BILANGAN 20:12 - Susula Malalaok Hehelu Palak Ma Hehelu Beuk

¹² Tehu Manetualain fe Musa no Harun nasanene'dak nae, “Hu kande emi namahehelem neu Au-a, beita dai soaneu matu'du Au koasang fo malalao-malalafung-nga, nai leoina Israel-la matan-na, de neukose emi ta mauli-malangas losa ala masok leo nusak fo, Au helu fen neu sila fa.”

BILANGAN 20:12 Referans Kwoze

ULANGAN 1:37

Emi boeo, taom-ma Manetualain namanasa au, de nafa'da nae, ‘Musa, o boeo, neukose ta masok nusak ndia fa.

YESKIAL 36:23

Neukose Au atu'du Au na'de malalao-malalafung matuainang ndia, na'dek fo emi tao manggenggeon nai leoina-kala tala'da, soona besak-ka ala bubuluk, Au nde Manetualain-na. Au, Manetualain Fo Mademaina, nde manakokolak-ka. Neukose Au pake emi, fo emi matu'du leoina-kala, mae Au ia, malalao-malalafuk, Manetualain Fo Malalao-malalafuk nanseli.

BILANGAN 27:14

nana emi dua la'ban Au paletang-nga neme moo solokaek Zin-na. Lelek basa laun-na lala'en-na, bemumu loo Au neme Meriba, tehu emi ta nau matu'du Au koasang-nga nenik oe ndia, nai sila matan fa.” (Manada'dik ndia, ana da'di neme oemata Meriba nai Kades, fo nai moo solokaek Zin-na.)

BILANGAN 20:24

“Neukose Harun ta masok leo nusak fo, Au helu basa, fen neu leoina Israel-la fa; neukose maten, nanahu emi dua la'ban basa Au paletang-nga, neme deka no oemata Meriba so.

ROMA 4:20

Abraham namahele nahele ma dale na ta naba'e neu Manetualain hala hehelun ndia. Nakalenak namahehele na tao nan boetai balakaik de nalosa ana koa-kio Manetualain.

LUKAS 1:45

Maua-manalek neu o, hu ka nde o mamahele mae hata fo Manetualain nafa'dan neu o a neukose ana da'di!”

LUKAS 1:20

Hata fo au afa'dan, neukose ana da'di neu fai na. Tehu hu ka nde o ta nau mamahele fa de, mahani te o ta hapu kokolak fa. Neukose o da'di hala tak losa hata fo au afa'dan ia, ana da'di.”

MATEOS 17:20

Boema Yesus nafa'das nae, “Hu ka nde emi namahehele ma beita dai fa. Mafandendelek! Metema emi namahehele ma leomae anak nanseli, tehu emi hapu mafa'da pupukuk ia mae, ‘Keko leo eli muu!’ soona tao leo bee o neukose ana keko. Ta hapu hata esa boen, fo emi ta hapu tao mala fan! [

YESAYA 8:13

Mafandendelek leona, te Au, Manetualain Fo Manakoasa nde been-na, malalao-malalafuk. O muse bii-mamata'u ka'da neu Au mesang-nga.

1 PETRUS 3:15

Tehu nai emi dalem dale, ela leo bee na emi fe Kristus ha'da-holomata hehelik fo nandaa no nangatutuu na da'dileo Lamatua ka. Ma ela leo bee na emi mahehele aom tataas esa, soaneu emi fe natataak neu hataholi see fo natane, la'eneu emi namahehena ma.

YOHANIS 1:17

Ita sipo Manetualain Hoholo-lalanen tunga Musa. Tehu lafa'da Manetualain susue-lalain, ma liinekan, tunga Yesus Kristus.

MATEOS 17:17

Boema Yesus naen nae, “Emi ia anseli! Tete'e ka, nanoli doak emi ia, ma emi ta mamahele fa. Au muse leo-apalasa o emi losa fai hi'da, ma Au ta haelai amanasa soaneu emi? Mo ni'i ana ndia, leo ia mai!”

YESKIAL 38:10

Manetualain Fo Mademaina, nafa'da Gog nae, “Nai hatematak ndia, neukose o tutu'u tao eno mangalauk.

YESKIAL 20:41

Metema, Au o basa emi kalua neme nusa-nusak fo, nai bee emi nanatao tapasasalak-ka soona, neukose Au tao akabubua emi, ma Au sipo la'iesak emi tutunu-hohotu nanatunum lala'en-na. Soona besak-ka, basa leoina-kala bubuluk, lae Au ia, Manetualain Fo Malalao-malalafuk nanseli.

YESAYA 7:9

Israel balakain-na, ta lena neme Samaria, fo Efraim nusan-na polon-na, ma Samaria balakain-na, ta lena neme Manek Pekah mai fa. Metema emi ta mamahele te'e-te'e neu Au fa soona, tao leo bee-o, emi ta bisa makatatakak fa.”

2TAWARIKH 20:20

Balahaa fafaianan-na, laun-na kalua de leu leo moo maloa deka no Tekoa. Lelek ala sanga la'o boema, Yosafat fes hala-heheluk-ka nde ia nae, “Yehuda ma Yerusalem laun-nala lemin! Mamahele neu emi Manetualain leona, neukose emi makatatakak mabe'i. Sipok-ma nanoli-nafa'dak neme emi nabi-mala mai, soona neukose emi hapu buna-boan!”

YOSUA 1:2

Manetualain nafa'da nae, “Mate Au atang Musa so. De besak ia, malole lenak, o ma hataholi Israel-la lala'en-na maheheleaom, fo lena leo Lee Yarden-na selik meu, fo masok leo nusak fo Au fen neu sila.

ULANGAN 34:4

Boema, Manetualain nafa'da Musa nae, “Nusak ndie nde, Au helu fen neu Abraham, Isak ma Yakob, fo ala fen neu sila tititi-nonosin. Musa, Au atu'dun neu o, tehu Au ta nau o muu leo naa muu fa.”

IMAMAT 10:3

Boema Musa nafa'da Harun nae, “Manetualain dale dodoon-na nde ndia, nai lelek nafa'da nae, ‘Basa manamalalau-maoono Au-a, muse fe ha'da-holomata neu Au malalao-malalafung. Neukose, Au atu'du Au matua-mademang neu basa Au leoinang-nga lala'en-na.’ ” Tehu, Harun ka'da denge-denge.

BILANGAN 11:15

Metema Manetualain tao nakandoo au leoiak soona, sue-lai au dei; malole lenak, taomisa au no lai-laik fo ela au boso boe lu'a-lepa doidosok ia bai.”

ULANGAN 4:21

Tehu emi Manetualaim-ma namanasa au, hu kande emi, de Ana soo nae, neukose au ta lena leo Lee Yarden-na selik u, fo masok dae maoe-maisik fo neukose, Ana fen neu emi ndia fa.

MAZMUR 99:8

Ou ami Amam Manetualain O mataa O anam-mala; Ba'eneu sila soona, O nde bee-na Manetualain, fo nau fe do'o do ampon, leomae O hukus, nanahu sila sala-singon-nala boe.

MAZMUR 106:32

Ala tao-la, Manetualain namanasa neme oedolu manai Meriba-la, ma ala tao susa Musa, nenik sila tatao-nono'in.