BILANGAN 20:28 - Susula Malalaok Hehelu Palak Ma Hehelu Beuk

²⁸ Boema, Musa o'duheni Harun bua papaken-na, de ana paken neu Eleazar. Mate Harun nai letek ndia poin-na, de basa boema Musa no Eleazar kona falik leo dae mai.

BILANGAN 20:28 Referans Kwoze

ULANGAN 10:6

Basa boema, hataholi Israel-la, ala la'o leme hataholi Yaakan-nala oedolun-nala mai, de leu leo Mosera leu. Mate Harun neme ndia, de latoi-latonon neme ndia boe. Anamanen Eleazar nggatin da'di imam.

2 PETRUS 1:15

Hu ndia de, au sanga enok, fo leomae mate au so boeo, emi mafa ndendelek mahele dede'ak sila la.

1 TAWARIKH 22:17

Boema Dauk nadenu basa mauli-malangan Israel-la tulu-fali Salomo.

ULANGAN 34:9

Manetualain ba'e-bati Yosua, fo Nun anan-na, nenik dudu'a-aafi manatee-tenok, nanahu Manetualain natu'dun fo, ana nggati Musa. Leoina Israel-la, ala tunga Yosua, ma lakalala'ok paleta fo, Manetualain fe neu sila, tunga Musa.

ULANGAN 34:5

Boema, mate Manetualain atan Musa neme dae Moab-pa, sama leo hala nafa'da makahulun-na.

BILANGAN 20:26

O'duheni Harun bua papaken-na, fo paken neu Eleazar. Nana, neukose mate Harun nai mamanak ndia.”

BILANGAN 20:27

Musa tao tunga Manetualain paletan-na. Boema Musa, Harun ma Eleazar nda'e leo Lete Hor-ra lain neu, de basa hataholi Israel-la lala'en-na, sakasii.

BILANGAN 27:13

O lalana basan, soona neukose o mate sama leo makahulun-na, o ka'am Harun boe,

KELUARAN 6:23

Korah anatoun telu, fo nde: Asir, Elkana ma Abiasaf. Fo leo-ingu Korah bei-ba'i kain nde hataholi sila.

KELUARAN 29:28

Au nakeketung fo ta hapu nggati fan-na nde ia: Nai lelek Au anang-ngala mai fo ala tunu-hotu tutunu-hohotu mole-dame soona, bana ndia sosolon-na no sakibolon-na nde been-na, basa imam-mala baba'en-na nde ndia. Au anang-ngala tutunu-hohotun soaneu Au-a, nde ndia.

BILANGAN 20:1

Nai hataholi Yahudi-la bula ka esan-na dalek boema, basa hataholi Israel-la lala'en-na, losa moo solokaek Zin-na, de ala leo lahele leme Kades. Miryam maten, de latoin neme ndia.

YOSUA 24:33

Basa boema, mate Eleazar fo Harun anan-na boe, de latoin nai Gibea, fo nde kota manai letelepak Efraim-ma. Ala fe basa kota ndia neu Pinehas, fo Eleazar anan-na so.