai fa do?