BILANGAN 19:19 - Susula Malalaok Hehelu Palak Ma Hehelu Beuk

¹⁹ Ana muse pisin nai faik-ka telun-na, ma faik-ka hitun-na. Neu faik-ka hitun-na soona, basa feta tao nalalao-nalalafu hataholi manggenggeok ndia. Hataholi ndia, muse safe bua papaken-na, ma nadiu oe. Lelek le'do mulai tenak soona, ana da'di balisi.

BILANGAN 19:19 Referans Kwoze

1 YOHANIS 1:7

Tehu metema ita taso'da nai mangale'do ka dalek, sama leo Manetualain nai mangale'do ka dalek, soona ita taso'da nai nakabua-nakaesa ka dalek, boema ita esa mole-dame no esa, soona Manetualain Anan fo Yesus daa na, ana safe nalalao ita teme ita sala-singo nala mai.

IBRANI 10:22

Hu ndia de mai fo ata deka to Manetualain no dale ndoos, ma namahehelek fo matea-mahelek; no dalek fo nanatao nalalao-nalalafu basak neme dale nameme'da masalak, ma no ao paak fo nanabalisik ninik oe fo neu isi ka.

YESKIAL 36:25

Basa ndia soona, neukose Au pisi oe neuk neu emi, fo ela emi malalaok neme basa emi sosongo-tatangom lala'en-na mai, ma neme basa hata lala'en fo, manatao nanggenggeo emi.

BILANGAN 19:12

Neu faik-ka telun-na ma faik-ka hitun-na soona, ana muse tao nalalao-nalalafu aoina nenik oe feta; soona besak-ka balisi. Tehu metema, neu faik-ka telun-na, ma faik-ka hitun-na, ana ta tao balisi aoinan-na fa soona, nanggenggeo nahele.

IMAMAT 14:9

Neu fai ka hitun-na soona, muse ana nggeuheni la'iesak langadoon-na, nggolomein-na boe, mata bulun-na, ma basa bulu-buluk manai aopaan-na. Boema, muse ana safe bua papaken-na, ma nadiu oe. Basa ndia soona, besak-ka ana lea-hai.

YUDAS 1:23

Tulu-fali hataholi fe'e kala fo daenga laso'da, nono'ka bai de, emi hela henis leme ha'i pilak dale mai. Tulu-fali hataholi fe'ek, tehu manea matalolole, fo daenga emi boso tunga hataholi sila la, sala-singon. Soaneu hataholi fe'e kala, ela leo bee na emi sue-lais no bibii-namatua'uk, tehu mamanasas, nakalenak bua papake nala, hu ka nde sala-singo nala.

TITUS 2:14

Ana tunu-hotu basa ao ina na soaneu ita, ma Ana se'i-po'i ita teme mangalauk lala'ena mai, fo Ana tao ita da'di Ndia hataholi kamahehele malalao-malalafuk ma mana manggate tao tatao-nono'i malole.

BILANGAN 31:19

Ma basa emi fo, taomisa hataholi so, do koila'e mamates-sa, muse mahele meme lalaa oofuk-ka deak, faik hitu dalen-na. Neu faik-ka telun-na, ma faik-ka hitun-na soona, emi ma basa inak fo emi foo menik sila-la, muse tao feta tao nalalao-nalalafu aoinak-ka.

KEJADIAN 2:2

Neu fai ka hitun-na, boema Manetualain tao nakababasak tatao-nono'in ndia, boema Ana hahaeaon-na.

KELUARAN 19:10

Besak ia, muu matongo moo hataholi sila-la, ma madenus fo faik ia, ma balahaa laheheleaon, soaneu makaluku-makatele. Ala muse safe-saa bua papaken-nala.

BILANGAN 19:13

Hataholi fo, aon-na la'e mamates-sa, tehu ana ta tao nalalao-nalalafu aoinan-na, nde been-na manggenggeok, nanahu beita nanapisik nenik oe feta fa. De ana tao nanggenggeo Manetualain Lalaa Teman-na, hu ndia de, ta nanalekek da'di Manetualain anan-nala so'on.

BILANGAN 19:18

Nai dede'a makasososak-ka dalek, fo nde metema mate hataholi esa nai lalaa temak dale soona, hataholi balisi-a, muse ho'in-na hanoe ndanak esa, fo ana dopen leo oe ndia dalek neu, fo basa soona, ana pisin neu lalaa temak ndia, ma neu basa hata lala'en fo manai dalek-kala, ma hataholi manai sila-la boe. Nai dede'a ka dua dalek, fo nde metema hataholi esa, aon-na la'e mamates, lates do hataholi manamatek duin-na soona, hataholi balisi-a, muse pisi hataholi manggenggeok ndia, sama leo hataholi makasososak-ka boe.

IMAMAT 14:7

Imam-ma, muse pisi manupui ndia daan-na la'i hitu neu hataholi manalea-haik ndia, ma nafa'da nae, ana lea-hai so. Boema, muse ana po'i falik manupui maso'dak-ka leo mook-ka neu.

BILANGAN 31:24

Neu faik-ka hitun-na soona, emi muse safe emi bua papakem-ma, fo besak-ka emi ta manggenggeok so'on, de bole meu leo lalaa oofuk dale meu.”