BILANGAN 19:21 - Susula Malalaok Hehelu Palak Ma Hehelu Beuk

²¹ Nakanenetek ndia, nanapakek losa dodoon-na. Hataholi manapisi oe feta ndia boeo, muse safe bua papaken-na, fo oe ndia la'e hataholi-a, nanggenggeo losa le'do tenak.

BILANGAN 19:21 Referans Kwoze

IBRANI 10:4

nanahu memak sapi daa no bi'ihii mane daa, ala ta hapu loseheni sala-singok fa.

IBRANI 9:10

Nanahu basa ito-atok sila la, nandaa no ka'da nana'a-nininuk, ma tao nalalao ao mata-mata kala mesa kana. Basa sila la ka'da nakanenete ao paak, fo nanapakek ka'da losa fai na Manetualain tao nabebeun.

IBRANI 7:19

Agama Yahudi hoholo-lalanen, ta hapu tao na basa hata esa boen, da'di matetu-mandaak fa. Hu ndia de besak ia, namahenak esa nanafek neu ita, fo malole na lena; no enok ndia, fo ita hapu deka to Manetualain.

IMAMAT 11:40

Hataholi fo ana ho'i neni do na'a bana mates ndia paan-na soona, ana muse sefe bua papaken-na, tehu nanggenggeo nahele losa le'do tenak.

KELUARAN 27:21

Harun no anan-nala muse ito-ato banuk ndia neme le'donoso losa fafaik nai mamanak fo Au nai ndia, nai temak nanalolo'ek-ka deak nai Peti Hehelu-balataak-ka matan. Hataholi Israel-la loo tititi-nonosin muse lakalala'ok paleta ndia losa dodoon-na.”

BILANGAN 19:7

Basa soona, imam-ma muse safe bua papaken-na, ma nadiu oe. Basa ndia soona, ana masok leo lalaa oofuk dale neu, tehu bei nanggenggeo losa le'do tenak.

BILANGAN 18:23

Mulai besak ia, ka'da hataholi Lewi-la, nde bole ito-ato Au Lalaa Temang-nga, ma ala mete-lakanae ue-le'dis ndia Nakanenetek ndia boeo, nanapakek soaneu o tititi-nonosim losa dodoon-na. Hataholi Lewi-la, ta hapu baba'ek nai Israel fa,

BILANGAN 19:8

Hataholi manahotu sapi ndia boeo, muse safe bua papaken-na, ma nadiu oe; hataholi ndia boeo, bei nanggenggeo losa le'do tenak.

BILANGAN 19:10

Hataholi manahulun-nakabubua sapi ndia afun-na, muse safe bua papaken-na, tehu bei nanggenggeo losa le'do tenak. Nakanenetek ndia, nanapakek losa dodoon-na, nau soaneu hataholi Israel-la, do hataholi nusa dea, fo ana leo nahele nai sila nusan dale boe.